Adnodau Beiblaidd Poblogaidd o MARIKO 13

Rhanna

Na nĩmũgathũũrũo nĩ andũ othe nĩ ũndũ wa rĩĩtwa rĩakwa: no ũrĩa ũgũtũũra akirĩrĩirie nginya o ithirĩro, ũcio nĩakahonokio.

Wĩmenyagĩrĩrei, mwĩhũgage na mũhoyage: amu mũtiũĩ ihinda rĩrĩa rĩgakinya.

Na maamũtwara cira-inĩ na maamũneana, mũtikanaambe gwĩtanga mbere nĩ ũndũ wa ũrĩa mũriuga: no rĩrĩ, ũndũ o ũrĩa mũkaheo hingo ĩo, ugai guo: amu ti inyuĩ mũkaaria, nĩ Roho Mũtheru.

Igũrũ na thĩ nĩgũgathira: no ũhoro wakwa ndũgathira.

No ũhoro wa mũthenya ũcio kana wa ihinda rĩu, gũtirĩ mũndũ ũũĩ, o na araika arĩa me Igũrũ, o na kana Mũriũ, tiga o Ithe witũ.

Na rĩrĩa mũkaigua ũhoro wa mbaara na mbugĩrĩrio cia mbaara, mũtikamake: maũndũ macio matirĩ hingo matagakinya; no rĩrĩ, ithirĩro ti ikinyu.

Tondũ ũcio ikaragai mwĩhũgĩte: amu mũtiũĩ rĩrĩa mwene nyũmba arĩũka, kana nĩ hwaĩ-inĩ, kana ũtukũ gatagatĩ, kana ngũkũ ĩikĩgamba, kana rũcinĩ ndakae gũũka na kĩguũ amũkore mũkomete. Na ũguo ndamwĩra inyuĩ, noguo ndera andũ othe, atĩrĩ, Ikaragai mwĩhũgĩte.

Tondũ o rũrĩrĩ nĩrũgokĩrĩra rũrĩa rũngĩ, na o ũthamaki ũũkĩrĩre ũrĩa ũngĩ: na nĩgũkagĩa ithingithia cia thĩ kũndũ na kũndũ, na kũgĩe ng’aragu; maũndũ macio nĩmo kĩambĩrĩria kĩa ruo ta rũa kũrũmwo.

Naguo Ũhoro-ũrĩa-Mwega ndũrĩ hingo ũtakaamba kũhunjĩrio ndũrĩrĩ ciothe.

Andũ aingĩ magoka magĩĩtuaga rĩĩtwa rĩakwa, makiugaga atĩrĩ, Niĩ nĩ niĩ Kristo; na nĩmakahĩtithia andũ aingĩ.

Na inyuĩ-rĩ, wĩmenyagĩrĩrei: tondũ makamũneana gwĩ ciama cia athuri; na mũkahũrĩrũo thunagogi-inĩ; na mũrũgame mbere ya aathani na athamaki nĩ ũndũ wakwa, mũtuĩke aira kũrĩ o.

tondũ nĩgũkagĩa na Makristo ma maheni o na anabii a maheni, nao monanie ciama na morirũ, nĩguo mahĩtithie arĩa aamũre, ũngĩkorũo ũguo wahoteka.

No rĩrĩ, matukũ macio, thutha wa thĩna ũcio-rĩ, riũa nĩrĩgekĩrũo nduma, naguo mweri ũtige kwara, nacio njata irike kũgũa ciume igũrũ, namo mahinya marĩa me igũrũ nĩmakenyenyio.