Isaiah 29:13-16

Yna fe ddywedodd yr ARGLWYDD,

“Oherwydd bod y bobl hyn yn nesáu ataf
a thalu gwrogaeth i mi â geiriau yn unig,
ond eu calon ymhell oddi wrthyf,
a'u parch i mi yn ddim ond cyfraith ddynol wedi ei dysgu ar gof,
am hynny wele fi'n gwneud rhyfeddod eto,
ac yn syfrdanu'r bobl hyn;
difethir doethineb eu doethion
a chuddir deall y rhai deallus.”

Gwae y rhai sy'n cloddio'n ddwfn
i gadw eu cynllwyn yn gudd rhag yr ARGLWYDD;
am fod eu gwaith yn y tywyllwch,
dywedant, “Pwy sy'n ein gweld? Pwy sy'n gwybod?”
Troi popeth o chwith yr ydych.
A yw'r crochenydd i'w ystyried fel clai?
A ddywed y peth a wnaethpwyd am ei wneuthurwr,
“Nid ef a'm gwnaeth”?
A ddywed y llestr am ei luniwr, “Nid yw'n deall”?