SOLOMON HLA 8
8
1Sunghno ka nu hnuk a ding le maw
ka chuah sempi ṭa can va si law,
Zatlang lam i kan ton zawn ah khin,
Kan hnamh hnga mi phai
ral hmanh veng loin.
2In hruai ning law ka nu run inn ah
tanchuan rem,
Sunghno ka nu a suan run inn khaan,
chungah hei ka pom ai law,
Taleti ser mitsur hang thlum,
hei in din hnik lang.
3Kehlei ban hei ka tlinh tawn rih law,
Hei ka kup tuah na orhlei kut in.
Tlangval
4Maw Jerusalem leng rual hna,
Ka dawtte cu tho law i hlau ko tiin,
Ṭhangh lai kan senh hna ri lo.
Fung Ruknak
A hawile hna
5Ho lengnu maw ramlak in rung lang,
Lung a tum cia thlanghnun valpa he
zaṭial tlaih in um ai hna.
Tlangval
Semnak na nu nganfah tuar buin
na chuahnak hmun
Epal kung toiah in ṭhang ai ing,
6Na lung chungah ca bangin
ka khenh ko ai law
Val dang pom ser loin keimah lawng
ka pom ai ko.
Dawtnak cu ee thihnak tluk
ṭhawng ve,
Nahchuahnak nih thli bang
a hrang tuk ai!
Dawtnak nih cun mei bangin
hlio kaw meizik nakin ṭhawng
deuh ai.
7Dawtnak mei cu tidai rial nih
hmit kho ri lo,
Run tilian zong nih phum kho lai lo.
Dawtnak can ah zeizong phun kip le,
rothil hmanh hei kam seh law,
A khi hna cu zei ah hen,
ka hei rel hna hnga.
A ṭale hna
8Farte fang khat hnuk bom lo
kan ngei,
Thai ngenh duh i kan daang kai
ni ah, zeitin aan kan leh hna hnga?
9Amah cu ee vampang va si seh,
ngun hau in kan kulh hnga,
Run innkhar zong va si ko ah khin,
sidar thing in kan hrenh hnga.
Ngaknu
10Keimah cu ee ralhruang ngai ka si,
Ka hnuk zong nih ral vennak
Cu vang ah ee ka dawt nih cun
hnangam phortu ka si hngal dah ngai.
11Solomon nih Baal-hamon ah
mitsur dum a ngei,
A khi dum ah dum cawngtu chia hna,
Theitlai man ah ngun thong khat cio
pe ding si hna,
12Sihmanhsehlaw kei ka mitsur dum te
cu keimah ta si ko ai,
Solomon aw nang nih ngun
thong khat cu i lak law
Thei cawng hna nih za hnih cu
i lak hna seh.
Tlangval
13Ka thaisung in ka dum chung i
a ṭhumi aw,
Ka val hawi nih na aw theih an ngai,
kei zong ka theihter ve law.
Ngaknu
14Ka dawtte aw ra lang cang tuah law,
Rimhmui tlang i sazuk le maw saza
nochuan bang, Ra lang ko sawh law.
Currently Selected:
SOLOMON HLA 8: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006