Adnodau Beiblaidd Poblogaidd o Lyfr y Psalmau 146

Rhanna

Gwyn fyd y dyn bo Duw yn borth, Duw Iago ’n gymmorth iddo, A’i hyder yn yr Arglwydd Ion, Ac ynddo fo ’n gobeithio.

Ar dywysogion na rowch gred, Na chaffed dyn eich hyder; Disgwyl am iachawdwriaeth trwy Eu gallu hwy sydd ofer.

I’r gorthrymmedig rhydd farn wir, A bara i’r newynog; Yr Arglwydd o’u cadwynau sydd Yn rhoddi ’n rhydd yr euog. A’i lewyrch cannaid ein Duw Ior Sydd yn goleuo ’r deillion; Yr isel cyfyd ein Duw ni, Efe sy ’n hoffi ’r cyfion.

Y nef, a’r ddaear lawr, a’r môr, A’u lluoedd, Ior a’u ffurfiodd; Drwy oesoedd trag’wyddoldeb hir Y ceidw ’r gwir a dyngodd.

Y dïeithr a’r ymddifaid gwael Gan ei law hael cynhelir, A chwyn a cham y gweddwon gwel; Dadymchwel ffordd yr anwir.