Beliebte Verse in Лукас 17

Teilen

Хьисэ а цӀыхум мыпхуэдэу жриӀащ итӀанэ: – Уи фӀэщхъуныгъэм уигъэхъужащ, тэджи, кӀуэж.

Уеблэмэ зы махуэм къриубыдэу блэнейрэ къокъуэншэкӀрэ гуэныхь къихьмэ, хуэгъэгъу, къигъэзэжрэ, «сыхущӀегъуэжащ» къыбжиӀэху.

Сымаджэу щыта лӀипщӀым ящыщ зым зэрыхъужар щилъагъум, Тхьэм макъышхуэкӀэ щӀыхь хуищӀурэ къигъэзэжщ, и нэкӀумкӀэ щӀым еӀусэу Хьисэ и лъабжьэм зыщӀидзэри, фӀыщӀэшхуэ хуищӀащ. А лӀыр езыр Самарие хэкум щыщт, хамэт.

Аращи, фысакъ! Уи къуэшым гуэныхь зыпылъ Ӏуэху илэжьмэ, гуэныхь къызэрихьар жеӀи, тобэ къихьыжмэ, хуэгъэгъу.

– Псори фыхъужатэкъэ? – жиӀащ Хьисэ. – АтӀэ адрей бгъур дэнэ здэщыӀэр?

– Андэгурэдэгум и жылэм хуэдиз хъун фӀэщхъуныгъэ фиӀэу мы жыгым «Уи лъабжьэ дыдэм деж зыкъыщыхэтхъи, хым зыщыхэсэ» жефӀэмэ, къывэдэӀуэнущ, – жиӀащ Зиусхьэным.

Зи псэр зыхъумэжыну хуейм и псэр фӀэкӀуэдынущ, зи псэр зытым и псэр хъума хъунущ.

– ЦӀыхур гуэныхьым тезыгъэгушхуэ гуэр сыт щыгъуи щыӀэнущ. Ауэ гъуэгу мыгъуэ теуващ цӀыхур гуэныхь щӀэным тезыгъэгушхуэр, – яжриӀащ Хьисэ и гъэсэнхэм. – Апхуэдэ цӀыхум дежкӀэ и пщэм щхьэл мывэ иращӀэрэ хым хадзэмэ, нэхъыфӀщ мы къызэрыгуэкӀ цӀыхухэм ящыщ зы гуэныхь щӀэным тригъэгушхуэ нэхърэ.

ЦӀыхум и Къуэм и къэгъэзэжыгъуэм и пэ къихуэу дунейм и щытыкӀэнур Нухь и зэманым дунейм и щытыкӀам ещхьыркъабзэу щытынущ. Нухь и зэманым цӀыхухэр ефэу, ешхэу, фыз къашэу, лӀы дэкӀуэу щытащ, Нухь кхъухьым щитӀысхьа махуэм нэсыху. ИтӀанэ псыдзэр къащӀэуэри псори хэкӀуэдащ.