Popular Bible Verses from Yohanē 13

Share

veray ku kanmu za saya a vekal na seratr: parekalramalraman. kemuda ku lraman kanmu mu, kemudaya mu marekalramalraman. nu marekalramalraman mu mu, na trau i punapunan zi kalrazam za ninku mu temakesi.>>

maw ku nanmu Luzu, nanmu sinsi, arusay za muras ku kananmu kuy, i inmu kemaniya mu marepaurauras i kuy. muramawan ku kanmu patikezir za iyaturusan lra, ku i paruveli kanmu kemakuda mu iturusi kemakuda i inmu.

temuvang i Yēsu: <<ku kinakuda, 'azi u malrazam a harem, kalrazam u lra nu likuzan lra.>>

penazangala ku marengay kanmu, na kuli 'azi marama'izang kana tawki, na pinakarun kuwaazu 'azi marapazangal kana pakarun kantaw na trau.

nu malrazam lra kanini na lremak, nu maruwa mu miturus mu kemuda kana mika'inavayan a!

marahan i intaw kemay kanantu kinayanan, melapus kanantu kaytu, melak za saya himpu ru'esanay i pulunainan, zi 'emilra za zanum i vinetang, kemirakaz muras kanantu kuy kana temakesi, zi itrulay ziya kana himpu pakatrarangtrang.