Mataio 25
25
20. PAKANA MA 5.
1A matanitu ko ra maua, kura diara welara ma ra winunu na taurara, ba diat kip a nudiat kum lamp, ma diat pari lena diat wan barata a matakina tinaula. 2Limadi ko diat diat loglog, limadi bulug a kum tenamanana diat. 3Kuma diat a kum loglog, ba diat kip a nudiat kum lamp, pa diat kip ugai ma ta poloina: 4A kum tenamanana diat kip ugai a kum lamp, ma ra poloina kai u ra la. 5Ba a muana, a matakina tinaula pa i wan pat utbai, i tutua a matadiat, ma diat inep dumăn rap. 6Ma u ra liwana bual di wewatai lena, Boboi, a matakina‐tinaula ma! muat in dat a wetarom ma i. 7Ma diat rap a kum taurara kuma diat turu, ma diat pam tokono a nudiat kum lamp. 8Ma diat a kum loglog diat arig diat a kum tenamanana lenkumi, Muat tari ta miat a numiat ta liklik polo; kuma a numiat kum lamp diat pot na mat ma. 9A kum tenama nana diat piri lena, Konima, kaduk pa in welara ma dat rap: muat a wan korom diat diat wiurai, muat a kulpa a numuat te ta diat. 10Ba diat wan na kunukul ma, a muana a matakina tinaula i wan pat; ma diat ba diat a pam tokonopa diat diat ruk ma i u ra lukara na tinaula: ma diat bălbălatbat a bonanaka. 11Na muru a kum taurara kuma diat wan balet pat, ma diat wata i lenkumi, Tadaru, Tadaru, Un papāra miat. 12Ma i piri balet ta diat lena, Iau piri ligtatuna ta muat, iau pa iau nunura muat. 13Ia kuma muat a ki lauma, kuma pa muat nunura ta bug, ba ta pakan a bug.
14Kuma diara welara ma ra muana ba i ligna winawan u ra bual igen, ma i watapa diat mun a nuna kum wetula, ma i ara diat ma ra nuna utna. 15I tari lima na talant korom ra, korom te bulug ruadi, korom te kai rā ku; i ara diat rap ma ra utna i welara ma ra manana i diat; ma i wan u ra nuna winawan. 16Ia ba i rakan a lima na talant, i wan ma ut ma i kul na ga mai, ma i rakanpai uni ta limadi bulug. 17Lenkuma ia kai ba i rakan a ruadi, i rakanpa ta ruadi bulug. 18Ia kai ba i rakanpa rā ku, i wan ma i kil a tug na pia, ma i punăg‐ino a măni a nu ra nuna tadaru.
19Kura ut na muru, a tadaru a nu ra kum wetula kuma i wan pat ma i tiri diat. 20Ma ia ba i rakanpa lima na talant i wan urin ma i kip lima na talant bulug, ma i piri lenkumi, Tadaru, u ā tarata lima na talant tag: boboi, iau rakanpa limadi bulug. 21A nuna tadaru i piri tana, Awakak, a koina wetula ui: u ā pet a ligtatuna u ra kinalik na utna, ag tuturata ui lena un nakokon ta mogoro na utna, un ruk u ra kaia a nu ra num tadaru. 22Ia bulug ba i rakanpa ru talant i wan urin ma i piri lena, Tadaru, u ā tarata ru talant tag: boboi, iau rakanpa ruadi bulug. 23A nuna tadaru i piri tana, Awakak, a koina wetula ui; u a pet a ligtatuna u ra kinalik na lig, ag tuturata ui lena un nakokon ta mogoro na lig: un ruk u ra kaia a nu ra num tadaru. 24Ia kai ba i rakanpa rā talant ku i wan urin ma i piri lenkumi, Tadaru, iau nunura ui, a pom ui, kuma u rot a pakan a pia pa u marut uni, ma u rakani bulug ko ra pakan a pia pa u lamirai uni: 25ma iau buruta ui, ma iau punăg‐ino a num talant u ra pia: boboi, kumi balet ma ia a num utna korom ui. 26A nuna tadaru i piri tana, Akaina wetula, a tenamolowo ui, u nunurai lena iau rot a pakan a pia pa iau marut uni, ma iau rakani bulug ko ra pakan a pia pa iau lamirai uni: 27i ka uni ba u a tarata a nug măni korom diat a kum tenawalaig măni, ma ba iau wan balet iau rakanpa a nug mani ma ra wawatur kai. 28Ia kuma muat a rakanpai kon i a nuna talant, muat a tari tan ia ba i paki a no talant. 29Kuma ba te ī paki ta utna, kura din tari balet tana, ma din paki ta mogoro: ia bulug ba pa i paki a nuna ta utna, kura din rakanpai kon i a lig kuma i paki. 30Ma ra wetula ba pa i ka muat og‐a‐pariua i u ra boboto: kura diat tagtagi ma wakirit a lokodi iai.
31Ba na Tu‐ra‐muana in wan pat u ra nuna măramăra, ma diat rap ma i a kum agelo, kura in kitau u ra nuna kinkini na tadaru, ia ba di maratai: 32a kum un‐a‐tara rap kai tak u ra rakrakan wanua rap, kura diat a tolug ugai na ra matana: ma in weranata diat lenkuma a tenawarubat sipi i werana diat a kum sipi ma ra kum me: 33in waki diat a kum sipi u ra waot na limana, ma diat a kum me u ra maira na limana. 34A tui kai in piri ta diat u ra waot na limana lenkumi: Muat ba Tamag i pirawadanpa muat, muat wan urin, a numuat a matanitu di pam tokonotai kup muat tak u ra bug di pam kabinpa a vuravura uni: 35kuma ba iau molo muat a tabarata iau: ba iau maruk muat a wainimta iau: ba iau ki na waira, muat a benpa iau u ra ruma: 36ba pa nug ta in a malu, muat ā wakopta iau: ba iau malapag muat ā boboura iau: ba iau ki u ra ruma na boboto, muat ā wan korom iau. 37A kum tenapetoduru kai, kura diat a piri tana lenkumi, Tadaru, nagaian miat bobo ui ba u molo, ma miat a tabara ui? ba u maruk, ma miat a wainimta ui? 38Nagaian miat bobo ui ba u ki na waira, ma miat benpa ui u ra ruma? ba pa num ta in a malu ma miat a wakopta ui? 39Nagaian miat bobo ui ba u malapag ma u ki u ra ruma na boboto, ma miat wan korom ui? 40A Tui kai in piri ta diat lenkumi, Iau piri ligtatuna ta muat, kăbi muat a petai korom te i kinalik akit u diat a kum te teglik bi, muat a petai korom iau.
41In piri ta diat bulug u ra maira na limana lenkumi, Muat a kum milai muat wan igen kon iau, u ra ugan ba pa in mat, kuma di a pam tokonotai kup Satani ma diat a nuna kum agelo: 42kuma, ba iau molo pa muat tabara iau; ba iau maruk pa muat wainim iau: 43ba iau ki na waira pa muat benpa iau u ra ruma: ba pa nug ta in a malu, pa muat wakopta iau; ba iau malapag ma iau ki u ra ruma na boboto, pa muat bobo iau.
44Diat kai diat a piri tana lenkumi, Tadaru, nagaian miat bobo ui ba u molo, bu u muruk, ba u ki na waira, ba pa num ta in a malu; ba u malapag ma u ki u ra ruma na boboto, ma pa miat boboura ui uni? 45Ia kai in piri balet ta diat lena, Iau piri ligtatuna ta muat, kăbi pa muat a petai korom te i kinalik akit u diat bi, pa muat a petai korom iau. 46Ma diat bi diat wan u ra binabalu‐na‐gunugut pa in rap: ma ra kum tenapetoduru diat a wan u ra lalaun pa in rap.
Zur Zeit ausgewählt:
Mataio 25: RAI
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published by the British and Foreign Bible Society in 1896.
