Beliebte Verse in ꞌEvereo 13

Teilen

ꞌIna kōrua ko haŋa rahi ki te moni; e koa mo te meꞌe ai o kōrua. I kī rō, paꞌi, e te ꞌAtua: «ꞌIna a au e ko haka rē i a kōrua ki te hora hopeꞌa».

E te taina, ko tū manaꞌu ꞌā te manaꞌu o Ietū Kiritō ꞌi muꞌa ꞌā, ꞌi ꞌaŋarīnā ꞌe ki te hora hopeꞌa.

ꞌO ira e tano nō tātou mo kī: «O te ꞌAtua te hāꞌūꞌū mai. ¿He aha ia ana riꞌa-riꞌa ꞌi te meꞌe mo aŋa mai e te taŋata?».

ꞌE ꞌina ko rehu mo aŋa i te meꞌe riva-riva ꞌe mo vaꞌai takoꞌa ki te rua o te meꞌe ai o kōrua. Te ŋā meꞌe nei he tūtia haŋa takoꞌa o te ꞌAtua.

Te meꞌe mo aŋa mo oho nō o tātou hai Ietū Kiritō he haꞌahana-hana ꞌe he māuru-uru ki te ꞌAtua. Te haꞌahana-hana nei he tūtia tano mo vaꞌai ki a ia e te nuꞌu kī: a Ietū he Pūꞌoko Haka Tere o rāua.

Te ⌊hāipo-ipo⌋ he meꞌe mo moꞌa e te taꞌatoꞌa. Te nuꞌu hāipo-ipo e ꞌite mo moꞌa i te rāua hāipo-ipo ꞌe mo hāpaꞌo i te rāua hakari mo rāua ꞌā. Te ꞌAtua, paꞌi, e haka ūtuꞌa rō i te nuꞌu moe i te viꞌe i te taŋata taꞌe he viꞌe taꞌe he kenu ꞌāꞌana ꞌe i te nuꞌu taiꞌata.

Nuꞌu nō era mo tuꞌu atu ki te kōrua hare e hāpaꞌo riva-riva, koiꞌite he merahi te meꞌe ka tuꞌu atu ena, pa he meꞌe i topa ki te tētahi nuꞌu.

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona, e haka riro i a kōrua he taŋata riva, tano i te meꞌe taꞌatoꞌa, mo aŋa i tāꞌana meꞌe haŋa. ꞌE māꞌana takoꞌa e aŋa ꞌi ruŋa i a tātou tāꞌana meꞌe nō era i haŋa hai Ietū Kiritō. ¡Ki haꞌahana-hana tātou ki a Ietū Kiritō ꞌātā ki te hopeꞌa raꞌa! Ka ai pē ira.