SOLOMON HLA 6
6
A hawile hna
1Khoi ah dah maw lengnu vial lak i
mui ṭha cem,
Khuazei ah dah aa herh ṭhan hoi kun,
na dawt duh bik sung cem cu;
Amah kawl lai awkin bawm rih sih.
Ngaknu
2Ka dawtte cu a dum chungin kal
ai kaw, zihmui hmun ah cun,
A dum chungah lili par ṭawh le
tuurun rual hna khalh pah in.
3Ka dawtte aw kei ta na si i,
kei zong nang ta ka si ve,
Lenter hna ai a tuurun rual cu,
lili pangpar hna lakah.
Fung Nganak
Tlangval
4Ka dawtte aw naa dawh tuk ah
Tirzah khua na bang,
Duhtlai tuk ci Jerusalem khua bangin;
Cu hna khua hnih bangin i dawh ko
ai ri.
5Ka zoh hlah law nang mit nih ee
tang koin ka tlai,
Na sawm-ai nih Gilead tlang cungin
a ṭum me runrual hna bang.
6Na ha tian rem hna nih ee tuurun
dairial tikholh kaa khi lo ai hna,
Zoh rem lomi fang khat hmanh
um lo, rem cingceng tein.
7Hmaikhuh dumdang puanzar phen
na bel, taleti cheu lo ai ri.
8Ṭuanchawng a thainu sawm riat
hna le mang bawinu sawm ruk
hna lengah,
Rel cawk lo leng ngaknu zong
um hna.
9Ka zohzun lengnu le ka ṭhuro semte,
pakhat lawng um ai ri,
Sunghno a nu dawt khun ṭhai si ai,
soisel awk zei um loin;
An hoi zawn ah ngaknu lengmi nih
thluachuak nu an ti hleiah,
Thangṭhat hna maw mangbawi nu
hna le ṭuanchawng a thainu
rual nih.
10Khuadei fingrei cat bang ahodah
rung lang ci,
Thlatangpa bang dawh i
a ceu cin ninu bang,
Vanlai arfi ceu cin hna a hluan.
11Va kal rih ning zohzun hoi rih lang,
dum hmun nelrawn chungah cun,
Mitsur hnah note corh cang hna maw
tiin, taleti par mom hna zong.
12Ka hngal lo nain lung ka tum
lengnu nih,
Ka ruahter maw mi thong sang
uktu, mangbawi cungchin
sanghlei ah.
A hawile hna
13Rung kir rih law Shullam lengno nu,
kannih bihzun lai dingah.
Tlangval
Zei ah dah maw nan hei hoi rih lai
Shullam miphun lengnu cu,
Milaam bu hna karlak ah.
Currently Selected:
SOLOMON HLA 6: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006