Adnodau Beiblaidd Poblogaidd o Roma 8

Rhanna

Be genye temehi mwo pie: Ati ni naado ke lé tuie, beme béwâé genye, wogenye nina eânimenye te Padué, wogenye na e todekenye âcehi *a bwo niimihinaado ten.

Be é te céihi pie, te tice aceli jan me e pineitéékenye koja a pipwoééhe na e habwii tenye wo Padué, ne ko Kériso Iésu, Padaame henye: Time uce a mele, time uce a mulip, time uce ni *âcélo, time uce ni duéé, heme é jenaa, heme é meé, heme ni pipwojunuun, heme é jeda, heme é jeoté, heme ati ni naado na e tabuhi, ke te tice aceli jan me e pineitéékenye koja a pipwoééhe te Padué!

A céiu mwo, ke e âbé picani tenye na a Jenen Iitihi, wogenye nina pitice niihenye [ke wahin ni céihi tenye]. Be time genye uce temehi ehi ace bwo pwoiitihi. Kehe e cewé ko pwoiitihi me denye na a Jenen Iitihi. Ke a pwopwoiitihi ten, ke piwéden ati koja ni pwooti tenye.

He ade aceli genye o pii celi piwéden? Heme caa wogenye ibu me Padué, ke woo celi e o pwobwonikenye [me piwéden kojakenye]? Te tice!

Nina lé mu ko Kériso Iésu, ke te tice tautinaado, ke cuhinaado telé.

Be wo lépwona lé âcehi nina nimelé kon na ta, ke lé te piténedehi ni naado naa. Ke lé â benihi a mele. Kehe wo lépwona lé âcehi a Jenen Iitihi, ke lé te piténedeeng. Ke pwo ne telé *a ju mulip me a péém.

Kehe icehi ana é ati ne he nina e tuie ne kome, ke geme te junihe piwéden, watihen wo pana e caa pipwoééheme.

É niimihi pie, ni picani tenye jenaa, ke te junihe wahin koja a wâé na ubwo na e bo ne tenye wo Padué.

Ke o ade mwo celi e o papiidenikenye koja a pipwoééhe te Kériso? Te tice! Time uce ni picani me téé, me ni bwo pinekepé tenye, me ni bwo pwotahinaado ne konye, me a menele, me ni bwo tice naamuunye, [me ni cunu] me ati nina abwobwo. Ke time uce a mele mwo, celi o jan me e pineitéékenye koja a pipwoééhe te Kériso.

Be wo Padué, ke e te alihi ana e he pwonime pa apulie, ke e te temehi ana nime a Jenen Iitihi me e ilehi. Be a Jenen Iitihi, ke e pwoiitihi cehi ana te nime Padué kon, me de ni apulie ten.

Be wo lépwona lé mulie cehi a Jenen Iitihi te Padué, ke lépwo naî Padué.

Be wo lépwona lé âcehi nina nimelé kon na ta, ke lé te piténedehi ni naado naa. Ke lé â benihi a mele. Kehe wo lépwona lé âcehi a Jenen Iitihi, ke lé te piténedeeng. Ke pwo ne telé *a ju mulip me a péém.

Be e caa te pawie pa ju Naîn [me e *âpwailo] me denye ati, ke time e uce celuimieng koja ni picani. Ke heme wonaa, ke kona woilu me pa Naîn, ke time lu uce ne tenye me piticenaado ne kon ati ni naado? Uhuu!

Ke e *pajuujuhi ne te a jenenye na a Jenen Iitihi pie, wogenye ni naî Padué. Ke me genye naî Padué, ke genye o hegi a *adéihi na e caa pii ânebun pie, e bo ne te a bele ten. Ke genye bo tai hegi me Kériso. Be, me nye mu he ni picani pwohewiieng, ke genye hegi mwo *a wâé pwohewiieng.

Heme nye âcehi nina nimenye kon na ta, ke o te pwocoon me nye piténedehi ni patén de Padué, ke pwocoon me wâé genye ne he pwahamiin. Ke genye âdeeng, me lépwona lé téétieng.

Be ati ni naado na e caa tabuhi [wo Padué] ke lé ucéihi ha a picani ace benaamwon celi e bo habwii a bwo ubwo na a wâé te ni naîn wo Padué.

Ke genye tai temehi pie, ati ni naado, ke lé cewé ko ni bwo picani telé, pwohewii ê toomwo na e piâbeele ewa.