Adnodau Beiblaidd Poblogaidd o Matɨyo 19

Rhanna

Jesu ɗe cɨndi cayge solge bɨ, yege hɨn̰: «Kɨya mɨn̰ɨn̰ kalaŋ hage ama hɨnga ga kɨya mɨn̰ɨn̰ Kumu unɔ.»

Hɨn̰ wo̰ le, kan na sɔɔ naŋ ɨni, ama kan bɨləŋge na ungo gɨ pɨna hayi ƴɔbɨ. Na toy di hɨn̰ wo̰ ma, hɨnga ga Kumu saɗɨ pɨna le, uja gɨ ungo kɨya pɨndɨre dugo naŋ ɨni.»

Ɨni na, Jesu dɨbɨge cay nee yege hɨn̰: «Kɛ kɔl gɨ walge duroy Magtubu di da Kumu dɨŋ le, kɛ kɨŋ ɗɨngɨsa naŋ ga? Walge yege hɨn̰: “Tumɔ ɓɨragɨ le ba-se hɨnga, si na bara dan̰ tama” bɨ yege hɨn̰: “Na toy di hɨn̰ wo̰ ma, bara kɨya ɗɔɔ bayi coŋ bɨ ƴoyi coŋ bɨ, kɨya bugoŋge pɨna dan̰ tamdi bɨ kan sɔɗɨmɔŋ kɨya bɨləŋge kuyoŋ-gusu gɨ pɨna.”

Ɨni na, Jesu yege hɨn̰: «Ɗagɨŋ dan̰ karɨn̰aŋ ɗe ɨrgage gusɨnɨ, bɨ nargegɨŋ naŋ, kɨya wa dɔɔ-ƴaa di daa nii le, woy na kɨya cay kalaŋ ga woy hɨn̰ kan le wo̰.»

Ama kondɨwadi kalaŋ duroy kan ga cay wase kɨya bɨlege wɔyɛ kalaŋ ga karu bɨ, kondɨwadi kalaŋ duroy kan ga karu, kɨya bɨlege wɔyɛ kalaŋ ga cay wase bɨ.

Bɨ waŋ waŋ gɨ na ɗa ƴaadi nɔm wala karmii ga ban̰aŋ wala, ga kandɨ wala, bayi wala ƴoyi wala, karɨndii wala, yage koyi coŋ kɨya canɨ na, ungo gɨ nee le kɨya wɔɔ ɗɨn̰ kan ga nee le tɨba aru bɨ, kɨya wɔɔ sɔmɛ-bɨra gɨ dan̰ tumoyi kardi nee bɨ.

Ɨni na, Jesu dɨbii cay nee ye hɨn̰: «Hɨn̰ gɨ ji na gey bɨləŋ ungo gɨ kuɗa duroŋ cɨrɛɗ na, sa ɨra kɨle hɨnga-wɔɔdɨn̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ ɨni na, ji kɨya wɔɔ hɨnga wɔɔ a daa nii. Kardi nee ɨni na, man̰ ɨre kɨba karɨnɨ.»

Ɨni na, Jesu yeyi hɨn̰: «Ji ɨngɨrəŋ kɨya cay hɨnga ga kuɗa na kɨya wa ga? Ungo gɨ kuɗa na pɨna hayi ƴɔbɨ. Ma hɨn̰ gɨ ji na gey andaŋ a boy sɔmɛ-bɨra gɨ dan̰ cɨndi gɨŋ na, ji bɨga kɔl a cay te tumɔ di da Kumu.»

Aŋ yəgɨŋ ɗaŋ coŋ: Osu tɔgɨ ɗe jambal na andaŋ boy umboŋ libɨra gɨŋ, ama ɗe ba-wɔɔ hɨnga na andaŋ boy dɔɔ-ƴaa di da Kumu dɨŋ na, na hɨnga ga osu cɨla ƴee.»

Leen̰ cɨndi na, aŋ yəgɨŋ daa waŋ: Hɨn̰ gɨ tama na yɨya yɔyɛ gɨ dan̰ gangɨ caa naŋ ƴee ma kudurɔɔ na taya coŋ ƴan̰ di ɗaŋ na, ban yoyi na yɔyɛ dan̰ gangɨ cayi.»

Ɨni na, Jesu yen̰ ka-aye-cay-tɨbayi yege hɨn̰: «Aŋ yəgɨŋ daa waŋ na cɨndi: Andaŋ a boy dɔɔ-ƴaa di daa nii, na hɨnga ga dojɨ tɔgɨ kɨya cay ba-wɔɔ hɨnga.