2 Khangthute 35
35
Josiah in Paisanpawi Bawl
1Josiah in Jerusalem ah TOPA Paisan-pawi bawl-a a kha masa pen a ni sawm le lina ni-in Paisan tuuno kigo hi. 2 Amah in siampite amau nasepna mun ah seh a, TOPA biakinnpi sunga amaute nasepna ah a hanthawn hi. 3 Amah in Israel khempeuh lam a lak TOPA tunga a ki-apsa Levi-te tungah: "Israel kumpipa David tapa Solomon lamsa biakinnpi sungah a siangtho singkuangpi koih un. Na liangko un na pua kei ding hi. Tu-in TOPA note Pasian le ama mi Israel na sem un. 4 Israel kumpipa David le a tapa Solomon in lamlahna a gelhsa bangin a khenkhenin a innkuan zui-in kithawikhol ciat un.#Pk 12:1-30
5 "Na gam mipihte uh a khentuam-te minautang ahi manin Levi-te pawlkhat tawh mun siangtho ah dingkhawm un. 6 Na gam mipihte uh adingin Paisan tuunote go unla, no le no ki-apin tuunote sa bawl unla Moses tunga TOPA thupiak bangin sem un," a ci hi.#Sp 11:44
7 Tua lai-a om minautangte khempeuh in Paisan pawi-a biakna-a a zat ding uh tuu le keel a kigawmin tul sawmthum Josiah in sik a, bawngtal tulthum zong a sik lai hi - a vekpi in kumpipa neihsate pan ahi hi.
8 A uliante in zong amau utthu-in mipite le siampite le Levi-te tungah a khenkhia uh hi. Pasian biakinnpi a, a saipite ahi Hikiah, Zechariah le Jehiel-te in Paisan pawi-a biakna gante tulnih le zaguk le bawng zathum siampite a pia uh hi. 9 Conaniah in zong a sanggamte Shemaiah, Nethanel le Levi-te makaite Hashabiah, Jeiel, le Jozabad-te tawh Paisan pawi-a biakna gan tulnih le zaguk le bawngtalpi zanga Levi-te a sik uh hi.#2Kh 31:12-13
10 Kikhop nading kithawi khina, kumpipa thupiaksa bangin siampite amau munah dingin, Levi-te amau khenkhen ah a om dimdiam uh hi. 11 Paisan tuunote kigo a, Levi-te in ganhingte vunte a hawk laitakun, amaute a kipia sisante siampite in a theh uh hi. 12 Amaute in Moses laibu sunga kigelh bangin, a innkuan zui-a a khenkhena om mite in meihal biakna-a a piak dingun a kipia dingte a tuamkoih uh hi. Amaute in bawngte zong a kibangin a hih uh hi. 13 A kigelkholsa bangin amaute in Paisan gante mei-ah hang uh a, a siangtho biaknate, beelte, taubeelpi-te le sikbeelpite in huan uh a, mipite khempeuh tungah manlangin a lui uh hi. 14 Hihte khit ciangin amaute le siampite ading a bawl uh hi; bang hang hiam cih leh Aaron suan siampite in meihal biakna le sathaute zan hun dongin a hal uh hi. Tua ahi ciangin Levi-te in amau ading le Aaron siampigui-te adingin sa a bawl uh hi.#Pk 12:2-11; 29:13; 2Kh 29:22,34
15 David, Asaph, Heman le kumpipa thumupa Jeduthun-te gualhsa munah Asaph suan tumtheih siamte a om uh hi. Kongpi cingte tangin a lawmte un bawlsak khin uh ahi manin amaute in a omna uh a laih ding uh a kisam kei hi.#1Kh 25:1
16 Tuaci-in Kumpi Josiah thupiak bangin Paisan pawi bawl nading le TOPA biakna-tau tungah meihal biakna piak nadingin tua hunin TOPA nasep nading buppi kimansiang hi. 17 Tua hunin tua lai-a Paisan pawi a bawl Israel-te in Silngo-sawhloh Anlum Pawi ni sagih sung a bawl uh hi. 18 Kamsang Samuel huna kipan Israel sungah tua bangin Paisan pawi a kibawl ngei nai kei hi; tuateh Josiah bawl bangin siampite, Levi-te le Jerusalem mite tawh tua lai-a omkhawm Judah le Israel khempeuh tawh Paisan-pawi a bawl khawm Israel kumpi khat beek a om nai kei hi. 19 Josiah kumpi a suah zawh a kum sawm le giatna kumin hih Paisan pawi kibawl hi.
Josiah Sihna
20 Hihte khempeuh khit Josiah in biakinnpi a ngei a batsak khit ciangin Euphrates gei-a Carchemish ah do dingin Egypt kumpipa Neco kuanto a, amah tawh gal kido dingin Josiah a kuankhia hi. 21 Ahi hangin Neco in ama tungah kamtai sawl a, "Judah kumpipa aw, nang le kei kikalah i kitot nading bang om ahi hiam? Tu hunin nang sim dinga hong kuan hi loin ka galte innkuan sim ding ka hizaw hi. Pasian in ka kinawh ding hong gen khin hi; kei hong ompih Pasian na langpanna khawl in; na khawl kei leh nang hong susia ding hi," a cisak hi.#1Ku 13:18; Isa 10:9
22 Ahi zongin Josiah kileh kik nuam lo a, gal sungah amah tawh kido dingin a meel a seel hi. Amah in Pasian thupiak Neco gensa ngai nuam lo a, Megiddo zanglei ah amah tawh kido dingin a kuan hi.#1Sa 28:8; 2Kh 18:29
23 Thal tawite in Kumpi Josiah kap uh a, amah in a uliante kiangah, "Hong paikhiatpih un; ka nak liam mahmah hi," a ci hi. 24 Tua ciangin amaute in a leng sung pan amah lakhia uh a, leng dang khatah koihin Jerusalem ah puak uh a, tua lai-ah a si hi. Amah a pate hanah kivui-a, Judah le Jerusalem khempeuh ama hangin a thum uh hi.#1Ku 22:34
25 Jeremiah in Josiah tamlawhnate phuaka, numei le pasal lasate in a taamlawh uh ciangin tuni dong Josiah a kahtap uh hi. Hihte Israel ah tang ngeina suaka tamlawhna ah a kigelh hi.
26 Josiah in a uk sung thupiang dangte le TOPA Thukham sunga kigelh tawh kizui-in ki-ap a, a septe - 27 a nasep khempeuh a kipatna pan a tawpna dong Israel le Judah kumpite laibu sungah kigelh hi.
Currently Selected:
2 Khangthute 35: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission