เอสะลา 8
8
หฒุ ธ้าง มี่ง หฑวน เยลูซาเลม เญย เมี่ยน
1น้าย เซ เยียม อานทาเซซี้ด โหฒว ฮู่ง เญย หฮญัง-ต้าว ตุ๊ เหธา เยีย, เอสะลา, เยียม บาบีโลน หฑวน เญย เมี่ยน, หฒิว นิ่น บัว เญย ปู้ง ป่วน เปย๊ย เฒ้ย เหธา นิ่น บัว เญย โต้ว ฒง เญย เมี่ยน โฮ์ว. ม่าย
2ฟีเนหัด เญย เฒ้ย-ฟุน, เกโซม.
อิทามา เญย เฒ้ย-ฟุน, ดานีเอน.
ดาวิด เญย เฒ้ย-ฟุน, ฮัดทัด,
3เซคานิยา เญย เฒ้ย-ฟุน,
ปาโล้ด เญย เฒ้ย-ฟุน, เสคาลิยา. นิ่น ม่าย เหยียด แป๊ะ ฮม์ เหฒียบ เต้า มจั่ง ตอน เหธา เจี๊ยน นิ่น ฝาว บั๋ว.
4ปาหัดโมอับ เญย เฒ้ย-ฟุน, เสลาหิยา เญย ตอน, เอลีโฮไน, เหธา เจี๊ยน นิ่น ม่าย หญี่ แป๊ะ เต้า มจั่ง ตอน.
5สัดทู#8:5 สัดทู เฟี้ย เป๋น ฮิบลู หว่า เญย โซว ไม้ ม่าย สัดทู วั้ว นอม บั๋ว. ม่าย เต๋ย โซว ฟาน เป๋น กีก หว่า ม่าย วั้ว นอม บั๋ว ฮนั้ง. เป๊ย หมั่ง เอสะลา 2:8. เญย เฒ้ย-ฟุน, ยาฮาซีเอน เญย ตอน, เซคานิยา, เหธา เจี๊ยน นิ่น ม่าย ฟาม-แป๊ะ เต้า มจั่ง ตอน.
6อาดีน เญย เฒ้ย-ฟุน, โยนาทาน เญย ตอน, เอเบด, เหธา เจี๊ยน นิ่น ม่าย ฮม์ เหฒียบ เต้า มจั่ง ตอน.
7เอลาม เญย เฒ้ย-ฟุน, ม่าย อาทาลิยา เญย ตอน, เยซายา, เหธา เจี๊ยน นิ่น ม่าย เธี้ยด เหฒียบ เต้า มจั่ง ตอน.
8เซฟาทิยา เญย เฒ้ย-ฟุน, มีคาเอน เญย ตอน, เสบาดิยา, เหธา เจี๊ยน นิ่น ม่าย เป๊ด เหฒียบ เต้า มจั่ง ตอน.
9โยอาบ เญย เฒ้ย-ฟุน, โอบาดี เญย ตอน, เยฮีเอน, เหธา เจี๊ยน นิ่น ม่าย หญี่ แป๊ะ เหฒียบ เป๊ด เต้า มจั่ง ตอน.
10บานี#8:10 บานี เฟี้ย เป๋น ฮิบลู หว่า เญย โซว ไม้ ม่าย บานี วั้ว นอม บั๋ว. ม่าย เต๋ย โซว ฟาน เป๋น กีก หว่า ม่าย วั้ว นอม บั๋ว ฮนั้ง. เป๊ย หมั่ง เอสะลา 2:10 เญย เฒ้ย-ฟุน, โยสิฟียา เญย ตอน, เซโลมิด, เหธา เจี๊ยน นิ่น ม่าย เหยียด แป๊ะ หลัวะ เหฒียบ เต้า มจั่ง ตอน.
11เบไบ เญย เฒ้ย-ฟุน, เบไบ เญย ตอน, เสคาลิยา, เหธา เจี๊ยน นิ่น ม่าย หญี่ เหฒียบ เป๊ด เต้า มจั่ง ตอน.
12อัดกาด เญย เฒ้ย-ฟุน, ฮักคาทาน เญย ตอน, โยฮานัน, เหธา เจี๊ยน นิ่น ม่าย เหยียด แป๊ะ เหฒียบ เต้า มจั่ง ตอน.
