เอสะลา 10
10
หฒวัง เมี่ยน เหญี่ยม ฒุ์ย
1เอสะลา เยียม ทิน-ฮู่ง เญย เปย๊า หฑะเฮมียน แหมง บ๊าบ เหฌี่ย เดา เญี้ยม เจี๊ยน เต๋า เก๋า เหญี่ยม ฒุ์ย วั้ว หฒั่น, ม่าย อิสะลาเอน เมี่ยน มจั่ง มเซียะ เหธา ฝุเจว๊ย ธั้ม เญย ต้าย กั๊บ ฒุ้น เยียม นิ่น วั้ว. นิ่น บัว เหยียด ฒู้ง เญี้ยม ตุ๊ เฮญี้ยว มุน ไห่. 2เอลาม เญย เฒ้ย-ฟุน, เยฮีเอน เญย ตอน, เซคานิยา, ก๊อง บั๋ว เอสะลา, “เยีย บัว ไม้ เหฒียบ ฒัวะ เญย โหฒว ปุน เยีย บัว เญย ทิน-ฮู่ง, เหว่ย หฒุ เยีย บัว หล่ง เว่ย ก๋อม เญย กั้น ฝีง เมี่ยน เญย เซียะ โหฒว เอ๊า. มป่า ไม้ กุ๊น เยีย บัว โหฒว ต่อง ด่ง น้าย โด, อิสะลาเอน เมี่ยน หธ่อ ม่าย ลั่ม ฮนั้ม เญย. 3อี้ หฒั่น เยีย บัว อ๋อย เยียม ทิน-ฮู่ง เญย หฑะเฮมียน เหลียบ แหง่ง หว่า, แล์ง กวั่ง เหฑ่ง น้าย เต๋ย กั้น ฝีง เอ๊า เหธา นิ่น บัว เญย ฝุเจว๊ย, หฒิว เม่ย, เยีย บัว เญย เฒี้ยว, เหธา ท่าย ทิน-ฮู่ง หัด เญย หว่า วั้ว เต๋ย ตี่ง เญย หว่า. โท้ เอย เจี๊ยน ทิน-ฮู่ง เญย เล์ย-หลัด โหฒว. 4เม่ย เจี์ย ซิน ต้าย เบ่น น้าย เต๋ย สี่. เยีย บัว แล์ง เถง เจี๊ยน เม่ย. กุ๊น ปู๋ง เฮญี้ยว อ๊ะ.”
5เอสะลา ฯฒฯ เจี์ย ซิน ต้าย ปุน ต้ม ไซ เมี่ยน เหธา เลวี เมี่ยน เหธา อิสะลาเอน เญย หฒวัง เมี่ยน โฮ้ว เจี๊ยน แล์ง เอย น้าย เต๋ย หว่า โหฒว. นิ่น บัว ฯฒฯ โฮ้ว เจี๊ยน อ๊ะ. 6เอสะลา เยียม หฒั่ง ทิน-ฮู่ง เญย เปย๊า หฑะเฮมียน แหมง มี่ง เปียะ เอลียาซี้บ เญย ตอน, เยโฮฮานัน, เยียม เญย ต๋อง. เยียม วั้ว นิ่น ไม้ หญั่น หฮนาง หย่า ไม้ ฮบ ววม เหว่ย หฒุ นิ่น เฑ่า ตุ๊ โค้ว ไห่, หลาย หฒุ กว๊าด มี่ง หฑวน ต้าย วั้ว เต๋ย เมี่ยน ไม้ เหฒียบ ฒัวะ เญย โหฒว ปุน ทิน-ฮู่ง.
7นิ่น บัว ฯฒฯ ปุน หว่า มี่ง ฒุ่น ก๋อม ยูดา เหธา เยลูซาเลม, บั๋ว หฒุ กว๊าด มี่ง หฑวน ต้าย เญย เมี่ยน กั๊บ ฒุ้น เยียม เยลูซาเลม. 8ตะฟ่าน น้าย เต๋ย ปัว ฮนอย กะญั์ว, หาย เต้า ไม้ ต้าย หฒิว ต้ม เจียน เหธา เมี่ยน โก๋ หัด เญย หว่า, นิ่น บัว เญย จา-ตี้ง เหยียด ฒู้ง ฯฒฯ หฒุ เฒาะ หมี่ อ๊ะ. วั้ว เต้า หย่า อ๋อย เยียม หฒุ กว๊าด มี่ง หฑวน ต้าย เญย เมี่ยน บุด๋ง หฒุ ไพ กวั่ง.
