Adnodau Beiblaidd Poblogaidd o Колосянэнгэ 2

Rhanna

Палдава́, сыр тумэ́ уджиндлэ́ Исусо́с Христосо́с сыр Рас-Дэвлэ́с, адя́кэ тумэ́ и дживэ́н дро екхипэ́н Лэ́са, Явэ́н би кунипнаскирэ (тварда) дрэ Лэ́стэ и барьён пир патяибэ́н дрэ Лэ́стэ, сыр тумэн сыклякирдэ́, ячэ́нпэ дрэ патяибэ́н парикирибнаса.

Дыкхэ́н кучэс, соб (кай) ние́кх тэ на злыджал тумэн патяибнастыр философияса и хохаибнаса, савэ́ придуминдлэ мануша́, и савэ́ счхудэ пэ свэто́скирэ ду́мы, а на пэ Христосо́скиро сыклякирибэ́н.

И тумэн, савэ́ сыс мулэ́ дрэ тумарэ́ грэ́хи и дрэ тумарэ́-лочакиро обчхиныбэн, Дэвэ́л отджидякирдя́ кхэтанэ́ Лэ́са и отмэкця́ амарэ́ сарэ́ грэ́хи; Ёв отпарудя сыкляибнаса сарэ́ припхэныбэна́ Законо́стыр, со сыс чхиндлэ́ вастэ́са, савэ́ сыс проти амэ́ндэ, и Ёв укэдыя дава́ саро́, и примардя лэс кэ трушу́л

Пал-дова́ со дрэ Лэ́стэ дживэ́ла Дэвлы́тко пхэрдыпэн дрэ манушы́тка маса́ пир ду́хо (фа́но), и тумэ́ндэ исын пхэрдо́ джиибэ́н дро екхипэ́н Лэ́са, Саво́ исын Шэрало́ пэ сарэ́ барэ́ рандэ и свэтоскиро зоралыпэ́н

Мэк нико́н тэ на сэндинэл тумэн пал хабэ́н ци пал пибэ́н, ци пал вари-саво́ свэ́нко, ци са́вато (субо́та), Саро́ дава́ исын сы́рбы зэр (тенё) долэ́стыр, со явэ́ла анги́л, нэ чачипэ́н исын дрэ Христосо́скирэ Маса́.