13อาโดนีคัม เญย เฒ้ย-ฟุน ม่าย เต๋ย ฆะฮ้า หฑวน. น้าย เซ นิ่น บัว เญย บั๋ว, เอลีเฟเล้ด, เยอูเอน, เซไมอา, เหธา เจี๊ยน นิ่น บัว ม่าย หลัวะ เหฒียบ เต้า มจั่ง ตอน.
14บิกไว เญย เฒ้ย-ฟุน, อุไท เหธา สักเก, เหธา เจี๊ยน นิ่น บัว ม่าย เธี้ยด เหฒียบ เต้า มจั่ง ตอน.
เอสะลา ล์อ เลวี เมี่ยน เยียม หฒั่ง ทิน-ฮู่ง เญย เปย๊า โหฒว กง
15เยีย เห่ว น้าย เต๋ย เมี่ยน กั๊บ ฒุ้น เยียม เหลี่ยว มี่ง อาหะวา มู้ง วั้ว ติ้ว โด๊ะ เญย โด๊ะ-เฮลน ฯฒฯ เหลียบ เธี้ยง เยียม วั้ว ปัว ฮนอย. เยีย ติ๊ม หมั่ง หฒวัง แปะ ฝีง เหธา ไซ เมี่ยน วั้ว หฒั่น, ไม้ ปวัด ม่าย เหยียด เต้า เลวี ฝีง เญย เมี่ยน เยียม วั้ว. 16เยีย ฯฒฯ ปุน เมี่ยน มี่ง เห่ว ดั้ว เต้า เปย๊ย เฒ้ย ต้าย. ม่าย เอลีเยเซ, อาลีเอน, เซไมอา, เอนนาทัน, ยาลี้บ, เอนนาทัน, นาทัน, เสคาลิยา เหธา เมซุนลาม. แอ๋ง เห่ว อี เต้า ม่าย ธง-เม่ง เญย เมี่ยน, โยยาลิบ เหธา เอนนาทัน. 17เยีย เห่ว นิ่น บัว มี่ง คาสิเฟีย วั้ว นอม ต๋อง ล์อ วั้ว กวั้น เมี่ยน เญย เปย๊ย เฒ้ย, อิดโด, หย่า บั๋ว นิ่น เหธา นิ่น เญย ก๋อ-โย์ว, ต้ง โหฒว หฒั่ง ทิน-ฮู่ง เญย เปย๊า เญย โปว, ต้อ เต๋ย เมี่ยน ต้าย เยีย บัว น้าย เหว่ย เยียม หฒั่ง ทิน-ฮู่ง เญย เปย๊า ฟู-สู ทิน-ฮู่ง. 18ทิน-ฮู่ง หฒะเก้ง ค้อ-เลี่ยน เยีย บัว, ฯฒฯ ฝูง อิสะลาเอน เญย ตอน, เลวี เหธา นิ่น เญย ฟุน, มาลี, เญย เฒ้ย-ฟุน, วั้ว เต้า ม่าย ปั้น เหฒ่ย เญย เมี่ยน, เซเลปียา, เหธา เจี๊ยน นิ่น เญย ตอน, นิ่น เญย เธียน-เธะ ก๋อ-โย์ว, เหยียด ฒู้ง ม่าย เหฒียบ เป๊ด เต้า มจั่ง ตอน. 19นิ่น บัว แอ๋ง ต้อ เมลาลี เญย เฒ้ย-ฟุน, ฮาซาปิยา เหธา เยซายา, เหธา นิ่น บัว เญย ตอน, นิ่น บัว เญย เธียน-เธะ ก๋อ-โย์ว, เหยียด ฒู้ง ม่าย หญี่ เหฒียบ เต้า มจั่ง ตอน. 20ธ้วด ลิ์ว น้าย แอ๋ง ม่าย หญี่ แป๊ะ หญี่ เหฒียบ เต้า หฒั่ง ทิน-ฮู่ง เญย เปย๊า เญย กง-เมี่ยน, ต้ง ฒิ่น ด่าง ดาวิด ฮู่ง เหธา นิ่น เญย เจียน พ้าย นิ่น บัว เญย อง-ถาย เถง เลวี เมี่ยน. น้าย เต๋ย เมี่ยน เหยียด ฒู้ง ม่าย บั๋ว เฟี้ย เจี๊ยน วั้ว เต๋ย โซว-ตาน.
