เอสะลา 9
9
เอสะลา เต๋า เก๋า เหญี่ยม หฒวัง แปะ ฝีง เญย ฒุ์ย
1น้าย เต๋ย เจ๊า-โหล่ว เจี๋ย ลิ์ว, อิสะลาเอน เมี่ยน เญย เปย๊ย เฒ้ย ต้าย ล์อ เยีย. นิ่น บัว ก๊อง, “อิสะลาเอน เมี่ยน, เลี่ยม ไซ เมี่ยน เหธา เลวี เมี่ยน, ไม้ เหธา เว่ย ก๋อม เญย กั้น ฝีง เมี่ยน ปุน ฆอย. นิ่น บัว หฒวด เจี๊ยน คานาอัน เมี่ยน, ฮิดไท เมี่ยน, เปลิดซี เมี่ยน, เยบุด เมี่ยน, อัมโมน เมี่ยน, โมอับ เมี่ยน, อียิบ เมี่ยน, เหธา อาโมไล เมี่ยน โหฒว เญย เหยียด ฒู้ง โหยว ไห่, กั้ม เฑี้ย ไห่ เญย สี่. 2อิสะลาเอน เมี่ยน เหว่ย นิ่น บัว กั้น หย่า เหว่ย นิ่น บัว เญย ตอน หล่ง น้าย เต๋ย กั้น ฝีง เมี่ยน เญย เซียะ โหฒว เอ๊า. นิ่น บัว ฯฒฯ ปุน ทิน-ฮู่ง เญย ธีง-เหฑ่ง เญย แปะ ฝีง หฒอบ เจี๊ยน เว่ย ก๋อม เญย กั้น ฝีง เมี่ยน. โหฒว เปย๊ย เฒ้ย เญย เมี่ยน เหธา โหฒว เจียน เญย เมี่ยน โหฒว ต่อง น้าย เต๋ย สี่ เก้า ธั้ม.”
3เยีย เยี้ยด ไฮ์ น้าย เต๋ย สี่, เยีย เฑ่า ไห่ ฯฒฯ เป๊ด เยีย เญย ลุย เหธา ต้ม ลุย-ด๊าว หย่า ธุน เยีย เญย บะเปยย เหธา ซยาม, เฮญี้ยว มุน ไห่, เฒว์ย เจี๊ยน วั้ว. 4ตะฟ่าน เหว่ย กั้ม เหฑีย อิสะลาเอน เมี่ยน เญย ทิน-ฮู่ง เญย หว่า ซิน หฒิน, หลาย หฒุ กว๊าด มี่ง แอ๋ง หฑวน ต้าย เญย เมี่ยน โหฒว ต่อง เญย ฒุ์ย วั้ว เต๋ย, ต้าย กั๊บ ฒุ้น เยีย น้าย. เยีย เฮญี้ยว มุน ไห่, เฒว์ย เจี๊ยน วั้ว เถา ลู่ง ม์าน-หฮมวัง, ปั๊ว กะน้าย เหฒี่ย ปุน ทิน-ฮู่ง เญย เฒี่ยง โห่.
5ลู่ง ม์าน-หฮมวัง เถา เหฒี่ย เญย เฒี่ยง โห่, เยีย เยียม เยีย เฒว์ย เจี๊ยน เฮญี้ยว มุน วั้ว นอม ต๋อง เจี์ย ซิน ต้าย. เยีย หธ่อ ฒุ เจี๊ยน เยีย เป๊ด เญย ลุย เหธา ต้ม ลุย เกว่ย เหฌี่ย เดา ซูง ปั์ว ฝาว, เหธา เฒี้ยว, เยีย เญย ทิน-ฮู่ง, เต๋า เก๋า. 6เยีย ก๊อง,
“โอ เยีย เญย ทิน-ฮู่ง อ่า, เยีย หฒะเก้ง ไฮ์ ไญ้ ไห่, ฒู้ง ไม้ ก๊าม เธา เฮมียน หมั่ง เยีย เญย ทิน-ฮู่ง, เหว่ย หฒุ เยีย บัว เญย ฒุ์ย เก้า ฮลัง เยีย บัว เญย มฆ้อง. เยีย บัว โหฒว ต่อง เญย ฒุ์ย ดุย เจี๊ยน เถา กู้ หงว่าย ลู่ง. 7เยียม โล์-ฮนอย เยีย บัว เญย อง-ถาย เถา อี้ หฒั่น เยีย บัว โหฒว ต่อง เญย ฒุ์ย เฮนี้ย ไห่. หลาย เยีย บัว เญย ฒุ์ย, เยีย บัว, เลี่ยม ฮู่ง เตี๋ย เหธา ไซ เมี่ยน, หฒุ เยียม กั้น นอม กั๊วะ เญย ฮู่ง เญย ปั์ว-เดี๊ย ฯฒฯ หฒุ หฑุ ด๊าว ไต๋, หฒุ ธ้าง, หฒุ ลู้, หฒุ เตี๊ย ไญ้ เถา เดี๊ย, ฮนั้ง อี้ จ๋า ฮนอย นอ.
