Beliebte Verse in Tanatiako 1

Teilen

E te taina, ka topa atu ena rauhuru ꞌati, e koa kōrua. Ko ꞌite ꞌana, paꞌi, kōrua: ꞌi te hora haꞌatiꞌa e te ꞌAtua mo topa atu o te ꞌati, e haka ꞌatu ꞌana i te kōrua haka moe iŋa i te manaꞌu ꞌi ruŋa i a ia. ꞌE mo hio-hio mo oho nō o te kōrua manaꞌu ꞌi rā hora, he ꞌite kōrua mo haꞌaoromaꞌi i te ꞌati hai pūai.

ꞌE mo ai ꞌi roto i a kōrua te kope kai ꞌite pē hē ana haka tere i a ia hai manaꞌu o te ꞌAtua ꞌi te hora o te ꞌati, e no-noꞌi ki te ꞌAtua, ꞌe māꞌana e haka ꞌite. Te ꞌAtua ki te taꞌatoꞌa nō kope no-noꞌi e hāꞌūꞌū ena ꞌina he hāito ꞌe ꞌina he haka ꞌati.

E te taina haŋa rahi ē, e uꞌi ꞌo rehu: a kōrua taꞌatoꞌa e ꞌite mo haka roŋo i te vānaŋa. ꞌE, ana vānaŋa, ꞌi raꞌe ana manaꞌu riva-riva te kōrua meꞌe mo kī, ꞌe ꞌina ko riri tahaŋa.

E haꞌaoromaꞌi e oho kōrua hai pūai ꞌi te ꞌati, ki ai ai kōrua he nuꞌu haka moe parautiꞌa i te manaꞌu ꞌi ruŋa i te ꞌAtua ꞌe nuꞌu aŋa i te meꞌe tī-tika ki tōꞌona mata ki te roa ꞌina e tahi hape mo tuhi iŋa atu.

ꞌE taꞌe nō e haka roŋo i rā roŋo; e aŋa takoꞌa i te meꞌe era e kī atu era. Mo taꞌe aŋa pē ira, e reo-reo ꞌana kōrua ki a kōrua ꞌā.

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

taꞌatoꞌa meꞌe riva-riva ai o tātou mai te ꞌAtua e ai mai ena. ꞌĀꞌana, paꞌi, i aŋa i te meꞌe taꞌatoꞌa māꞌeha o te raŋi. Te ŋā meꞌe nei e huri rō ꞌana ꞌi tōꞌona hora: e pōꞌuri rō ꞌā ꞌe e māꞌeha rō ꞌana. ꞌE te huru o te ꞌAtua ꞌina he huri.

Te kope haka roŋo nō i rā roŋo ꞌe ꞌina he aŋa i tāꞌana meꞌe kī, pa he taŋata uꞌi a roto i te hiꞌo: he takeꞌa i a ia, ꞌe i taha era, he rehu rō ꞌai pē hē tōꞌona huru.

Te haꞌamuri iŋa parautiꞌa ꞌe tano ki te mata o te ꞌAtua Matuꞌa ko te meꞌe ena: he hāꞌūꞌū ki te ŋā poki matuꞌa kore ꞌe ki te ŋā viꞌe hove ai o te rāua ꞌati, ꞌe, takoꞌa, he taꞌe hara hai meꞌe o te ao nei.

Mo ŋaroꞌa e te kope e tahi i te meꞌe e kī ꞌana ꞌi roto i a ia mo aŋa i te meꞌe taꞌe tano, ꞌina ko manaꞌu o te ꞌAtua i kī. Te ꞌAtua, paꞌi, ꞌina he ŋaroꞌa ꞌi roto i a ia i te meꞌe era ꞌe, takoꞌa, ꞌina he haka ꞌatu i te taŋata mo aŋa i te meꞌe taꞌe tano. Te meꞌe haka ꞌatu i te taŋata mo hara he manaꞌu taꞌe tano o rāua. O rā manaꞌu mau ꞌā te haka pohe te oho mo aŋa i te meꞌe taꞌe tano.

Te taina veve haka moe i te manaꞌu ꞌi ruŋa i a Ietū e koa ꞌo te ai i a ia te hauhaꞌa parautiꞌa o te ꞌAtua.