เอสะลา ต้อ แปะ ฝีง เฒย หย่า เต๋า เก๋า
21เยียม วั้ว อาหะวา โด๊ะ- เฮลน เยีย เห่ว หฒวัง เมี่ยน เฒย ไม้ หญั่น หาย หญู่ง, ปุน เยีย บัว เยียม ทิน-ฮู่ง เญย หฑะเฮมียน เหญี่ยม กั้น โหฒว ไฝ, โท้ ทิน-ฮู่ง เปว เจี๊ยน เยีย บัว เหธา เยีย บัว เญย น่าม โญ์ว เหธา เยีย บัว เญย เหยียด ฒู้ง กะน้าย, แป้ง ออน เญย มี่ง ตุ๊ ทง เจ๊า. 22เยีย ไญ้ ไม้ โท้ ฮู่ง เตี๋ย ปุน กวั้น แปง เหธา เก้ ม์า แปง โก๋ว เยีย บัว, เถง เยีย บัว ยั่ง เจ๊า หฒั่ง ไม้ หฒุ วิน-วั้ง ห่อย, เหว่ย หฒุ เยีย บัว บั๋ว เจี๋ย ฮู่ง เตี๋ย, “เยีย บัว เญย ทิน-ฮู่ง เหธา เขา นิ่น เญย เมี่ยน เยียม, มป่า นิ่น หฒะเก้ง โน์ว ไห่ เหยียด ฒู้ง กวั่ง นิ่น วั้ว เต๋ย.” 23เยีย บัว ฯฒฯ เฒย ไม้ หญั่น หาย หญู่ง หย่า เหว่ย น้าย ติ้ว เจ๊า โจ้ว เยีย บัว เญย ทิน-ฮู่ง. ทิน-ฮู่ง หย่า เตา เยีย บัว เต๋า เก๋า เญย หว่า.
24เยีย กิ๊น ธ้วด เหฒียบ เหญ่ย เต้า โหฒว โฮล วั้ว เหยี่ยม ไซ เมี่ยน เหธา เซเลปียา, ฮาซาปิยา, แอ๋ง เหธา เหฒียบ เต้า นิ่น เญย เธียน-เธะ ก๋อ-โย์ว. 25ฮู่ง เตี๋ย เหธา นิ่น เญย ธ่าง ล่าง เมี่ยน, เหธา นิ่น เญย เจียน, เหธา เยียม หน่าย เญย อิสะลาเอน เมี่ยน เหยียด ฒู้ง, เหว่ย หฒั่ง ทิน-ฮู่ง เญย เปย๊า ฝ่ง ห่อ เญย เจียม ญ่าน เหธา จา-ต๋อง เยีย เฑียง ลิ์ว ฯฒฯ จิว ปุน วั้ว เต๋ย ไซ เมี่ยน บัว. 26เยีย เฑียง ลิ์ว จิว ปุน นิ่น บัว เญย ญ่าน ม่าย เหยียด หว่าน ปัว ธิน หลัวะ แป๊ะ ฮม์ เหฒียบ จ้อย,#8:26 ฮิบลู หว่า ก๊อง 650 ตะลัน. เซ เล่ย ไม้ โก 22,000 กีโล. เหธา หล่ง ญ่าน โหฒว ต้าย เญย จา-สี่, เฮนี้ย-ต้าว อี ธิน เหยียด แป๊ะ จ้อย.#8:26 ฮิบลู หว่า ก๊อง 100 ตะลัน. เซ เล่ย ไม้ โก 3,400 กีโล. เจียม ม่าย อี ธิน เหยียด แป๊ะ จ้อย. 27เจียม-หฑ่อม หญี่ เหฒียบ นอม ม่าย ปยา จ้อย หญี่ เหฒียบ หลัวะ ลู์ง,#8:27 ฮิบลู หว่า ก๊อง 1,000 ดาลี้ก. เซ เล่ย ไม้ โก 8.5 กีโล. เหธา หล่ง ต้าว ฮ่อง ต้ง ซิ โหฒว ต้าย เญย อี นอม จา-สี่ โหย่ว! โหย่ว วั้ว, ด่ง เจียม จ๋าย.
