Adnodau Beiblaidd Poblogaidd o Mathew 5

Rhanna

Ac ni oleuant gannwyll a’i dodi dan lestr, ond mewn canhwyllbren; a hi a oleua i bawb sydd yn y tŷ. Llewyrched felly eich goleuni gerbron dynion, fel y gwelont eich gweithredoedd da chwi, ac y gogoneddont eich Tad yr hwn sydd yn y nefoedd.

‘Chwi yw goleuni’r byd. Dinas a osodir ar fryn, ni ellir ei chuddio.

Gwyn eu byd y rhai pur o galon, canys hwy a welant Dduw.

Gwyn eu byd y rhai sydd arnynt newyn a syched am gyfiawnder, canys hwy a ddiwellir.

Eithr yr ydwyf fi yn dywedyd wrthych chwi, cerwch eich gelynion, bendithiwch y rhai a’ch melltithiant, gwnewch dda i’r sawl a’ch casânt, a gweddïwch dros y rhai a wnêl niwed i chwi ac a’ch erlidiant

‘Gwyn eu byd y tlodion yn yr ysbryd, canys eiddynt yw teyrnas nefoedd.

Gwyn eu byd y tangnefeddwyr, canys hwy a elwir yn blant i Dduw.

Gwyn eu byd y rhai sydd yn galaru, canys hwy a ddiddenir.

Gwyn eu byd y rhai a erlidir o achos cyfiawnder, canys eiddynt yw teyrnas nefoedd.

Gwyn eu byd y rhai trugarogion, canys hwy a gânt drugaredd.

Gwyn eich byd pan y’ch gwaradwyddant ac y’ch erlidiant ac y dywedant bob drygair yn eich erbyn er fy mwyn i, a hwy yn gelwyddog. Byddwch lawen a gorfoleddwch, canys mawr yw eich gwobr yn y nefoedd; oblegid felly yr erlidiasant hwy’r proffwydi a fu o’ch blaen chwi.

Gwyn eu byd y rhai addfwyn, canys hwy a etifeddant y ddaear.

‘Chwi yw halen y ddaear; eithr os cyll yr halen ei flas, â pha beth yr helltir ef? Ni thâl efe mwy ddim ond i’w fwrw allan a’i sathru gan ddynion.

Byddwch chwi gan hynny yn berffaith, fel y mae eich Tad yr hwn sydd yn y nefoedd yn berffaith.

Eithr bydded eich ymadrodd chwi, “Ie, ie”; “Nage, nage”. Beth bynnag sydd dros ben hyn, o’r drwg y mae.

‘Clywsoch ddywedyd, “Llygad am lygad, a dant am ddant.” Eithr yr ydwyf fi yn dywedyd wrthych chwi, na wrthwynebwch y sawl a’ch dryco; ond pwy bynnag a’th drawo ar dy rudd ddeau, tro’r llall iddo hefyd.

Ac os dy lygad deau a’th rwystra, tyn ef allan a thafl oddi wrthyt; canys da i ti golli un o’th aelodau, ac na thafler dy holl gorff i uffern. Ac os dy law ddeau a’th rwystra, tor hi ymaith a thafl oddi wrthyt; canys da i ti golli un o’th aelodau, ac na thafler dy holl gorff i uffern.