Adnodau Beiblaidd Poblogaidd o Umatiu 18

Rhanna

He kiteng ashi bendi befee ọ, bekie ọ, be kpee he lizen ligi mi yi utung ha abe ha.”

“Ma mbee ngye le kigyang-kigyang, gbe bendi befee he igye i be tim bọng le bii mi kiwọm ken, Atyagi angwu he lifung-atabe u sha ashi.

A ha kpe unwa-ani le naa he liwu libel. A kung de be le, “Kigyang-kigyang mi de men le, gbe ma keb kuhwo-men tem fel na inwaa-bwan ye, ma ha ndu ngwee he kiteng kusu lifung-atabe ye.

Undi uyang-yang angwu a keb kuhwo-ma tem fel na unwa-ani, ha u yi undi angwu a dyam hwo bendi puu abe be yi he kiteng kusu lifung-atabe.

Undi uyang-yang angwu a kpe unwa-ani kitel i ọ he lizen ligi, ha a kpe-m mi a.”

“Kigyang-kigyang mi da-a le, kiwọm ashi ma bwọ ashi he igye anyin, Unim u bwọ ashi he lifung-atabe ọ. Ashi ma pel ashi he igye i, Unim u pel ashi he lifung-atabe ọ.

Ujeso a fe lishi ityang anyin le, “Kitaa ana na Atyagi angwu he lifung-atabe u be shi amen, gbe undi-undi u tyang ke unwaa-nam le he lityam ye.”

Ujeso a de le, “Bebwaa-ni abe be bọng ha ami nyin, gbe undi a shi abe, undi ken ọ, le u shi kiban, ha ki ban kaang. Ashi le be kung kukọ bikuko tye tyuu undi angwu ha he umbel le tye he umbwo ukandi, ki ngbeb hwo ashi le u shi undi u shi kiban.

“Men ma nya gim le, gbe undi u yi le itia asi adyọng, angwu ken a waa nim, u sha na a?” A de be le, “U tyang angi asi ande le ngi lihwo le ngi idyọng-inde ndọ he kipi i zi abia, gya la shun angwu a nim ana.