Psalms 119:9-16

Sut y ceidw'r ifanc ei lwybr yn lân?
Trwy gadw dy air di.
Fe'th geisiais di â'm holl galon;
paid â gadael imi wyro oddi wrth dy orchmynion.
Trysorais dy eiriau yn fy nghalon
rhag imi bechu yn dy erbyn.
Bendigedig wyt ti, O ARGLWYDD;
dysg i mi dy ddeddfau.
Bûm yn ailadrodd â'm gwefusau
holl farnau dy enau.
Ar hyd ffordd dy farnedigaethau cefais lawenydd
sydd uwchlaw pob cyfoeth.
Byddaf yn myfyrio ar dy ofynion di,
ac yn cadw dy lwybrau o flaen fy llygaid.
Byddaf yn ymhyfrydu yn dy ddeddfau,
ac nid anghofiaf dy air.