Acts 17
17
Paul ma Silas i Thessalonica
1Aagai gilaau ne hagadaga i Amphipolis ma Apollonia ga hulo ai gu tae gi Thessalonica, se mommee iai dahi synagogue o de gau Ssuu. 2Gai a Paul e hano gi lo te synagogue bei ana hegau i de laa tubua, gai ia ne madaangudu ange gi gilaadeu i muna a de Beebaa Dabu i e dolu Sabbath, 3ga hagadonu ange ma de hai gi iloo e gilaadeu bolo ne heohi donu de hagaduasala o Klisdo ma dono mouli age, ga hai ange, “Taane go Iesu aagu e tala adu nei ono dagodo gi goodou, go de Klisdo donu.” 4Gai hanu gilaadeu ne hagadonusia ana muna ga hagabuni ange gi a Paul ma Silas; gai ne soa hogi dangada Greek gu daumaha ange laa gi de Maadua, ma hanu haahine maolunga ne hagadonusia.
5Aagai de gau Ssuu gu magiaa, gai gilaadeu ga gaamai hanu dangada baubau i de mommee e hagabuni ai dangada, ga hai dangada gi haia gi hellumi de aduhale. Gai gilaadeu ga saavini gi de hale o Jason e saalaa ai a Paul ma Silas, e hagassao mai ai gilaau gi daho de gau soa laa. 6Gai ga dee gidee huu e gilaadeu a Paul ma Silas, gai gilaadeu ga dada mai Jason ma hanu dangada gu hagadonusia laa, ga kave gi mada i mua o dagi o de aduhale laa. Gai gilaadeu ga hevaalogi ga hagataba, “Go denga daane nei ne haia ga hellumi henua i lalo, gai gilaadeu gu loomai hogi gi kinei, 7gai Jason ne abodonu ange gi gilaau i dono hale. Gai gilaadeu alodahi e hai baasi ange gi hainga a Caesar gu hagailoo, ma de hagataba bolo e dahi ange hodooligi, dono ingoo go Iesu.” 8Aagai dangada ma denga dagi o de aduhale gu dee paba olaadeu lodo i delaadeu langona muna laa. 9Gai dua huu delaadeu hai Jason ma ono soa gi hagao ina dahi daelodo sseene, gai gilaadeu ga dugu gilaadeu gi hulo.
Paul ma Silas i Berea
10Gai denga daina ne hagamoolau ga hai gi hulo a Paul ma Silas i de boo gi Berea. Gai ga tae huu gilaau gi kilaa, gai gilaau ga hulo hogi gi de synagogue o de gau Ssuu. 11Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai. 12Deelaa ai, gu soa gilaadeu ne hagadonusia. E hanu hogi haahine maolunga ma dangada Greek soa ne hagadonusia.
13Aagai de masavaa huu a de gau Ssuu i Thessalonica ne langona ai bolo a Paul gu agoago hogi muna a de Maadua i Berea, gai gilaadeu ga hulo hogi gi kilaa ga hai ai gi dee buni, ma de hellumi dangada soa i kilaa. 14Aagai denga daina ne hagamoolau ga hai a Paul gi hano gi tagudai; gai Silas ma Timothy ne nnoho i Berea. 15Gai dangada ne hulo laa madali Paul ne kave ia ga dae gi Athens, gai gilaadeu ga aahe gi Berea ga kave muna a Paul ange gi Silas ma Timothy, gilaau gi loomai gi ono daha i de masavaa moolau.
