2 Khangthute 34
34
Josiah Puahphatte
1Josiah kumpi a suahin kum giat pha a, Jerusalem ah kum sawmthum le khat sung a uk hi. 2 TOPA mit ah a maanin gamta-a a pa David lampite zui-in veilam ahi-a taklam ahi zongin a pial kei hi.#2Ku 22:1-2; 1Kh 3:14; 2Kh 29:2
3 Ama uk a kum giatna, a khangmoi lai mah in a pa David Pasian zon ding a kipanpah hi. A kum sawm leh nihna sungin Judah le Jerusalem a munsangte, Asherah khuamte, a kikhuak milimte le a kisung limte siaksiang ding a kipan hi. 4 Ama lamlahna nuai-ah Baalte biakna-taute kiphelzan a, tuate tunga om gimnamtui halna-taute satnenin Asherah khuamte, milimte le nate limte a gawizan hi. Hihte sunen a, tuate tunga biakna a piate hante tungah a theh hi. 5 Amah in amaute biakna-taute tungah a siampite uh guhte hal-a, tua bangin Judah le Jerusalem a hahsiang hi. 6 Manasseh, Ephraim le Simeon khuapite Naphtali sung le tuate kim a, a siasate dongin 7 biakna-taute le Asherah khuamte phelkhiagawp a, a milimte gawivui-in Israel gamsung tenga gimnamtui-a biakna-tau khempeuh a satnen hi. Tua ciangin Jerusalem ah a ciah kik hi.#Sp 26:30; 1Ku 13:2; 2Kh 31:1
8 Josiah in a uk a kum giatna in gamsung teng le biakinnpi siansuah dingin Azaliah tapa Shaphan le khuapi ukpa Maseiah sawl a, TOPA ama Pasian biakinnpi puah dingin thu ciamtehpa Joahaz tapa Joah tawh a sawlkhawm hi.
9 Amaute tulpi Hilkiah kiangah pai uh a, kongkhakpi cing Levite in Manasseh, Ephraim le Israel a baanglai khempeuh le Judah le Benjamin khempeuh le Jerusalem a tengte khempeuh tunga a don uh Pasian biakinnpi-a kipuak sumte amah a pia uh hi. 10 Tua ciangin amaute in TOPA biakinnpi a nasepte cing dinga kisehte tungah a ap uh hi. Hihte pen biakinnpi a ngei a bangsak dinga a puahphate tungah a piasawn uh hi. 11 Amaute in zong Judah kumpite suksiat inn kisiate puah nading - suangseeksa le a peh nading le innkam ding singte lei nadingin khutsiamte le inn lamte tungah a piasawn uh hi.#2Kh 33:4-7; 35:8
12 Mite in kiciantakin na a sem uh hi. Amaute tungah lamlak dingin Merari pan Levi-te suan Jahath le Obadiah le Kohath suante pan Meshullum le Zechariah ahi hi. Levi-te - tumtheih tum siamte khempeuh - 13 in vanpuate cingin nasepna khempeuh a uk uh hi. Levi-te pawlkhat thuvante, laigelhte le kongkhak cingte ahi uh hi.#2Ku 12:15
Thukham Laibu Kimu
14 Amaute in TOPA biakinnpi sunga kipuaksa sumte a lakkhiat khiat laitakun siampi Hilkiah in Moses tungtawna kipiasa TOPA Thukham laibu a mu hi. 15 Hilkiah in thuvanpipa Shaphan tungah, "TOPA biakinnpi sungah Thukham Laibu ka mu hi," a ci hi. Amah in Shaphan a pia hi.#2Ku 22:8; Ezr 7:6; Ne 8:1
16 Tua ciangin Shaphan in kumpipa kiangah laibu paipih in: "Na uliante in amau tungah a kisawlsate peuhmah a sepsan laitak uh ahi hi. 17 Amaute in TOPA biakinnpi sunga sumte piakhia uh a nasepna vaante le nasemte tungah kipia hi," ci-in a zasak hi. 18 Tua ciangin thuvanpipa Shaphan in kumpipa kiangah, "Siampi Hilkiah in laibu khat kei hong pia hi," ci-in a ko hi. Tuateh kumpipa omin Shaphan in tua laibu a sim hi.
