Adnodau Beiblaidd Poblogaidd o Matiyo 8

Rhanna

Manang miglong si Jisus kanilan, “Anangaꞌ kamu mangkallek? Tay, sa katagbiꞌ na pagsalig mayu kanak!” Aw migbangun si Jisus aw piglongan nan ya samet aw manga baled, “Tangkeꞌ kamu!” Aw dayaw migkalinaw ya kadég.

Manang tyumubag ya kapitan, “Kay Sir, diliꞌ aku makatumbuk magpapanik kanmu adti balay ku. Manang pangkay oloꞌ da tingeg mu, kaguli-an saba ya magkedel na kanak sugu-anen.

Sa pagdengeg ni Jisus sa piglong na kapitan, miglong sakanan, “Tay sa kadakulaꞌ na pagpangintu-u na utaw yeiy!” Aw piglongan nan ya manga utaw na nyagad kanan, “Matinaw ya un ku paglongun kamayu: Ya eseg ini pangkay Héntil sakanan, manang walaꞌ pa ku kita-a asini manga utaw na Isra-él ya maynini na pagpangintu-u.

Pagkatigkas yan, miglong si Jisus adti kapitan, “Uliꞌ da kaw. Asuntu sa pagpangintu-u mu kanak, atag ku saba ya pigpanginayuꞌ mu.” Aw dun ni udas yan, dayaw kyaguli-an ya sugu-anen nan.

Aw to-o nya-enneng-enneng ya manga umagakan nan, aw miglong silan, “Singalan kaꞌ ya utaw yeiy? Pangkay ya samet aw ya manga baled magka͡agad sa suguꞌ nan!”