8“มป่า อี้ หฒั่น เฒี้ยว, เยีย บัว เญย ทิน-ฮู่ง, เหว่ย น้าย เต๋ย นั้ง เญย เฒี่ยง โห่, เหธย เอน ปุน เยีย บัว. นิ่น เลี่ยว เต๋ย เยีย บัว เหฒ่ง เหฌี่ย เญย เมี่ยน หฑวน ต้าย ม่าย ต๋อง ว้วน เญย เยียม นิ่น เญย สีง ติ่น, หย่า ปุน เยีย บัว ฟี้ง ต้าย เยียม เยีย บัว หฒุ โหฒว โน่ว เญย เฒี่ยง โห่ ตุ๊ เฮง เต๋ย. 9เยีย บัว หฒุ โหฒว โน่ว, มป่า โหฒว โน่ว เญย เฒี่ยง โห่ เยีย บัว เญย ทิน-ฮู่ง ไม้ กวั่ง เยีย บัว. นิ่น ปุน เยีย บัว เยียม เปเซีย ฮู่ง เญย หฑะเฮมียน ปิ๋ว เม่ง นิ่น ฮนั้ม เยีย บัว, ปุน เยีย บัว หฑวน ต้าย เหธย เยีย บัว เญย ทิน-ฮู่ง เญย เปย๊า, แอ๋ง หฒ่อ ป่าย หว่าย เญย ต๋อง. นิ่น หย่า เปว เจี๊ยน#9:9 ฮิบลู หว่า ก๊อง “ปุน เยีย บัว ม่าย หฌ่ง”. เยีย บัว เยียม ยูดา เหธา เยลูซาเลม.
10“โอ เยีย บัว เญย ทิน-ฮู่ง อ่า, เม่ย ด่ง หน่าย เถง เยีย บัว, อี้ หฒั่น เยีย บัว อ๋อย หฒุ ฮนั้ง หาย นอ ก๊อง? เหว่ย หฒุ เยีย บัว หฒวัง เมี่ยน กวั่ง เม่ย หัด เญย หว่า, 11ต้ง เม่ย หล่ง เม่ย เญย โปว, หฒวัง โต่ว หว่า เมี่ยน, จิว ปุน เยีย บัว เญย หว่า ก๊อง, ‘เม่ย บัว อ๋อย เปียะ มี่ง ตุ๊ หฑิบ เป๋น เม่ย บัว เญย ป่วน เต่ย-ปูง เซ ม่าย หวุย เญย เต่ย-ปูง. เยียม วั้ว เญย เมี่ยน โหฒว โหยว ไห่, กั้ม เฑี้ย ไห่ เญย สี่, เยียม น้าย ปูง มี่ง ก๋อม เถา วั้ว ปูง ฯฒฯ ม่าย หวุย เหฑ่ง. 12เหว่ย น้าย ไม้ ตู๋ง ปู๋ง เม่ย บัว เญย เซียะ ปุน นิ่น บัว เญย ตอน หล่ง. หย่า ไม้ ตู๋ง ล์อ นิ่น บัว เญย เซียะ ปุน เม่ย บัว เญย ตอน หล่ง โหฒว เอ๊า. เม่ย บัว เหยียด ลิ์ว ไม้ ตู๋ง เถง นิ่น บัว ตุ๊ หลง ไฟ เหธย นิ่น บัว เป๋น ต้าย. ฮนั้ง หน่าย เม่ย บัว ฯฒฯ เฮ้น ต้าย, ตุ๊ หญั่น น้าย นอม เต่ย-ปูง หลง เญย กะน้าย, หย่า เลี่ยว เต่ย-ปูง ปุน เม่ย บัว เญย เฒ้ย-ฟุน เหยียด ลิ์ว ตุ๊ หฑิบ.’#ธ้วด อียิบ 34:11-16; หฑั่ม เล์ย-หลัด 7:1-5
13“เยีย บัว เญย ทิน-ฮู่ง อ่า, หลาย เยีย บัว กั้น โหฒว เญย หว่าย สี่ เหธา โหฒว ต่อง เญย ต้ม ฒุ์ย หฒุ ปวั้ง เญย หญู่งๆ สี่, เม่ย ตี่ง เญย ฒู้ง เก้า เฮง เยีย บัว เญย ฒุ์ย, หย่า ไม้ ผุย เยีย บัว หอบ หฒุ ตุ๊ เญย. เม่ย หย่า เลี่ยว เยีย บัว น้าย กวั้น เหฒ่ง เหฌี่ย เญย เมี่ยน. 14เยีย บัว หธ่อ อ๋อย หฒุ แอ๋ง ป์าม เม่ย เญย เล์ย-หลัด ฯฒฯ เหธา โหฒว โหยว ไห่, กั้ม เฑี้ย เญย สี่ วั้ว เต๋ย เมี่ยน ตอง จา ไฟ? สี ก๊อง เยีย บัว ฮนั้ง น้าย นอ โหฒว, เม่ย ฒู้ง อ๋อย เฉีย เจี์ย, เหมียด เยีย บัว น้าย กวั้น โหฒะ เญย เมี่ยน, ไม้ ปุน เยีย บัว เหฒ่ง เหยียด เต้า. 15โอ เฒี้ยว, อิสะลาเอน เมี่ยน เญย ทิน-ฮู่ง อ่า, เม่ย เซ แป้ง ฟิม เญย. เยีย บัว น้าย กวั้น เหฒ่ง เหฌี่ย เญย เมี่ยน หธ่อ เปย๋า ดุ๊ด ต้าย เถา อี้ ฮนอย. อี้ หฒั่น เยีย บัว ตอง เจี๊ยน เม่ย เหญี่ยม เยีย บัว โหฒว ต่อง เญย ฒุ์ย, เหว่ย หฒุ ม่าย น้าย เต๋ย ฒุ์ย ไม้ ม่าย หาย เต้า ไฮ่ ตุ๊ เยียม เม่ย เญย หฑะเฮมียน.”
Currently Selected:
เอสะลา 9: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007