19 Kumpipa in kammalte a zak ciangin a puante a balkek hi. 20 Amah in Hilkiah, Shaphan tapa Ahikam, Micah a#34.20 Micaiah tapa Achor zong kici tapa Abdon, thuvanpipa Shaphan le kumpipa sawltakpa Asaiah-te tungah: 21 "Pai unla hih a kimusa laibu ah kei ading, a baanglai Israel-te ading le Judah adingin bang kigelh hiam, TOPA hong dotsak un. I pate in TOPA thu a zuih lohna uh hangin ei tunga hong kisung TOPA hehna a lian hi; amaute in hih laibu sunga kigelhsa khempeuh tawh kizui-in na a sem kei uh hi," ci-in thu a pia hi.#2Kh 29:8; Ta 2:4; Eze 36:18
22 Hilkiah le kumpipa in amah b#34.22 Hebrew khutgelh khat; Vulgate le Syriac; Hebrew khutgelh a tampen in amah tawh a sawl hi cih nei lo hi tawh a sawlte, Hasrah c#34.22 Harhas zong kici tapa Tokhath d#34.22 Tikvah zong kici tapa biakinn puan kempa Shallum zi kamsangnu Huldah hopih dingin a pai uh hi. Tuanu Jerusalem Gamkhen Nihna ah a teng hi.
23 Tuanu in amaute kiangah, "TOPA Israel Pasian gen hih ahi hi: Kei kianga nang hong sawlte tungah, 24 ‘Hih in TOPA gen ahi hi: Keimah in hih mun le a mite tungah gimna ka tungsak dinga - tua gimna pen Judah kumpipa oma kisim hih laibu sunga kigelhsa hamsiatna khempeuh ahi hi. 25 Amaute in kei hong nusia uh a, pasian dangte tungah gimnamtui halin amau khutin a bawlsa e#34.25 Ahikeh a sepsa uh na khempeuh tawh teng uh tawh kei hong hehsak uh ahi manin hih mun tungah ka hehna ka sung dinga a kimitsak nawn kei ding hi,’ ci hi. 26 TOPA thu dong dinga note hong sawl Judah kumpipa kiangah, ‘Na zaksa uh thute tawh kisai-in TOPA Israel Pasian gen hih ahi hi: 27 Hih mun le a mite tunga thu kigensa na zak ciangin na lungsimin dawng a Pasian mai-ah nang mahmah kiniamkhiat na hi man le ka mai-ah nangmah kiniamkhiatin na puante balkekin ka muhna ah kap na hi manin na thugen ka za khin hi, TOPA in cikhia hi. 28 Tu-in na pate omna ah nang kong gawm ding a, lungnuamtakin na kivui ding hi. Hih mun le a tunga tengte tunga ka tunsak ding gimnate khempeuh na mit in a mu kei ding hi,’ ci hi," a ci hi.#2Kh 12:7; 32:26; 35:20-25
Tua ciangin amaute in kumpipa tungah tuanu dawnna a puak kik uh hi.#2Ku 22:8-20qs*
29 Tua ciangin kumpipa in Judah le Jerusalem upate khempeuh a khawmsak hi. 30 TOPA biakinnpi ah amah tawh Judah mite, Jerusalem a mite, siampite le Levi-te - aneupen pan alianpen dong mi khempeuh a paikhawm uh hi. Amah in TOPA biakinnpi sunga kimu Thukhun Laibu sunga thute khempeuh amaute zakin a sim hi. 31 A khuampi gei-ah kumpipa dinga, TOPA zui-in a lungsim neihzah le a hinna khempeuh tawh a thupiakte, zuih ding ngeinate le a thukipte zui-in hih laibu sunga thukhun thute a man nading - TOPA thukhun a mai-ah thaksuaksak hi.
32 Tua ciangin Jerusalem le Benjamin sunga omte khempeuh tua tungah a kiciamsak hi. Jerusalem mite in Pasian thukhun tawh kituakin a pate uh Pasian a zui uh hi.#2Ku 23:1-3; 2Kh 23:16
33 Israel-te neihsa gam khempeuh panin Josiah in a kihhuai milimte khempeuh paikhia-a Israel sunga omte khempeuh TOPA amau Pasian na a semsak hi. Amah in a nuntak laiteng a pate Pasian ahi TOPA a zuikhial kei hi.#tg 3-7; Tp 18:9
Currently Selected:
2 Khangthute 34: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission