Mataio 24
24
20. PAKANA MA 4.
1Iesu i pari ko ra ruma‐na‐wetu lena in wan; ma ra nuna tara‐na‐wawera diat wan korom i lena diat a weai tana a kum ruma a nu ra ruma‐na‐lotu. 2Ma i piri ta diat: Muat boboi a kum lig rap kumi ni? iau piri ligtatuna ta muat, kura pa din madekta ta wat lena in tana wedaun un te bulug, kura din reg‐a‐pari‐rapuai.
3Ma ba i ki u ra tagai na kum Olive, a kum disaipel diat wan korom i, ba diat ku, ma diat piri tana, Un wapua miat lena, U nagaian duk din pet a kum lig kuma? 4Iesu i wapua diat uni lena, Muat katom ma koniku te in ben a raraua muat. 5Kuma, kura ut ta kalina tara diat a wan urin u ra iag, ma diat a lena, Iau kumi, Karisito iau; ma diat a ben a raraua ta mogoro. 6Ma kura muat a walogoro a wineum, ma ra wewapua u ra wineum: ma koni ku muat garā uni: kuma i ka ku ba in wan pat a kum lig kumi; ma pate utbai a tintinipina. 7Kuma, rā un‐a‐tara kura diat a pet na wineum ma ra un‐a‐tara bulug, ma ra matanitu in pet na wineum ma ra matanitu bulug: kura kai a pupukai na minolo in wan pat, ma ra kuria kai u ra kum bual. 8A kabi na gunugut ku a kum lig rap kumi. 9Kura diat a taramaruai muat u ra gunugut ma diat a umdoko muat: ma ra tara u ra kum matanitu rap, kura diat a tebua akaka muat u ra iag. 10Ta mogoro kura diat a tutukā, ma diat a taramaruai diat, ma diat a wetebua kai. 11Ta kalina parofita waruwaruka kai kura diat a wan pat, ma diat a ben a raraua diat a mogoro. 13Ma ia ba in turu pătpătuantau in tuk u ra tintinipina, kura din walaun i. 14Ma ra wewapua awakak kumi u ra matanitu, kura diat a wawera uni u ra kum wanua rap; ba a wakinilag ia korom diat a un‐a‐tara rap; ma na muru a tintinipina in wan pat marakam.
15Ia kuma, ba muat boboi lena i tana u ra bual‐i‐tabu a lig kuma Daniel i a piratai, a milmiluan na lig, ia ba i wabap (ia ba i luki awakak ba in manana uni), 16diat ba diat ki Iudaia, awakak ba diat a laun u ra kum tagai: 17ma ia ba i ki na te u ra ruma, koniku in wan pari u ra balana lena in rakan a utna i tana u ra nuna ruma: 18ma ia ba i tana ut u ra pinapam koniku in wan talili kup a nuna malu.
19A kum peu ba diat kipbala, ma diat kai ba diat wagātu u ra pupukai kuma. 20Muat arig lena koniku in wan pat a numuat laun u ra pupukai na mudian, ba u ra bug tabu: 21Ba lenkuma, in wan pat a gala na gunugut pa ta gunugut diara welara mai, tak u ra bug di pam‐kabinpa a vuravura uni, ma i tuk u ra bug kumi ma kura na muru pa ta gunugut diara welara mai. 22Ba pa di pam a tiktikpa a pupukai kuma, pa in te in lalaun: ma u diat a tara wălwăliana kura din pam a tiktikanpa a pupukai kuma.
23Ba te in wapua muat lena, Le! Kuri Karisito, ba kuma ia; koniku muat nuru uni. 24Kăbi, kura a kum Karisito waruwaruka diat a wan pat, ma ra kum parofita waruwaruka kai, ma diat a weatai a kum wakinilag na wakaian, ma ra kum pinapam na kakaian; ba diat a ben‐a‐rara‐tama diat uni a tara na wălwăliana. 25Boboi, iau wapua‐mukata muat uni. 27Kuma, lenkuma a mămăme i papala tak u ra ist, ma i wan tuk u ra west; len kai kuma a winawan pat urin a nun na Tu‐ra‐muana. 28A bual kuma a minat i tana uni, a kum ikeli kai diat a tolug ugai iai.
29Ba i rap a pupukai na gunugut kuma, a make in ria ma ut, ma ra kalag pa in pua ma, a kum nagnag bulug diat a manunu pari ko ra lagit, ma in takunakuna a kum dekdek na lig i ra maua: 30ma in pua ma ut u ra lagit a wakinilag a nun na Tu‐ra‐muana: ma ra kum un‐a‐tara rap u ra kum wanua rap kura diat a luan, ma diat a bobo na Tu‐ra‐muana ba in wan pat u ra kum bakut i ra lagit, ma ra dekdek ma ra măramăra kokoina akit. 31Ma in tula weranua diat a nuna kum agelo ma ra tinagi na tauru pi, ma diat a ben ugai diat a nuna tara wălwăliana, tak u ra wat na matana dadaip, ma tak u ra kabina lagit, ma i tuk u ra kabina bulug.
32Muat a wawera u ra pirapira welwelara ko ra fik: Ba a kakana i kalom kubai ma i taradono, muat nunurai uni lena i marawai ku a pupukai na uan; 33lenkuma kai, ba muat bobo a kum lig rap kumi, muat nunurai lena i matiti ku, na ra bonanaka. 34Iau piri ligtatuna ta muat, A tauntara kumi pa in wan igen un ta pupukai kuma in wewaot uni a kum lig rap kumi. 35Kura in wan igen a maua, ma ra vuravura kai, a nug pirapira pa in wan igen.
36Pa te i nunurai a bug ma ra pakan a bug kuma; pate a kum agelo, pate na Tunalik kai, a Tamana ku. 37Lenkuma a pupukai kuma ba Noa i lalaun uni, len kai kuma a winawan pat urin a nun na Tu‐ra‐muana. 38Lenkuma u ra kum bug kuma ba pa i wan pat utbai a tai kuku; diat wagan ma diat inim, diat taula ma diat petwebat u ra tinaula, ma i tuk u ra bug kuma ba Noa i ka uni u ra parau; 39ma pa diat manana ma i tuk u ra pakan a wanua kuma a tai kuku i wan tau u diat uni, ma i rakan‐igen‐rapua diat; len kai kuma a winawan pat urin a nun na Tu‐ra‐muana. 40Kura ma ru muana diara ki ugai u ra pinapam; di rakanpa ku rā, rā bulug kura in tana: 41ru tebuan kura diara uba padi, di rakanpa ku rā, ma rā i tana ku.
42Ia kuma muat ki lauma ku: kuma pa muat nunura ta bug in wan pat uni a numuat Tadaru. 43Kumi muat nunurai, Ba a pet palig i nunura a pakan a lauma kuma a tenaualog in wan pat uni, in ki lauma ku, ma pa in madekua i lena in regpa a nuna ruma. 44Ia kuma muat pam tokon: kuma na Tu‐ra‐muana in wan pat urin u ra pakan a bug pa muat nukpai. 45O oi duk a wetula, a tenaligtatuna ma ra tenamanana, ia ba a nuna tadaru i tuturata i lena in nakokon diat u ra manākina, ba in tari a diat utna ta diat u ra nilai na winagan? 46In dan akit a wetula kuma ba a nuna tadaru in wan pat ma in bobo i lena i petpeti ut lenkuma. 47Iau piri ligtatuna ta muat in tuturata i lena in nakakon a nuna utna rap. 48Ba a wetula pikoina kuma i nuki u ra balana lena, A nug tadaru pa i wan kaka urin, 49ma i rapu kabinpa diat a kum tepapana, ma i wagan ma i inim ugai ma diat a kum tenamatipa; 50kura a tadaru a nu ra wetula kuma in wan pat u ra bug ba pa i ki pa i uni, ma u ra pakan a bug ba pa i nunurai, 51ma in rapudokopa i, ma in dok ugai ma diat a kum tenawaruwaruka: kura diat tagtagi, ma wakirit a lokodi iai.
Zur Zeit ausgewählt:
Mataio 24: RAI
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published by the British and Foreign Bible Society in 1896.
