MATTEW 23
23
Kapitlu 23
Ġesù jikkundanna lill-kittieba u l-Fariżej
(Mk 12,38-40; Lq 11,37-52; 20,45-47)
1Imbagħad Ġesù kellem lin-nies u lid-dixxipli tiegħu, u qalilhom: 2“Fuq il-katedra ta’ Mosè#23,2: Katedra ta’ Mosè: simbolu tal-awtorità li kellhom l-Iskribi jew Kittieba biex jgħallmu, ifissru u japplikaw il-Liġi għall-ħajja ta’ kuljum. qagħdu l-kittieba u l-Fariżej. 3Mela kulma jgħidulkom huma agħmluh u ħarsuh, iżda tagħmlux kif jagħmlu huma, għax huma kliem biss għandhom, imma fatti xejn.#Mal 2,7-8. 4Huma jorbtu qatet kbar u tqal u jgħabbuhom fuq spallejn ħaddieħor, waqt li huma stess anqas b’sebagħhom wieħed ma jridu jħarrkuhom. 5Kulma jagħmlu, jagħmluh għal għajnejn in-nies; għalhekk ikabbru l-filatteri#23,5: Ikabbru l-filatteri: il-filatteri kienu bċejjeċ żgħar tal-ġild, bi kliem il-Liġi miktuba fuqhom, li kienu jdawruhom ma’ dirgħajhom jew jorbtuhom ma’ ġbinhom; il-ġmiemen kienu jħituhom fil-ponot u t-truf ta’ lbieshom biex ifakkruhom fil-Liġi. u jtawlu l-ġmiemen tagħhom.#Eż 13,9; Num 15,38-39; Dt 6,8; Mt 6,15. 6Iħobbu l-postijiet ewlenin fl-imwejjed, u s-siġġijiet ta’ quddiem fis-sinagogi,#Lq 14,7. 7u jixtiequ min isellmilhom fil-pjazez u li n-nies isejħulhom Rabbi. 8Imma intom tħallux min isejħilkom Rabbi, għax l-Imgħallem tagħkom wieħed hu, u intom ilkoll aħwa. 9U ssejħu lil ħadd missierkom fuq din l-art, għax il-Missier tagħkom wieħed hu, dak li hu fis-smewwiet. 10Hekk ukoll tħallux min isejħilkom mexxejja, għax il-mexxej tagħkom wieħed hu, il-Messija. 11Il-kbir fostkom għandu jkun il-qaddej tagħkom;#Mt 22,26-27; Mk 9,35; 10,43-44; Lq 9,48; 22,26. 12min jitgħolla, jitbaxxa, u min jitbaxxa, jitgħolla.#Ġob 22,29; Prov 29,23; Eżek 21,26; Lq 14,11; 18,14.
13“Ħażin għalikom#23,13: Ħażin għalikom: xi wħud mill-manuskritti jżidu l-v. 14: Ħażin għalikom intom il-kittieba u l-Fariżej, uċuħ b’oħra! Intom tberbqu flus ir-romol, u mbagħad għal wiċċ in-nies iddumu ħafna titolbu. Għalhekk tieħdu kundanna aktar iebsa: ara Mk 12,40; Lq 20,47. intom il-kittieba u l-Fariżej, uċuħ b’oħra! Intom tagħlqu s-Saltna tas-Smewwiet għall-bnedmin, u la intom ma tidħlu fiha u lanqas tħallu lil ħaddieħor li jkun irid jidħol!
15“Ħażin għalikom, intom il-kittieba u l-Fariżej, uċuħ b’oħra! Intom taqsmu l-ibħra u dduru d-dinja kollha biex iddawru bniedem għar-reliġjon tagħkom, u meta tiġbduh għal magħkom tagħmluh bniedem ħaqqu l-infern darbtejn aktar minnkom!
16“Ħażin għalikom, mexxejja għomja! Intom tgħidu, ‘Jekk wieħed jaħlef bis-santwarju, il-ħalfa ma tgħoddx; imma jekk jaħlef bid-deheb tas-santwarju, ikollu jrodd.#Mt 15,14; 23,24; Rum 2,19. 17Boloh u għomja! X’inhu l-aqwa? Id-deheb, jew is-santwarju li jqaddes id-deheb? 18Tgħidu wkoll, ‘Jekk wieħed jaħlef bl-artal, il-ħalfa ma tgħoddx; imma jekk jaħlef bl-offerta ta’ fuq l-artal, ikollu jrodd.’ 19Ja għomja! X’inhu l-aqwa? L-offerta, jew l-artal li jqaddes l-offerta?#Eż 29,37. 20Mela min jaħlef bl-artal ikun jaħlef kemm bl-artal u kemm b’li jkun hemm fuqu; 21u min jaħlef bis-santwarju jkun jaħlef kemm bis-santwarju u kemm b’min jgħammar fih;#1 Slat 8,13; S 26,8. 22u min jaħlef fuq is-sema jkun jaħlef kemm bit-tron ta’ Alla u kemm b’dak li hemm fuqu.#Is 66,1; Mt 5,34; Atti 7,49.
