Adnodau Beiblaidd Poblogaidd o Luka 6

Rhanna

Kɔɛdɔ, klɛ tɛ ba bakɔ wɔɛdɔ. Kedzyidzyi dzyɔgo, gɛ otu ka lɛ kibhi mɛ ɔkpɛ, gɛ oshuku alɛ ɔtsya klɛ kɛyuku agbɛgba, ba ba balɛ lɛ atrɔ wɔ kɛtsrɛta abha. Alasɛ nɛ kedzyidzyi nɛ xwɛ gɛ ɔwa, kalɛ ba bayɛkɔ akpɛ kɔ wɔ.”

Anɔ dzyɔgo edenɔ kɛdɔ dzyɔgo amɛna nɛ kɛdzyɔgo gɛ abala nɛ yɛ idzyi mɛ, klɛ anɔ zizi amɛna kɛdɔ zizi gɛ kɛnu kizizi gɛ abala nɛ yɛ idzyi mɛ. Alasɛ kɛ gɛ dɛ idzyi kɛlɛ onugbu ɔɖɔ.

Pɔ dɛmɛ nɛ bagɛ ba dɛ pɛɛ́ wɔɛ bui, bhɛtɛ kɛdzyɔgo kɔ alɛ, klɛ pa kɛdɔ kɔ alɛ tɛ ɔtɔdi dzoɛnu sɛ ɔbɔ tsodzi ɔyɛkɛ kɛdɔnyɛdɔ nɛ ba lɛ ahwɛ. Ɔkɛlɛ wɔɛ bhɛ tri, klɛ nɔ bodzi Owũsise Apaletedɛ yɛ yialɛ, alasɛ yɛ yɛyamɛyɔ kɔ ba gɛ betehuahwɛ nɛ bagɛ balɛ kɛtɔkpumɛ gɛganɛ.

Di anɔ eshutukubui, anasɛ gɛ wɔ Aka edi anɔ eshutukubui.

“Tɛ kluebhui, klɛ be ti be kluebhui nɛ wɔ. Nɔ tɛ bu anɔ kɛpɔ tɛ Kpaya tsyɛ ebebu wunɔɛ pɔ. Nɔ yɛkɔtsye, klɛ ba ba yɛkɔ etsyé nɔ.

“Pɔ ɛtsre nɔ sɛ anɔ nɛ gɛ enu mɛ bui: Dɛmɛ nɛ agɛ adɛ pɛɛ wɔɛ bui, bhɛtɛ kɛdɔdzyɔgo kɔ bagɛ be gu wɔ, yula bagɛ ba ɖɔɛbui akpɛ wɔ, klukpaya kɔ bagɛ ba bhɛtɛ wɔɛ zizi.

Bhɛtɛ dɔ kɔ banɔ bhlatɔ anasɛ gɛ ɔbɔ pɛɛ sɛ tɛ ba bhɛtɛ kɔ wɔ.

Onugɛ anɔ teli ehu wɔɛdɔ nɛ buzhɔ trukpo, tsyina bubhla nɛ tsyɛ ɔkɔɛ yɛ. Onugɛ anɔ teli ayikɔ wɔ kabhawui, tɛxe yɛ dzo kɔ yɛ kesiawi nɛ tɛyɛyɛkɔ. Kɔ anɔnyanɔ gɛ ebisi wɔɛ dɔ, klɛ onugɛ anɔ teli ayɛkɔ kɛdɔnɔ gɛ kɛnu wɔɛ yɛ, tɛtsodzi ɔyɛkɛ lɛ nɛ yɛ ahwɛ.

“Osi dzyɔgo lɔtɛ yu eyuyu zizi, ɔdɔgɔsɛ osi zizi lo yu eyuyu dzyɔgo.

Osi kanyaka ɔlɛ eyuyu ba yɛkɔ akpɛ ɔlɛ kɛxawũ nɔ. Anɔ atɛ gɔ kabhɔ eyuyu denɔ kigbigbe shu, ɔdɔgɔsɛ ba gɔ vãyɛ̃ eyuyu nɛ exeosi shu.