Paul i Athens
16Gai de masavaa o Paul e noho ai ma e tali gilaau i Athens, gai ia gu daemaha ono lodo i dana gidee bolo de aduhale laa e honu i denga diinonga. 17Deelaa ai, ia ne hagadaumee ange gi de gau Ssuu i lo te synagogue ma denga Gentile gu daumaha ange laa gi de Maadua, aama dangada i de mommee e hagabuni ai dangada i de laa tubua. 18Gai hanu dangada i de hagabuulinga e hagaingoo ange laa go de Epicurean ma Stoic ne hagadaumee ange gi de ia. Hanu ne ssili, “Ni muna aha hogi a taane vava de ngudu e tala nei?” Hanu ne hagataba, “Ia e agoago i dagodo o hanu diinonga gee.” Gilaadeu ne tala muna nei i hiidinga de agoago a Paul dagodo o Iesu ma de mouli age. 19Gai gilaadeu ga poo ia ga kave gi de mommee hagabuni o de hagabuulinga hagasaele, go de Areopagus, ga hai ange, “Gimaadeu e llodo gi iloo e gimaadeu dagodo o denga mee hoou oou e agoago ai naa. 20Go hiidinga gimaadeu gu langona hanu mee hoou i oo daha, gai gimaadeu e llodo gi iloo e gimaadeu hagadoonunga o mee naa.” 21(Gai de gau Athens ma de gau henua gee e nnoho laa i kilaa e deai donu alaadeu hegau e hai, aagai gilaadeu e hagabuni donu huu ma e madaangudu i longo ma de hagallongo mee hoou alaadeu gu langona.)
22Aagai Paul ne duu age i mada i mua o de hagabuulinga hagasaele o de Areopagus ga hai ange, “Dangada o Athens! Au gu gidee bolo goodou ni dangada donu e llodo i denga hagadaagangaa hai daumaha. 23I hiidinga de masavaa oogu ne hagadaga ai ga tilo oodou mee e daumaha ange aagena, gai au ne gidee dahi mommee o ssigidaumaha e sisi ange aagena muna nei: ‘Ange gi de Maadua e dee iloo laa’. Gai goodou e dee iloo donu dagodo o de mee oodou e daumaha ange naa aagena — gai au e tala adu gi iloo ai e goodou.
24De Maadua ne haia laa henua i lalo ma mee alodahi iai, go Tagi Maolunga o de langi ma henua i lalo, aagai ia e dee noho i lodo temple e hagatuu i lima o dangada.#1 Ki 8.27; Isa 42.5; Acts 7.48 25Gai e dee ni dangada e hai hegau ange gi de ia, e dagodo be ia e duasala i dahi mee. Aagai go ia donu e gaavange gi dangada alodahi de mouli, ma de madangi olaadeu e manamanava ai aama mee ange alodahi. 26Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai, 27gai gilaadeu ga ssala ai de Maadua, agu made gilaadeu e maua i de ssala ga gidee ia. Aagai ia e dee mmao gee donu mai i dahi gidaadeu. 28Go hiidinga ‘go ia odaadeu e mouli ai ma de ngalungalue aama de nnoho ai nei’. Bei de hai a hanu oodou dangada e haia denga dau gu tala ai laa, ‘Gidaadeu go dono hagadiilinga.’
29Deenei ai, go hiidinga gidaadeu go hagadiilinga o de Maadua, gidaadeu gi dee hagataba bolo de Ia Dabu laa e bei dagodo goolo ma selevaa, aabe go hadu — se mee ne hagahua ma de hai i de labagau o tangada. 30I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo. 31Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”
32Gai ga langona huu e gilaadeu dagodo o de mouli age o de gau maakau, gai hanu gilaadeu ga doo ai mee, aagai hanu ne hai ange, “Gimaadeu e llodo koe gi daalaa mai ange mee nei e hagallongo gimaadeu.” 33Gai Paul ne hano gee mai ai i olaadeu daha. 34Aagai hanu gilaadeu ne hagabuni ange gi de ia ma de hagadonusia ana muna, go Dionysius, dahi daane e dau laa i de hagabuulinga hagasaele go de Areopagus, aama de hine go Damaris, gai e hanu ange dangada madali gilaau.
Dewis Presennol:
Acts 17: DBD
Uwcholeuo
Copi
Cymharu
Rhanna
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2022, Wycliffe Bible Translators, Inc. All rights reserved.
