Maleaki 3
3
1 #
Mat. 11:10; Mrk. 1:2; Luk. 1:76, 7:27 Pengaloi Jahowa Pergegoh Sisotercodi, “Kupasulak mo utusenKu peliasken dalan bangKu. Nai sintempu mo Aku, Jahowa sinitulusen ndènè roh mi BagesKu. Utusen- Ku siniketedohken ndènè i roh janah me- ningtingken padanKu.”
2 #
Jl. 2:11; Alm. 6:17 Tapi isè mo tahan i ari pekiroh Jahowa dekket petararken diriNa? Kerna bagè api peneppa peningtingi tembaga ngo ia, dekket bagè sabun penaptapi. 3Lako menghukum ngo ia asa roh, bagè kalak pebersihken dekket meningtingi pirak. Bagè peneppa meningtingi emmas dekket pirak, bagidi ngo utusen Jahowa meningtingi imam-imam asa ipèlèken kalak i pèlèen dekket cara sinikelemoken atè Jahowa. 4Asa bagè tikan sinderbi lemmo atè Jahowa midah pèlèen sinipèlèken bangsa Juda bak Jerusalem bana.
5Idokken Jahowa Pergegoh Sisotercodi, “Roh mo aku mendahi kènè lako merhukum. Kusudu mo roh gabè saksi taba kalak perhèlmu kasar, jelma perlangkah julu meddem, simenuhu-nuhui luap, simemaing curang tikan merèken upah bai kalak sigajien, simengkilang daberru mbalu, anak melumang, dekket kalak sidèban, bang taba karina kalak siso pesangapken Aku.”
Pèlèen persipuluhen
6“Aku ngo Jahowa, janah oda mobah Aku. Kumara i, alè kènè pinempar si Jakob, oda iripasken. 7Tosè bagè empung ndènè arnia, enggo karinana kènè menurimpang ipas pati-patinKu nai janah oda setia mengulakensa.
Mulak mo kènè mendahi Aku, asa mulak ma Aku mendahi kènè. Tapi mengkuso ngo kènè, ‘Bakunè ngo sikennah ulaenken nami lako balik mendahi kono?’ 8Bagèndari Kukuso mo kènè: Tertipu jelma ngo Jahowa? Tentu oda. Tapi itipu kènè ngo Aku. Ikuso kènè, ‘Bakunè ngo?’ PengaloingKu: Sinderrang menggarar persipuluhen dekket merèken pèlèen. 9Karina bangsa menipu Aku, nai kenna sempetta mo kè karina.
10 #
3 Ms. 27:30; 4 Ms. 18:21-24; 5 Ms. 12:6, 14:22-29; Neh. 13:12 Taruhken mo persipuluhen ndènè karina mi BagesKu asa mbuè pangaen i sidi. Oji mo Aku, asa idah kènè Kubuka pèntu sorga, janah Kuberèken mo bai ndènè mertinèncuk karina simendè. 11Oda kupadiat pengago mencèdai suan-suanen ndènè; pekken anggur ndènè pè rombang-rambing mo buahna. 12Nai oda kurangen kènè idokken karina bangsa, kumarna nagerri ndènè merandal bekkas ianen.”
Ijandiken Jahowa ngo masèh atèna
13Idokken Jahowa, “Sondel mo ranamu mengelèai Aku. Tapi mengkuso dèng ngo kènè, ‘Bakunè pana rana nami tersèngèt kono?’ 14Idokken kènè, ‘Sia-sia sambing ngo menguèi Jahowa. Kadè mo gunana siulaken ulaenta sinidokken Jahowa Pergegoh Sisotercodi, barang menuduhken tabasa siselselli kesalahenta? 15Siidah ngo mersennang-sennang ngo kalak sijukkat. Oda pellin mertambah nduma kalak jelma jahat, tapi mula ioji kalak i kesobaren Jahowa merkitè maing jahat, maluah ngo tong kalak i.’ ”
16Nai mengeranai mo samah-samah jelma simerkebiaren taba Jahowa. Idengkohken janah iperatè-atèken Jahowa ngo sinidokken kalak i. Jelma sipesangapkensa dekket simerkebiaren baNa, isuratken ngo gerarNa ibas bukku lapihen silot i hadeppenNa.
17Idokken Jahowa Pergegoh Sisotercodi i, “Gabè bangsangKu ngo kalak i. Tupung ari pemalessenKu, kalak i ngo gabè milik kekelengenKu. Masèh ngo atèngku midah kalak i, tosè bagè sada kalak partua simengkekelengi dukak simenguèi bana. 18Idah bangsangKu i mo laènna jalonken kalak burju dekket kalak jahat, kalak simerpenguèi taba Aku dekket siso menguèi Aku.”
Currently Selected:
Maleaki 3: LAIBTD
Highlight
Share
Copy
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)