2 Khangthute 36
36
1Tuateh a gam mite in Josiah tapa Jehoahaz la in Jerusalem ah a pa tangin kumpi a suaksak uh hi.#2Ku 23:28-30
Judah Kumpi Jehoahaz
2 Jehoahaz a#36.2 Hebrew in Joahaz pen Jehoahaz tawh kilamdang lo, tg.4 ah zong kumpi a suahin kum sawmnih le thum hi-a, Jerusalem ah kha thum sung a uk hi. 3 Egypt kumpipa in Jerusalem ah a kumpi za kiasak a, Judah tungah ngun talent b#36.3 Tua in ton 3 ¾ bang (metric ton 3.4 bang) zakhat le kham talent c#36.3 Tua in, pound 75 bang (kilogram 34 bang) khat, siah in a kipiasak hi. 4 Egypt kumpipa in Jehoahaz sanggampa Eliakim, Judah le Jerusalem kumpi suaksak a, Eliakim min Jehoiakim in a kheksak hi. Ahi hangin Neco in Eliakim sanggampa Jehoahaz la-in Egypt ah a paikhiatpih hi.#2Ku 23:31-34
Judah Kumpi Jehoiakim
5 Jehoiakim kumpi a suahin kum sawmnih le nga hi-a, Jerusalem ah kum sawm le khat sung a uk hi. Amah TOPA a Pasian muhna ah a sia-in gamta hi. 6 Babylon kumpipa Nebuchadnezzar amah sim dingin kuanto-a Babylon a paipih dingin kol a bulh hi. 7 Babylon kumpipa Nebuchadnezzar in TOPA biakinnpi d#36.7 Ahikeh kumpi inn sunga vanzatte zong Babylon ah la a, tua lai-a ama biakinnpi ah a koih hi.#2Ku 24:13; Jer 26:1; 35:1
8 Jehoiakim uk sunga a sep dangte a kihhuai na a sepnate le amah pana kimu a ginatlohnate khempeuh Judah le Israel kumpite laibu sungah kigelh hi. Tuateh a tapa Jehoiachin in a kumpi za a luah hi.#2Ku 23:36-24:6
Judah Kumpi Jehoiachin
9 Jehoiachin kumpi a suahin kum sawm le giat e#36.9 Hebrew khutgelh khat, Septuagint khutgelh pawlkhat le Syriac (2Ku. 14:8 zong en in); Hebrew khutgelh a tampen ah giat hi a, Jerusalem ah kha thum le ni sawm sung a uk hi. Amah TOPA muhna ah a sia-in gamta hi. 10 Khuakhal hun ciangin kumpi Nebuchadnezzar in amah vaikhak a, TOPA biakinnpi pana van manphate tawh Babylon ah puakhawmin, Jehoiachin pano f#36.10 Hebrew in sanggampa, tua pen kitanaupih cihna (2Ku. 24:17 zong en in) Zedekiah, Judah le Jerusalem kumpi a suaksak hi.#Jer 22:25; 37:1; Eze 17:12
Judah Kumpi Zedekiah
11 Zedekiah kumpi a suahin kum sawmnih le khat hi a, Jerusalem ah kum sawm le khat sung a uk hi. 12 TOPA ama Pasian muhna ah a sia-in gamta a, TOPA kammal a genpa kamsang Jeremiah mai-ah a kiniamkhiat kei hi. 13 Amah Pasian mina a kiciamsak Nebuchadnezzar zong a lehdo hi. Amah ngawngkhauh a lungtang khauhsakin TOPA, Israel Pasian lamah a kihei nuam kei hi. 14 Tua ban lai-ah siampi makaite khempeuh le mipite muanhuai lo semsem uh a, minamte kihhuai gamtatnate khempeuh zui-in amah in Jerusalem a, a apsa TOPA biakinnpi a buahsak hi.#2Ku 24:18-20; Jer 52:1-3
Jerusalem Pukna
15 TOPA a pate uh Pasian in ama mite le a tenna mun tungah hehpihna nei ahi manin a kamtaite tungtawnin amaute tungah thu a khak kikkik hi. 16 Ahi hangin TOPA thangpaihna mite tungah tungin a kidamsak zawh loh dong amaute in Pasian kamtaite zahko-in a kammalte simmawh uh a, ama kamsangte a zahpih uh hi. 17 Amah in amaute langkhatah Babylon-te a#36.17 Ahikeh Chaldean-te kumpipa puak a, amah in mun siangtho sungah khangnote namsau-in thata numeino pasalnote, le a tek a khang sit a nei kei hi. Pasian in amaute khempeuh Nebuchadnezzar tungah a pia khin hi. 18 Amah in Pasian biakinnpi pan, TOPA biakinnpi goukholnate le kumpipa le a uliante goukholna-a vante aneu alianin Babylon ah a pua hi. 19 Amaute in Pasian biakinnpi hal uh a, Jerusalem kulh phelkhia-in; kumpi-inn khempeuh haltum uh a, tua lai-a na manpha peuhmah a susia uh hi.
20 Amah in namsau pana suakta a baanglaite Babylon ah sal-in kai a, Persia kumpi-gam in vang a neih matengin amaute amah le a tapate nasem a suak uh hi. 21 A gam in Sabbath tawlngakna nuamsa a; Jeremiah in TOPA kammal a gen a tangtun nadingin kum sawm sagih a cin dipdep matengin a kinusiat hun sungteng leitang a tawlnga hi.#Ezr 1:1-3; Jer 25:11
22 Persia kumpipa Cyrus kumpi a suah a kum masapenin, Jeremiah gen TOPA kammal a tangtun theih nadingin TOPA in Persia kumpipa Cyrus lungsim hei-a a kumpi-gam sung tengah tangkosakin lai-in zong koihsaka tua lai sungah:
23 "Persia kumpipa Cyrus gen hih ahi hi:
"‘TOPA vantung Pasian in leitung kumpi-gam khempeuh kei hong pia khina, Judah gam Jerusalem ah ama ading biakinnpi khat a lam dingin kei hong seh hi. Note lakah ama mi a om peuhmah - TOPA ama Pasian in ompih henla, amah paitosak hen,’ ci, hi." ci-in a gelh hi.#Thk 4:10
Currently Selected:
2 Khangthute 36: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission