Adnodau Beiblaidd Poblogaidd o MÁFIYU 18

Rhanna

Sífaa mbéi fíli nuu félengɔ ɔɔ nuu sáángɔ táá yátɛmba na ndááheingi h̃u, ngáá ɣɛ ti liiwáá.”

Ngí tɔɔỹái le wú w̃á mɔ́ɔ, mbéi hɔ́wɔi fíli wú tá wáa ɣɛ́ féle ngeleí sí wu, wú luw̃á faa fíli má wú Ngala fɛ́li faaw̃a, ní Kɛ́ɛ́ɣɛ í ngelegóóh̃u, aa kɛ wú yɛ́.

Jísu í ndopo gúloi lóli, í to ti liiwáá. Kɛ i ɣɛa ta, “Ngí tɔɔỹái le wú w̃a, kɛ léi wú bɔwɔ́ ɣɛ kíli ɣɛ kíya ndopo gúlo gulóaitii tí na, kɛ́ ná láá le, kúnafɔ Ngalángi w̃ásandai ɛi ɣɛ wú w̃ááh̃u.

Faalɔ, nuí fíli ɛ́i h̃úúɣɛ wɔ́ɔ́lɔ, aáva í bɔ́wɔ ɣɛ ngáá ndopói sí ɣɛ kílii, aá lɔ í ngáá ngákpa mɔ́ɔ́ walaí Ngalángi w̃ásandai h̃u.

Aáva nuí fíli áá ló ngáá ngé aáva í lokohéi ndopo gúlo laalií sí tá yílaa kéle tɔ mbu ndongí hááw̃a í su ngáá ngé, kɛ maa w̃ɔ́i i lokohéinga mbú.”

Kɛ Jísu i ɣɛa ta, “Ngí tɔɔỹái le wú w̃á, sí wáá bééle mba ngeleí sí wu, Ngala ngáá bééle mba. Sí fíli pá wáa lokohéi mbu ngeleí sí wú, Ngala ngaa lokohéi mbu.

Jísu i faanɛ́ɛ́ngi sí vólui ɣɛí, i ɣɛ ta, “Ngimɔ́ɔ́ ní Kɛ́ɛ́ɣɛ í ngelegóóh̃u áá kɛ ngáá wú kpɛ́lɛɛ ná wɔ́i ɣɛ́ wú mbálangaitii suuhaalóni.”

Kɛ Jísu i mɔɔ ɣɛa ta, “Sítii ti langɔ́ ngáá ngé, í lí bɛ́lɛ í tó ndopo gúlo gulóaitii mba, nuí fíli áá kɛ ngáá háwu ti tá yílaa í faa ỹɔ́u ɣɛ, maa ɔ́ɔ́ ɣɛ́ nɛ́ɛ́ni ti ndólo wɔtú wála yili maa w̃ɔ́i woló wá, ti pilí yívo wúúhulungɔi wu í ló mbu.

Kɛ i mɔɔ ɣɛa ti w̃a, “Bɛ́ɛ́ lɔ í wú gí ma? Ndeé lɔ siỹɛ́ngi áá kɛ ná mbáalai áá ɣɛ́ ngéya ngáá hɔ́ndɔ ngílaa, ti tá yílaa í ló su? Ɛi be púú táávungɔ maah̃úú táávungɔi wa ngihéi wa ɔ́ɔ́ lí ngílaangi ná wɔ́lima í lóngɔ su?