Adnodau Beiblaidd Poblogaidd o Rhufeiniaid 12

Rhanna

Ac nac ymagweddwch yn ôl yr oes hon, eithr trawsffurfier chwi trwy adnewyddiad y meddwl, fel y profoch beth yw ewyllys Duw, y peth sy dda a boddhaol a chyflawn.

Gan hynny, frodyr, erfyniaf arnoch trwy dosturiaethau Duw, gyflwyno eich cyrff yn aberth byw, sanctaidd, wrth fodd Duw, eich rhesymol addoliad chwi.

yn llawenhau mewn gobaith; yn ymgynnal dan orthrymder; yn dyfalbarhau mewn gweddi

Na’th goncrer di gan y drwg, eithr concra di y drwg trwy’r da.

Mewn brawdgarwch byddwch dyner eich serch tuag at eich gilydd; mewn rhoi parch yn rhagori ar eich gilydd

Boed eich cariad yn ddiragrith. Ffieiddiwch ddrygioni, glynwch wrth ddaioni.

Os yn bosibl, o’ch rhan chwi, boed heddwch rhyngoch a phob dyn.

Nac ymddielwch, anwyliaid; yn hytrach, rhowch gyfle i’w ddigofaint ef, canys ysgrifenedig yw: Myfi piau dialedd, myfi a dalaf yn ôl, medd yr Arglwydd.

mewn brwdfrydedd yn ddi-ildio; yn ferw eich ysbryd; yn gwasanaethu’r Arglwydd

Trwy’r gras a roddwyd i mi, dywedaf wrth bob un sydd yn eich plith, na osodo ei fryd ar ddim yn uwch nag y dylai, eithr rhoi ei fryd ar fod yn gymedrol, yn ôl y mesur o ffydd a rannodd Duw i bob un.

Na thelwch i neb ddrwg am ddrwg. Darperwch bethau anrhydeddus gerbron pob dyn.

Byddwch yn unfryd â’ch gilydd, heb roi eich bryd ar uchel bethau, ond bod yn gynefin â phethau distadl. Na fyddwch gall yn eich golwg eich hunain.

Eithr os newyna dy elyn portha ef; os sycheda, dioda ef; canys wrth wneuthur hyn ti bentyrri farwor tanllyd ar ei ben.

Bendithiwch y rhai a’ch erlidia, bendithiwch ac na felltithiwch. Llawenhewch gyda’r rhai a lawenhâ; wylwch gyda’r rhai a wyla.

yn cyfrannu tuag at anghenion y saint; yn arfer lletygarwch.

Oblegid megis mewn un corff y mae gennym aelodau lawer, ac nad oes gan yr holl aelodau yr un gwaith, felly nyni, sy’n llawer, un corff ydym yng Nghrist, ac aelodau bob un o’n gilydd.