SAWLAMUN 3
3
Pa Kha Rhawm Tix Sawm
1Yam kawn ot aux piang dee it tix daux pon sawm, aux sawg ka rhawm moh tix, viang mawh nan, aux ang lai yaox ka nawh heue. 2Aux ah nin, “Aux sang yaog ti kaoh yam in mai hu lailing ka daux veng, ka daux krax laux mai ka daux bing pak, aux tak sawg ka rhawm moh aux heue. “Aux sawg nawh, viang mawh nan aux ang lai yaox ka nawh heue. 3Cao pau veng pa lailing ka daux veng khankix hoik yaox ka aux, aux ah nin ka pui ankix, “Mawh yaox pex ka pui pa moh aux lie?” 4Yam kawn tak jiet luan hu aux khaing kix, aux yaox ka pa koe rhawm moh tix heue. Aux giex nawh mai ang lai ploi nawh hu, tom hoek bawg yam viex aux nawh hoek ka daux nyiex ma miex aux mai ka daux lawg it nawh pa hoik keh kung aux heue. 5Kawn bun veng Yerusaliem khankix eue, aux tawm ti deuh lox ka pex, ka plak sivoe kiah, cak khankix ang ah, ka daux krax pa sidaing meed ot ceu ankix, ka daux tiagtu, paw lai so rhawm paox moh aux kaoh mai paw kieh rhawm paox moh aux deeh siduad tom hoek bawg yam koe krax nyawm rhawm nawh heue.
Grawng Bleeh Sawlamon
6Mawh pui mawx pa bleeh khaing daux tiagtu, awm jung rong simaox taox ngu mai sidah bhawng mai sidah bhawng Muran mai sidah bhawng Lawban mai mawk sidah bhawng cie cao lai cao geu khawmuik lie? 7Jhak heue, an mawh dangkag cie simiang Sawlamon mai pui vao kwa tixgliah kaux hawt rawb rim an, hoik mawh pui vao kwa ceu pui Isarelax heue. 8Kix giex vaig khawmuik, hoik sax mawh pui pa kied cheung daux naing. Pui ku kaux tang giieb vaig ka nyoi tix, jao lhat graung kix daux ponsawm heue. 9Simiang Sawlamon yuh dangkag ngawm cao tix ka khaox gawng Lebanon, 10Nawh yuh plawng rong jhong nawh ka mau, rong joh jhan nawh ka khri, dee ngawm nawh ka man lung pliex, plak daux nawh tawm mai krax moh krax rhawm, khaing cub kawn bun veng Yerusaliem khankix heue. 11Kawn bun Zion khankix eue, nied tix hu plak sivoe mai hu jhak simiang Sawlamon, pa hoik ceep ka mhok khri, pa hoik ceep miex nawh ka nawh, ka daux singaix ka paox caox nawh, singaix koe krax gaux rhawm daux rhawm nawh heue.
Currently Selected:
SAWLAMUN 3: WCL
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012