Adnodau Beiblaidd Poblogaidd o 2 Njé gə́ Tesalonikə 2

Rhanna

Maji kar dəw kára kara su kəm sí gə ta gə́ rara kara el, mbata lé riri kara loo rəm gogo a teḛ kédé ləm, diŋgam gə́ njeyèr gə́ to ŋgon lə njetuji lé a kunda loo teḛ kédé ləm tɔ.

Ŋgako̰ síje, seḭ gə́ Mbaidɔmbaije unda sí dan kəmee’g lé jeḛ n’ra Ala oiyo ta-ta mbata lə sí mbata yeḛ nja mbər sí kédé gə́ dɔtar gə mba kar sí iŋgaje kaji gə goo kɔr gə́ Ndilee ɔr sí unda sí gə kəmee ləm, gə goo meekun lə sí gə́ seḭ ɔmje ne meḛ sí dɔ kankəmta’g ləm tɔ.

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

Maji kar Jeju Kristi Mbaidɔmbaije lə sí nja ləm, gə Ala Bɔ síje gə́ unda sí dan kəmee’g ləm tɔ lé d’wa sə sí noji d’ar sí j’isi ne dan meelɔm’g gə́ to gə no̰ ləm, d’ar meḛ sí to ne yel ləm tɔ lé maji kar dee-deḛ ya gɔl meḛ sí d’ar sí aarje njaŋg dɔ néra gə́ maji gə́ rara kara ləm, gə dɔ tapa gə́ maji gə́ rara kara ləm tɔ.

Togə́bè ɓa Ala sula dee ne sɔgɔ dan néŋgɔmje’g gə́ deḛ d’ɔm meḛ dee dɔ’g ndəm ne lé

Njekɔs Ala rəw lé a kunda loo teḛ gə goo siŋgamoŋ lə Njekurai ndá yeḛ a ra nékɔbje ɓəd-ɓəd ləm, gə nétɔjije ləm, gə nédumkooje gə́ ŋgɔm ləma, gə nésukəmlooje gə́ yèr ləm tɔ mbata lə deḛ gə́ njétujije lé mbata kankəmta gə́ d’a gə kaji ne lé deḛ mbad ɓó deḛ taa gə meḛ dee d’unda dan kəm dee’g el.

Né gə́ yèr gə́ to loo-kiya’g lé un kudu yɔm loo mba̰. Nɛ yeḛ gə́ ɔgee rəw lé a sa rəa kédé mba̰ ɓa, né gə́ yèr lé a kila rəa ɓəi.