Luc 15:1-2

Rhanna

Luc 15:1-2 beibl.net 2015, 2024 (BNET)

Roedd y dynion oedd yn casglu trethi i Rufain a phobl eraill oedd yn cael eu hystyried yn ‘bechaduriaid’ yn casglu o gwmpas Iesu i wrando arno. Ond roedd y Phariseaid a’r arbenigwyr yn y Gyfraith yn cwyno a mwmblan, “Mae’r dyn yma’n rhoi croeso i bobl sy’n ‘bechaduriaid’! Mae hyd yn oed yn bwyta gyda nhw!”

Luc 15:1-2 Beibl Cymraeg Newydd Diwygiedig 2004 (BCND)

Yr oedd yr holl gasglwyr trethi a'r pechaduriaid yn nesáu ato i wrando arno. Ond yr oedd y Phariseaid a'r ysgrifenyddion yn grwgnach ymhlith ei gilydd, gan ddweud, “Y mae hwn yn croesawu pechaduriaid ac yn cydfwyta gyda hwy.”

Luc 15:1-2 Beibl William Morgan - Argraffiad 1955 (BWM)

Ac yr oedd yr holl bublicanod a’r pechaduriaid yn nesáu ato ef, i wrando arno. A’r Phariseaid a’r ysgrifenyddion a rwgnachasant, gan ddywedyd, Y mae hwn yn derbyn pechaduriaid, ac yn bwyta gyda hwynt.