Acts 17
17
Paul ma Silas i Thessalonica
1Aagai gilaau ne hagadaga i Amphipolis ma Apollonia ga hulo ai gu tae gi Thessalonica, se mommee iai dahi synagogue o de gau Ssuu. 2Gai a Paul e hano gi lo te synagogue bei ana hegau i de laa tubua, gai ia ne madaangudu ange gi gilaadeu i muna a de Beebaa Dabu i e dolu Sabbath, 3ga hagadonu ange ma de hai gi iloo e gilaadeu bolo ne heohi donu de hagaduasala o Klisdo ma dono mouli age, ga hai ange, “Taane go Iesu aagu e tala adu nei ono dagodo gi goodou, go de Klisdo donu.” 4Gai hanu gilaadeu ne hagadonusia ana muna ga hagabuni ange gi a Paul ma Silas; gai ne soa hogi dangada Greek gu daumaha ange laa gi de Maadua, ma hanu haahine maolunga ne hagadonusia.
5Aagai de gau Ssuu gu magiaa, gai gilaadeu ga gaamai hanu dangada baubau i de mommee e hagabuni ai dangada, ga hai dangada gi haia gi hellumi de aduhale. Gai gilaadeu ga saavini gi de hale o Jason e saalaa ai a Paul ma Silas, e hagassao mai ai gilaau gi daho de gau soa laa. 6Gai ga dee gidee huu e gilaadeu a Paul ma Silas, gai gilaadeu ga dada mai Jason ma hanu dangada gu hagadonusia laa, ga kave gi mada i mua o dagi o de aduhale laa. Gai gilaadeu ga hevaalogi ga hagataba, “Go denga daane nei ne haia ga hellumi henua i lalo, gai gilaadeu gu loomai hogi gi kinei, 7gai Jason ne abodonu ange gi gilaau i dono hale. Gai gilaadeu alodahi e hai baasi ange gi hainga a Caesar gu hagailoo, ma de hagataba bolo e dahi ange hodooligi, dono ingoo go Iesu.” 8Aagai dangada ma denga dagi o de aduhale gu dee paba olaadeu lodo i delaadeu langona muna laa. 9Gai dua huu delaadeu hai Jason ma ono soa gi hagao ina dahi daelodo sseene, gai gilaadeu ga dugu gilaadeu gi hulo.
Paul ma Silas i Berea
10Gai denga daina ne hagamoolau ga hai gi hulo a Paul ma Silas i de boo gi Berea. Gai ga tae huu gilaau gi kilaa, gai gilaau ga hulo hogi gi de synagogue o de gau Ssuu. 11Gai de gau Ssuu i de mommee laa e kii ange de maalama olaadeu lodo i de gau Ssuu i Thessalonica, gilaadeu ne malangilangi donu i de hagallongo muna laa. Gai gilaadeu ne dau de Beebaa Dabu i laangi alodahi ga tilo ai be muna a Paul ni muna abodonu be deai. 12Deelaa ai, gu soa gilaadeu ne hagadonusia. E hanu hogi haahine maolunga ma dangada Greek soa ne hagadonusia.
13Aagai de masavaa huu a de gau Ssuu i Thessalonica ne langona ai bolo a Paul gu agoago hogi muna a de Maadua i Berea, gai gilaadeu ga hulo hogi gi kilaa ga hai ai gi dee buni, ma de hellumi dangada soa i kilaa. 14Aagai denga daina ne hagamoolau ga hai a Paul gi hano gi tagudai; gai Silas ma Timothy ne nnoho i Berea. 15Gai dangada ne hulo laa madali Paul ne kave ia ga dae gi Athens, gai gilaadeu ga aahe gi Berea ga kave muna a Paul ange gi Silas ma Timothy, gilaau gi loomai gi ono daha i de masavaa moolau.