9น้าย เต๋ย ปัว ฮนอย กะญั์ว, เซ เถา จั๊ว หฮลา หญี่ เหฒียบ วั้ว ฮนอย, ยูดา ฝีง เหธา เบนยามิน ฝีง เญย มจั่ง ตอน เหยียด ฒู้ง ต้าย กั๊บ ฒุ้น เยียม เยลูซาเลม. หฒวัง เมี่ยน เฒว์ย เจี๊ยน ทิน-ฮู่ง เญย เปย๊า หฑะเฮมียน แหมง, หลาด กะญั์ว, หลาย น้าย เต๋ย สี่ หย่า หลาย ตุ้ย บยู่ง โฮล, เมี่ยน ซิน หฒิน ฌ้วนๆ เญย. 10เอสะลา ไซ เมี่ยน โซ้ว เจี์ย ต้าย ก๊อง บั๋ว หฒวัง เมี่ยน, “เม่ย บัว ป์าม ฒุ์ย หล่ง กั้น ฝีง เมี่ยน เญย เซียะ โหฒว เอ๊า ฯฒฯ ปุน อิสะลาเอน เมี่ยน เญย ฒุ์ย จา เฮนี้ย. 11อี้ หฒั่น เม่ย บัว อ๋อย หฒุ เหญี่ยม ฒุ์ย ปุน เฒี้ยว, เม่ย บัว เญย อง-ถาย เญย ทิน-ฮู่ง, หย่า เอย เจี๊ยน นิ่น เญย เอ๋ย โหฒว. อ๋อย หฒุ เหธา เว่ย ก๋อม เญย เมี่ยน ปุน ฆอย หย่า เล่ย ฆอย เม่ย บัว กั้น ฝีง เมี่ยน เญย เอ๊า.”
12กั๊บ ฒุ้น เญย หฒวัง เมี่ยน เฉีย โฮล เญย เตา, “หฒะเก้ง ฮนั้ง หน่าย นอ อ๊ะ. เยีย บัว อ๋อย หฒุ เอย เจี๊ยน เม่ย เญย หว่า โหฒว. 13มป่า เยียม น้าย ม่าย แปะ ฝีง ธั้ม เญย. บยู่ง โหย่ว โฮล. เยีย บัว ไม้ ไฮ่ โซ้ว น้าย แก้ง ขะเดา. หย่า ไม้ เฒ์ย เหยียด ฮนอย อี ฮนอย ไฮ่ เบ่น ตุ๊ ซูง เญย สี่, เหว่ย หฒุ น้าย หญู่ง สี่ เยีย บัว ต่อง ตุ๊ โด ไห่. 14โท้ ปุน เยีย บัว เญย เจียน เยียม เยลูซาเลม เถง หฒวัง แปะ ฝีง เบ่น น้าย เต๋ย สี่. หาย เต้า หล่ง กั้น ฝีง เญย เซียะ โหฒว เอ๊า, อ๋อย หฒุ หฒิว ตี่ง ต้าย เญย เฒี่ยง โห่ ต้าย ฒ่า สี่. หย่า อ๋อย หฒุ ม่าย เก๊าะ-เมี่ยน เญย ฒี่ง เญย เมี่ยน โก๋ เหธา เซี้ยม ฒุ์ย เจียน เหธา เจี๊ยน ต้าย. อ๋อย หฒุ เบ่น น้าย เต๋ย สี่ ซูง เหฑ่ง, ทิน-ฮู่ง ฯฒฯ ไม้ เฉีย เจี์ย บัว อ๊ะ.” 15ขูง อาสาเฮน เญย ตอน, โยนาทาน, เหธา ที้กวา เญย ตอน, ยาไซอา, แหง่ง น้าย เต๋ย สี่. หย่า ม่าย เมซุนลาม เหธา เลวี เมี่ยน, ซับเบไท, เถง เจี๊ยน นิ่น บัว แหง่ง.#10:15 เอย ฮิบลู หว่า น้าย 10:15 อะ ตุ๊ เม่ง แปะ. ไม้ ฮิ้ว ตุ๊ น้าย เต๋ย เมี่ยน เหว่ย หาย ติ่ว แหง่ง เจี๊ยน. เซ เหว่ย หฒุ นิ่น บัว อ๋อย เซี้ยบๆ เญย เบ่น ซูง น้าย เต๋ย สี่, ไม้ ปุน เมี่ยน ทอ เล่า, ไฟ หลาย ไม้ หอบ เฮญี้ยว น้าย ติ้ว เล่ย กวั่ง เอ๊า เญย เล์ย.
16หฒุ กว๊าด มี่ง หฑวน ต้าย เญย หฒวัง เมี่ยน ฯฒฯ เอย เจี๊ยน น้าย หญู่ง หฒะเอ๋ย โหฒว. เอสะลา ไซ เมี่ยน ฯฒฯ หฒิว บั๋ว กิ๊น เต๋ย ปู้ง ป่วน เญย เปย๊ย เฒ้ย, เหยียด ปู้ง เหยียด เต้า. เหฒียบ หฮลา แซง-เยี้ยด วั้ว ฮนอย, นิ่น บัว เฒว์ย เจี๊ยน เจี์ย กอน เบ่น น้าย เต๋ย สี่. 17เถา ฒี่ หฮลา แซง-เยี้ยด นิ่น บัว เบ่น ซูง เหฑ่ง หล่ง กั้น ฝีง เมี่ยน โหฒว เอ๊า เญย สี่.
