Génesis 49
49
Jacob, witing witni yulni balnayulna kidika
1Jacob, witing walanibis balna yulwak uiwak diyulna: “Yaihkit akat aiwanauh, bahang kaput laih manayulki tamatna yakat ais kalahwarang kidika:
2“Yaihkit akat aiwa dakanauh,
Jacob walanibis balna,
manna papangmana Israel yakat kaldakanauh.
3“Rubén, man laih yang walakibisbarakniman,
yang paraski kaupak tatuna minikkalahna kidika laih man,
riskipik tatuna dawak paraski.
4Kaunah man kidika tatuna-awas awama,
kat man laih was parasni murwaklaihwatwas kapatman bahang:
kat payahtayang pāni kidikarisnipik dis yamnaman bahang
yang ialki karak alangwanaman.#Gn 35:22.
5“Simeón dawak Leví karak laih kalwirah;
witingna kalbaunin dini kidika laihwar yamnin dini manah ki.
6¡Kidika yakat watas bik sak-awakihyāwaski
kalududuhwa pāni yakat!
Kat witingna kulninna daukalwakmuih ihina,#Gn 34:24-30.
kidika laih witingna ting yayamna
dawak turuh ahalmuk balna kalnina bikbabahna.
7¡Dutni, agha, dutni kawang
kulnin daukalna dutni palni kidika!
¡Yang lawik diatingkat kalruhwi uiwarang
Israel tawanni bitik kidika!
8“Judá, wirahma balna ayangma nuhniyayamwarang.
Waihmala balna kidika dininamak yakatlaihma,
dawak man wirahma balna palnirispik sainni kidika mamawarang.
9¡Man, Judá, yang walakibis!
Man laih layan walanbis as kapatman
di inin kidika iwas dawakat:
abukwi, sau yakat kalangwi,
layan nuhni kapat.
¿Wais sipkarangyah witing yakat usnin?#Nm 24:9; Rib 5:5.
10Muih as bik Judá parasni kidikadakyakwas karang,
witing tingni kaupak tulninahparasni kidika bik,
tulninah parasni daniwan kidikakaiwarang kat,#49.10 Kaput laih, ulna umamani balna as as kau. Hibru kau laih sipki wirlanin Siloh kaiwarang kat, kidika awaskat witing kidika Siloh yakat kaiwarang kat.
witing yulwa kidika tawan balnadakakawarang.
11Wain yanimak pasyakat birinikusitwa kidika,
dawak wain kau asnina balna bitiksuhwa kidika,
¡wain minikwas kau!
12Witing minikpa kidika tanit sani kiwain karak dawakat;
anani kidika tanit pihni kitāwas karak dawakat.
13“Zabulón laih kuma kung yakyalahwarang,
kidika yakat kuma kuring balnaaiwi kanin pāni karang.
Sauni lainni kiwi watwa kidika laihSidón kat karang.#Dt 33:18-19; Jos 19:10-16.
14“Isacar laih tinglau di trukyang as karang
turuh balna ūnina yakat yakurupwakidika.
15Witing sauni kidika talwak yamni kat,
dawak bik mawingkita puhnin yamni,
witing abukna salahni kidika,
di trukwi dukiuna atnin yulni,
dawak kidika niningyakat yulwasban muih dini yamyang kalna.
16“Dan laih witing alas muihni balnataninatuna kawarang,
Israel sulani as kapat.
17Dawak Dan laih sihm bil as kapat karang,
ta kungkau sakkidika
dawak aras kalnitung yakat kaswa kidika
dawak yamwak aras kilyang muihniruhmlakwa kidika.
18“¡Dawan yang tahatayangyalaihta yakma!
19“Gad laih witing yakat
kalbauyang muihni balna niningyakatkalbabauwarang,
kaunah kidika usnit kat witing yaklauwiuiwi kiwarang.
20“Aser laih plawar busna mahniduwarang;
dawak king balna yakat kasnin auhnikidika diawarang.
21“Neftalí laih sana as pini prilikkapat karang
dawak walanibis balna nunuhniyaksasihn kapat.
22“José laih pan as waskung yakatsakkapat ki,
minik mahni yakwa kidika
dawak tingni rahni balna kidika laihdaklana minit yakat uhr'ilna.
23Sibang ruhmyang balna yaklauwimaisihni kaltatalwi,
sibang kalruruhmwi nining ban kaluhuswi;
24kaunah José laih tingni parasni duwi,
lasni iswi duwasakki ban;
¡tingki as ki Jacob Papangki parasni yakat!
¡Tingkih Sīp Maintalyang ayangni yakat,
Israel nanitdakyang kidika!,
25¡tingkih man papangma Papangni yakat,
witing ilp mawarang kidika
Papang parasni bitik duwa kidikablisin mawarang!
¡Makau kisang kau blisinni kidika!
¡Kuma tuhni blisinni kau!
¡Tani dawak bāni karak blisinni kidika bik!
26Papangma laih baisa blisin mana
papangki balna blisin yayana karak dawakat.
Asangpas ban atnin kaput kiwi watwa kat,
kidika blisinni balna kidika
José tunan yakat sakkarang,
wirahni balna paskaupak yakwi duna kidika.#Dt 33:13-17.
27“Benjamín laih asangpassunilu anyang kapatki,
mapiris yakat di laihna kidika kaswi
dawak ma ulahu yakat sutni balnabayakna bangdai kidika wayah yakwi yuwi.”
28Adika balna kuduh Israel sulani 12 kidika, dawak adika kuduh papangni yulna dai kidika walanbis balna yakat, witingna bitik yakat blisin diawi.
Jacob dauna
29Ma as kat, Jacob yaklauwi walanibis balna yakat pakna: “Yang daunik manahki. Yanutanama muihki bararak balna yaihnitna yakat, hitita muihni Efrón witing sauni kau pasulihni sakyakat, 30Canaán sauni kau yakat; yuldarang kat Macpela kauh pasulihni sakkidika yakat, Mamre muhnitkau yakat, Abraham bakanna dai kidika Efrón sauni karak libitwi, wanaihni balna bitik saunina-ū.#Gn 23:3-20. 31Kidika yakat Abraham dawak Sara karak nununa,#Gn 25:9-10. Abraham yalni, Isaac#Gn 35:2 9. dawak yalni Rebeca bik, dawak kidika yakat Lea dai kidika nunayang. 32Kidika sauni dawak pāni sulihni kidika bik bakanna hitita balna kaupak.”
33Jacob yaklauwi walanbis balna yakat kaput diyulwi dawi, kalangna, bahang kaput laih mahka dauna.#Ap.w 7:15.
Currently Selected:
Génesis 49: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998