Adnodau Beiblaidd Poblogaidd o जोहा 1

Rhanna

मेनखान तिना़क्‌को आताङकेदे, ओनको दो इसोररेन गिदरा़ होयोक् रेयाक् एकतिया़रिये एमात्‌कोवा, ओने ओकोय उनियाक् ञुतुमरेको पा़तिया़उक्‌कान।

एतोहोप्‌रे काथातेत् ताहेंकाना, आर काथातेत् दो इसोर ठेने ताहेंकाना आर काथातेत् दो इसोरे ताहेंकाना।

आर ओना मारसाल दो ञुतरे जोलोक्‌ काना, आर ञुत दो ओना बाय इड़िंच्‌ दाड़ेयादा।

आर काथातेत् दोए मानवा जा़त एना आर आबो तालारेये छा़उनिलेना आर उनियाक् ठोनोकले ञेल आकावना। आपात ठेन खोन एसकार जानामिच् रेयाक् ठोनोक लेकागे, दाया आर सा़रियाक्‌ते पेरेच्‌गे।

सानामाक्‌कोगे इसोर दो उनि होतेतेये होयओचोकेदा, उनि बेगोर दो चेत्‌ हों बाङ होयलेना। उनिरे जियोन ताहेंकाना आर ओना जियोन दो मानवाकोवाक् मारसाल ताहेंकाना।

दोसार हिलोक् जोहान दो जिसु आच्‌ ठेन हिजुक्‌कान ञेलकेदेतेये मेनकेदा, “हा़नि ञेलेपे इसोररेन भेडा होपोन, ओने उनि धा़रति रेयाक् का़इये गोक् इदियेत्‌कान।

धा़रतिरेये ताहेंकाना आर धा़रति दो उनि होतेते होय आकाना, एनरेहों धा़रतिरेनको दो बाको बाडाय ओरोमलेदेया। आच्‌रेनको ठेने हेच्एना आर आच्‌रेनको दो बाको आताङलेदेया।

सा़रि मारसालतेत्‌गे, ओने उनि जोतो होड़े मारसालाकोकान, धा़रतितेये हिजुक्‌कान ताहेंकाना।

एनते आ़न दो मोसे तिते एम एना, मेनखान दाया आर सा़रियाक् दो जिसु मा़सि होतेते होयेना।