Maleaki 4
4
Roh nè mo ari Jahowa
1Idokken Jahowa Pergegoh Sisotercodi i, “Roh mo arina ilekkup mo karina jelma jahat dekket jukkat bagè ronci. Tupung ari i, kerri mo kalak i ilekkup, janah oda lot nèngè tading bai kalak i nai. 2Tapi ukum kènè simenguèi bangKu, ipaluah kuasangKu sinaing mbincar bagè mataniari i mo, janah cuhayana merembahken kemalumen. Maluah mo kènè janah mersampang atè, tosè bagè anak lembu rembaru ipaluah i kandangna nai. 3Tupung ari i mo Aku memales janah italuken kènè mo kalak jelma jahat, gabè tosè mo kalak i bagè abu idedohi kènè.
4Èngèt mo sinipeddahken naposongKu si Musa, èngèt mo pati-patien dekket hukum siKuberèken bana i Delleng Sinai simahan uèen karinana bangsa Israel.
5 #
Mat. 11:14, 17:10-13; Mrk. 9:11-13; Luk. 1:17; Joh. 1:21 Tapi sinderrang madèng dapet ari mbellen siKutentuken i, Kupasulak ngo lebbè utusenKu Nabi Elia mendahi kènè. 6Ipesada mo ukur bapana dekket dukakna, asa ulang roh Aku mengeripasken nagerri ndènè.”
Currently Selected:
Maleaki 4: LAIBTD
Highlight
Share
Copy
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)