23“Ħażin għalikom, intom il-kittieba u l-Fariżej, uċuħ b’oħra! Intom tħallsu d-dieċmi fuq in-nagħniegħ u l-busbies u l-kemmun, u mbagħad tagħlqu għajnejkom għal dak li hu l-aqwa fil-Liġi, jiġifieri, il-ġustizzja u l-ħniena u s-sinċerità! Dawn kien imisskom tagħmlu, bla ma tħallu l-oħrajn barra,#Lev 27,30; Mik 6,8. 24ja mexxejja għomja, li ma tħallux nemusa tgħaddi mill-passatur, biex imbagħad tibilgħu ġemel!#Mt 15,14; 23,16; Rum 2,19.
25Ħażin għalikom, intom il-kittieba u l-Fariżej, uċuħ b’oħra! Intom tnaddfu t-tazza u l-platt minn barra, waqt li minn ġewwa jkunu mimlija bi frott is-serq u r-regħba!#Mk 7,4. 26Fariżew agħma, it-tazza l-ewwel naddafha minn ġewwa, biex imbagħad tkun nadifa minn barra wkoll!#Ġw 9,40.
27Ħażin għalikom, intom il-kittieba u l-Fariżej, uċuħ b’oħra! Qiskom oqbra mbajda#23,27: Oqbra mbajda: kienu jbajdu l-oqbra bl-abjad biex min jgħaddi billejl jarahom u ma jiċċappasx magħhom, għax inkella kien ikollu jgħaddi mir-riti tal-purifikazzjoni ritwali.: minn barra jidhru sbieħ, u minn ġewwa mimlija għadam tal-mejtin u kull xorta ta’ ħmieġ!#Atti 23,3. 28Hekk intom; minn barra tidhru tassew ġusti quddiem il-bnedmin, waqt li minn ġewwa kollkom ipokrisija u ħażen!#Lq 16,15.
29Ħażin għalikom, intom il-kittieba u l-Fariżej, uċuħ b’oħra! Intom tibnu l-oqbra lill-profeti, iżżejnu l-monumenti tal-ġusti, 30u tgħidu, ‘Kieku konna fi żmien missirijietna ma konniex nissieħbu magħhom u nxerrdu demm il-profeti,’ 31u b’hekk weħidkom tagħtu xhieda li intom ulied il-qattiela tal-profeti!#Atti 7,52. 32Mela issa komplu sal-aħħar dak li bdew missirijietkom!
33“Ja sriep u nisel il-lifgħat, kif se taħarbu mill-kundanna tal-infern?#Mt 3,7; 12,34; Lq 3,7. 34Jien għalhekk nibagħtilkom profeti u għorrief u kittieba, li xi wħud minnhom toqtluhom u ssallbuhom, u oħrajn issawtuhom fis-sinagogi tagħkom u tippersegwitawhom minn belt għal oħra,#Mt 10,23; Atti 7,52; 1 Tess 2,15. 35ħalli b’hekk taqa’ fuqkom il-ħtija tad-demm tal-ġusti kollha li xtered fuq l-art, ibda minn demm Abel il-ġust sa demm Żakkarija bin Barakija, li intom qtiltuh bejn is-Santwarju u l-artal. 36Tassew, ngħidilkom, dawn il-ħtijiet għad jaqgħu kollha fuq dan in-nisel!#Ġen 4,8; Żak 1,1; Lhud 11,4.
Ġesù jitħassar lil Ġerusalemm
(Lq 13,34-35)
37“Ġerusalemm, Ġerusalemm, int li toqtol il-profeti u tħaġġar il-messaġġiera mibgħutin lilek, kemm-il darba ridt niġbor lil uliedek bħalma l-qroqqa tiġbor il-flieles taħt ġwenħajha, u int ma ridtx!#Atti 7,59; 1 Tess 2,15. 38Ara, darkom għad iħalluhielkom ħerba!#1 Slat 9,7-8; Tob 14,4; Ġer 12,7; 22,5. 39Għax, ngħidilkom, m’intomx se terġgħu tarawni minn issa sa ma tgħidu, ‘Imbierek min ġej f’isem il-Mulej!’ ”#S 118,26; Mt 21,9; Mk 11,10; Lq 19,38.
Currently Selected:
MATTEW 23: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.