หล่ง กั้น ฝีง เซียะ โหฒว เอ๊า เญย เมี่ยน
18น้าย เซ หล่ง กั้น ฝีง เมี่ยน เญย เซียะ โหฒว เอ๊า วั้ว เต๋ย ไซ เมี่ยน เญย บั๋ว หฒิว นิ่น บัว เญย โต้ว ฒง.
โยซาดัก เญย เฒ้ย-ฟุน, เยซูอา, เหธา นิ่น เญย มั์ว-ต่อย, ม่าย มาอาเสอา, เอลีเยเซ, ยาลี้บ เหธา เกดาลิยา. 19นิ่น บัว แล์ง เล่ย นิ่น บัว เญย เอ๊า หย่า เหว่ย นิ่น บัว โหฒว ต่อง เญย ฒุ์ย ฝ่ง ห่อ เต้า ปะกี ยู่ง โก๊ว ฟิ นิ่น บัว โหฒว ต่อง เญย ฒุ์ย.
20อิมเม เญย เฒ้ย-ฟุน ม่าย ฮานานี เหธา เสบาดิยา.
21ฮาลิม เญย เฒ้ย-ฟุน ม่าย มาอาเสอา, เอลียา, เซไมอา, เยฮีเอน, เหธา อุดซียา.
22ปาดเฮ เญย เฒ้ย-ฟุน ม่าย เอลีโอไน, มาอาเสอา, อิสะมาเอน, เนทันเอน, โยซาบาด เหธา เอลาสา.
23เลวี เมี่ยน ม่าย
โยซาบาด, ซิเมอี, เคลายา, (นิ่น แอ๋ง ม่าย นอม บั๋ว เห่ว เคลิทา,) เปทาหิยา, ยูดา, เหธา เอลีเยเซ.
24ป๋าว ฑูง เญย เมี่ยน ม่าย เอลียาซี้บ.
ฒั้ว แก้ง เญย เมี่ยน ม่าย ซันลูม, เทเลม, เหธา อุลี.
25เหฒ่ง เหฌี่ย เญย อิสะลาเอน เมี่ยน ม่าย,
ปาโล้ด เญย เฒ้ย-ฟุน ม่าย ลามียา, อิดซียา, มันคิยา, มิยามิน, เอเลอาซา, มันคิยา, เหธา เบไนยา.
26เอลาม เญย เฒ้ย-ฟุน ม่าย มัดทานิยา, เสคาลิยา, เยฮีเอน, อับดี, เยเลโม้ด เหธา เอลียา.
27สัดทู เญย เฒ้ย-ฟุน ม่าย เอลีโอไน, เอลียาซี้บ, มัดทานิยา, เยเลโม้ด, สาบาด เหธา อาซีซา.
28เบไบ เญย เฒ้ย-ฟุน ม่าย เยโฮฮานัน, ฮานันยา, สับไบ, เหธา อัดไล.
29บานี เญย เฒ้ย-ฟุน ม่าย เมซุนลาม, มันลุก, อาดายา, ยาซู้บ, เซอัน เหธา เยเลโม้ด.
30ปาหัดโมอับ เญย เฒ้ย-ฟุน ม่าย อัดนา, เคลาน, เบไนยา, มาอาเสอา. มัดทานิยา, เบซาเลน, บินนุย เหธา มะนัดเส.
31ฮาลิม เญย เฒ้ย-ฟุน ม่าย เอลีเยเซ, อิดซีจา, มันคิยา, เซไมอา เหธา ชีเมโอน, 32เบนยามิน, มันลุก, เหธา เซมาลิยา.
33ฮาซูม เญย เฒ้ย-ฟุน ม่าย มัดเทไน, มัดทัดตา, สาบาด, เอลีเฟเล้ด, เยเลไม, มะนัดเส, เหธา ซิเมอี.
34บานี เญย เฒ้ย-ฟุน ม่าย มาอาได, อัมลาม, อูเอน, 35เบไนยา, เบไดยา, เคลุฮี, 36วานิยา, เมเลโม้ด, เอลียาซี้บ, 37มัดทานิยา, มัดเทไน, ยาอาสุ.
38บินนุย เญย เฒ้ย-ฟุน ม่าย ซิเมอี, 39เซเลมิยา, นาทัน, อาดายา, 40มักนาเดไบ, ซาไซ, ซาไล, 41อาซาเลน, เซเลมิยา, เซมาลิยา, 42ซันลูม, อามาลิยา, เหธา โยเซ้บ.
43เนโบ เญย เฒ้ย-ฟุน ม่าย เยอีเอน, มัดทีทิยา, สาบาด, เสบินา, ย้าดได, โยเอน, เหธา เบไนยา.
44น้าย เต๋ย เมี่ยน เหยียด ฒู้ง หล่ง กั้น ฝีง เมี่ยน เญย เซียะ โหฒว เอ๊า. ม่าย เต๋ย หย่า ตุ๊ ฝุเจว๊ย.#10:44 ไฟ “นิ่น บัว ฝูง นิ่น บัว เญย เอ๊า-เจว๊ย มี่ง อ๊ะ”.
Currently Selected:
เอสะลา 10: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007