Beliebte Verse in 2Timotius 2

Teilen

Allah nen, “Kat an nake pano kagako lagan,” yiluk, yokisuwak nen, kobatnerogonat kagako dogono o. It amberek yi mende ndi mende kagasuwagaluk inayonggo ʼbisinem, panorogo kagako dogolik, inenggarli dekogonat kagarigogi eti kak, kat nen ebe wene etiat motogo yanggul isasi dogono o.

Eti paga, kat, it ap elege mende nen inoba aganggen dagaluk weyak kagarigogi mende eti togot diyalok, lo lago dogono o. It akoni amberek inendainggen pano omanggiat dogolik ninewe Endaganggok nen yamagiyawagaluk ayonggo ʼbiligogi mende eti kinom dambukogo dogono o. Kinomat motogo kagakik, Allah oba dombokogo welagik, akoni inebe inaʼbuwarogo welagik, akoni inom panorogo welagik, kagarigogi eti mendeat mutluk lago dogono o.

At ta nen ninewe Endaganggok anduwanengge kagako dogolik, esigit diluk kagasusak dek. Akoni taʼbokogonat inobabut liyokogo panorogo inom dogusak o. Obabut obakanini kambuk yiluk dogolik, akoni wene panorogo yanggul isasi dogusak o.

Mende, at enggaerek nen, “An nobabut alep welagi mende eti dek o, yiluk ninat kagat larigogo dek eti paga, nit at oba dombokogo dogogun dek kalok, at nen nit ninoba dombokogo mondogat werek o,” yiluk, yiligogi eti eberogonat o.

Esigit diluk yanggul isasinem, it akoni amberek nen at ane sagaluwogoluk kagakonem, at nen ane liyokogonat inasuk wako dogusak o. Esigit dilugat inasuk wakonem, it weyak kagarigogi mende togot diyalok, ebe wene eti waganuwagaluk, Allah nen inakla nggagaliginat a? yiluk inasuk wako dogusak.

Mende, it akoni amberek nen ebe wene eti dekma, yugunat, dek asigin mende yiligogi eti, togot diyalok mirlokogo lago dogono o. It eti esigit dilugat yisi dogolik, Allah ebe togot diyalok ndiyo kilik ndiyo kilik korla dukiligogi o.