SOLOMON HLA 7
7
1Mangbawi fanu na mar hna nih cun
kedan he rem tuk ai!
Na taipum nih rem ciuceo tein,
Zungthiam lungvar ṭhihlawn
an thlet te bangin.
2Na laite nih mitsur thlum cia
chiahnak khengkuar bial khi bang,
Lili par dawh kulhmi fahum tlunte
khi, lo ai dah kaw nang paw nih.
3Na hnuk pahnih cu ee, sazuk nochuan
faphir dawhte lo ai hna dah kaw,
4Na hngawng nih sang kaw saiho
sakmi run innsang khi bang;
Na mitte nih Heshbon khua i
Bathrabbim kutka pawng um
tibual te lo maw,
Na hnar zong nih Damaskas
khua lei hoi
Lebanon ral vennak run innsang
khi bang;
5Na lu nih cun Karmel tlang bangin
cuang ai kaw,
Na lu cung um na sawm-ai samthlai
tiang zong nih sendung te bang ti
ai hna,
Mangbawi lung tiang hreng ai ci.
6Nu raan vun haih khawh lo maw mui
sung dawh cem,
Ka dawt nunnem tikheirem dawh te,
Nang lawng nih kei ka lung hnem
dah ngai.
7Na tungtai nih lo ai ngai dah kaw,
ramlak tumkung hna zong khi,
Na hnuk hna nih tumtlai theibor
khi lo ai hna.
8Tumkung ah cun kai ning law ee
a thei lo rih ning.
Aw na hnuk hna nih mitsur bor lo
ai hna dah kaw,
Na thaw rim nih epal rim a hluan.
9Na mi hnamh nih mitsur hang
thaw bang,
Nal ziahmah in hmur le ha cungah
a lan kho bikcem.
Ngaknu
10Kei cu nang ta si ai ing ee,
Cia loin ee ruahzun len ka si.
11I thawh ka dawt kan pilmim lo ah
kal hawl si,
Mitsur lo ah ka dawt aw kan cam
hna lai.
12Tuan in tho law mitsur lo ah cun
kal u si,
Mitsur par hna a no mom le
taleti par sarh
cang hna maw kan hoi hawl lai,
Khika ah khin kei zuun rim cu
zaa in chan lang.
13Ṭhing thar chonh in kan chumtual
kot ah
Dimṭial pangpar dawh cem
rimhmui le thei ṭha phun tling hna,
Ka dawt nang ca tlem ai ing.
Currently Selected:
SOLOMON HLA 7: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006