Paul i Athens
16Gai de masavaa o Paul e noho ai ma e tali gilaau i Athens, gai ia gu daemaha ono lodo i dana gidee bolo de aduhale laa e honu i denga diinonga. 17Deelaa ai, ia ne hagadaumee ange gi de gau Ssuu i lo te synagogue ma denga Gentile gu daumaha ange laa gi de Maadua, aama dangada i de mommee e hagabuni ai dangada i de laa tubua. 18Gai hanu dangada i de hagabuulinga e hagaingoo ange laa go de Epicurean ma Stoic ne hagadaumee ange gi de ia. Hanu ne ssili, “Ni muna aha hogi a taane vava de ngudu e tala nei?” Hanu ne hagataba, “Ia e agoago i dagodo o hanu diinonga gee.” Gilaadeu ne tala muna nei i hiidinga de agoago a Paul dagodo o Iesu ma de mouli age. 19Gai gilaadeu ga poo ia ga kave gi de mommee hagabuni o de hagabuulinga hagasaele, go de Areopagus, ga hai ange, “Gimaadeu e llodo gi iloo e gimaadeu dagodo o denga mee hoou oou e agoago ai naa. 20Go hiidinga gimaadeu gu langona hanu mee hoou i oo daha, gai gimaadeu e llodo gi iloo e gimaadeu hagadoonunga o mee naa.” 21(Gai de gau Athens ma de gau henua gee e nnoho laa i kilaa e deai donu alaadeu hegau e hai, aagai gilaadeu e hagabuni donu huu ma e madaangudu i longo ma de hagallongo mee hoou alaadeu gu langona.)
22Aagai Paul ne duu age i mada i mua o de hagabuulinga hagasaele o de Areopagus ga hai ange, “Dangada o Athens! Au gu gidee bolo goodou ni dangada donu e llodo i denga hagadaagangaa hai daumaha. 23I hiidinga de masavaa oogu ne hagadaga ai ga tilo oodou mee e daumaha ange aagena, gai au ne gidee dahi mommee o ssigidaumaha e sisi ange aagena muna nei: ‘Ange gi de Maadua e dee iloo laa’. Gai goodou e dee iloo donu dagodo o de mee oodou e daumaha ange naa aagena — gai au e tala adu gi iloo ai e goodou.
24De Maadua ne haia laa henua i lalo ma mee alodahi iai, go Tagi Maolunga o de langi ma henua i lalo, aagai ia e dee noho i lodo temple e hagatuu i lima o dangada.#1 Ki 8.27; Isa 42.5; Acts 7.48 25Gai e dee ni dangada e hai hegau ange gi de ia, e dagodo be ia e duasala i dahi mee. Aagai go ia donu e gaavange gi dangada alodahi de mouli, ma de madangi olaadeu e manamanava ai aama mee ange alodahi. 26Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai, 27gai gilaadeu ga ssala ai de Maadua, agu made gilaadeu e maua i de ssala ga gidee ia. Aagai ia e dee mmao gee donu mai i dahi gidaadeu. 28Go hiidinga ‘go ia odaadeu e mouli ai ma de ngalungalue aama de nnoho ai nei’. Bei de hai a hanu oodou dangada e haia denga dau gu tala ai laa, ‘Gidaadeu go dono hagadiilinga.’
29Deenei ai, go hiidinga gidaadeu go hagadiilinga o de Maadua, gidaadeu gi dee hagataba bolo de Ia Dabu laa e bei dagodo goolo ma selevaa, aabe go hadu — se mee ne hagahua ma de hai i de labagau o tangada. 30I mua gai de Maadua tee anga ange gi de ssenga o dangada, aagai iainei ia e hai ange gi dangada i mommee alodahi gilaadeu gi daahuli olaadeu lodo. 31Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”
32Gai ga langona huu e gilaadeu dagodo o de mouli age o de gau maakau, gai hanu gilaadeu ga doo ai mee, aagai hanu ne hai ange, “Gimaadeu e llodo koe gi daalaa mai ange mee nei e hagallongo gimaadeu.” 33Gai Paul ne hano gee mai ai i olaadeu daha. 34Aagai hanu gilaadeu ne hagabuni ange gi de ia ma de hagadonusia ana muna, go Dionysius, dahi daane e dau laa i de hagabuulinga hagasaele go de Areopagus, aama de hine go Damaris, gai e hanu ange dangada madali gilaau.
Dewis Presennol:
:
Uwcholeuo
Copi
Cymharu
Rhanna
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2022, Wycliffe Bible Translators, Inc. All rights reserved.