28เยีย ก๊อง บั๋ว นิ่น บัว, “เม่ย บัว กั้น เหธา น้าย เต๋ย จา-สี่ ธีง-เหฑ่ง, ฝูง ปุน เฒี้ยว หมี่ อ๊ะ. เจียม ญ่าน เซ ธ้วด ฟิม ฝ่ง ห่อ ปุน เฒี้ยว, เม่ย บัว เญย อง-ถาย เญย ทิน-ฮู่ง. 29เม่ย บัว อ๋อย หฒุ โก๋ว หลง, ฒั้ว เถา เม่ย บัว เยียม เยลูซาเลม, หฒั่ง เฒี้ยว เญย เปย๊า, ไซ เมี่ยน เยียม เญย ต๋อง, ตอง เจี๊ยน ไซ เมี่ยน เปย๊ย เหธา เลวี เมี่ยน, แอ๋ง เหธา อิสะลาเอน เมี่ยน เญย ปู้ง ป่วน เปย๊ย เฒ้ย เฑียง.” 30ไซ เมี่ยน เหธา เลวี เมี่ยน ฯฒฯ ฒิบ เฑียง ลิ์ว วั้ว เต๋ย เจียม ญ่าน เหธา จา-สี่ ต้อ มี่ง เยลูซาเลม, เยีย บัว เญย ทิน-ฮู่ง เญย เปย๊า.
หฑวน เยลูซาเลม
31ฒี่ หฮลา เหฒียบ เหญ่ย วั้ว ฮนอย, เยีย บัว เยียม อาหะวา โด๊ะ ธ้วด เจ๊า มี่ง เยลูซาเลม ฒี่ง. เยีย บัว เญย ทิน-ฮู่ง เหธา เยีย บัว เยียม,#8:31 เป๊ย หมั่ง เอสะลา 7:6. เหฌียว เยีย บัว เปย๋า ดุ๊ด วิน-วั้ง เหธา ตั๊ง เจ๊า วั้ว เต๋ย เมี่ยน เญย ปั์ว-เดี๊ย. 32เยีย บัว เถา เยลูซาเลม ฯฒฯ ฮิด ปัว ฮนอย วั้ว.
33ตะเฝย วั้ว ฮนอย, เยีย บัว เยียม ทิน-ฮู่ง เญย เปย๊า กะญั์ว เฒาะ เจียม ญ่าน เหธา วั้ว เต๋ย จา-ต๋อง เฑียง ลิ์ว, จิว ปุน อุลีอา เญย ตอน, เมเลโม้ด ไซ เมี่ยน. แอ๋ง ม่าย ฟีเนหัด เญย ตอน, เอเลอาซา, เหธา อี เต้า เลวี เมี่ยน, เยซูอา เญย ตอน, โยโซบาด, เหธา บินนุย เญย ตอน, โนอัดยา, เหธา นิ่น เยียม วั้ว. 34หญู่งๆ กะน้าย นิ่น บัว เฑียง เจี๋ย แอ๋ง ซ้าว ลิ์ว ฯฒฯ หฒิว เฮนี้ย-ต้าว เหธา โสว โหม่ว เฟี้ย เจี๊ยน โซว-ตาน.
35หฒุ ธ้าง มี่ง หฑวน ต้าย เญย เมี่ยน ต้อ แซง-คู้ ปั๊ว เหฒี่ย ฝ่ง ห่อ ปุน อิสะลาเอน เมี่ยน เญย ทิน-ฮู่ง. เหว่ย อิสะลาเอน เญย หฒวัง เมี่ยน นิ่น บัว หล่ง ง่ง โก๊ว เหฒียบ เหญ่ย เต้า, ปะกี ยู่ง โก๊ว จั๊ว เหฒียบ หลัวะ เต้า, ปะกี ยู่ง ตอน เธี้ยด เหฒียบ เธี้ยด เต้า, หย่า หล่ง เหฒียบ เหญ่ย เต้า ยู่ง โก๊ว เหว่ย ฟิ ฒุ์ย. น้าย เต๋ย เหยียด ฒู้ง เซ ปั๊ว เหฒี่ย ปุน เฒี้ยว เญย กะน้าย. 36นิ่น บัว หย่า ต้อ ฮู่ง เตี๋ย เหฌี่ย หลี่ง เญย โซว มี่ง ปุน ยูเฟติด ด้าย บะฮนอย ด๊อด แหมง เถง ฮู่ง เตี๋ย กุ๊น เต่ย-ปูง เญย ต้ม เจียน เหธา แซ้ง-เฒี้ยว. วั้ว เต๋ย ต้ม เจียน เหธา แซ้ง-เฒี้ยว บัว ฯฒฯ เถง แปะ ฝีง หย่า เถง หฒั่ง ทิน-ฮู่ง เญย เปย๊า เฉียม หล่ง เญย กะน้าย.
Currently Selected:
เอสะลา 8: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007