Adnodau Beiblaidd Poblogaidd o MATHAYO 24

Rhanna

Na kwa wundu ghwa agho mawiwi kuchurikia, lukundo lwa wengi luchahora modo. Ela uo urumaghiagha hata kutua nuo moni uchaakia.

Na iji Ilagho Jiboie ja Wuzuri jichachilwa wurumwengunyi kose kukaia wushuhuda kwa wandu wose; aho niko kutua kuchacha.

Mchasikira gha wuda na wuvoro ghwa wuda; ela msakeobua; angu suti maza iro riche, ela kuja kutua ndekulighisire.

Angu mbari ichabonya wuda aighu ya mbari na wuzuri aighu ya wuzuri, kuchakaia na njala na misughusiko andu kuzima kuzima. Ela maza iri rose ni sa kuzoya kulumwa kwa kuva.

Mlungunyi na ndoenyi kuchaida, ela madedo ghapo ndeghichaaida anduangi.

Angu wengi wichacha kwa irina japo wikighamba, ‘Ini nuo Kristo,’ nawo wichawilaghasha wengi.

“Wichamfunya mtiriro na kubwaghwa, nenyo mchamenywa ni mbari rose kwa wundu ghwa irina japo. Aho wengi wichawuya nyuma, wikifunyana na kuzamiana weni na weni. Wichawuka walodi wa tee wengi, nawo wichawilaghasha wandu wengi.

Jesu ukawitumbulia, “Manyenyi mndungi usakemlaghasha.

Kwa huwu inyo wori, kaienyi nicha, angu Mwana wa Mdamu uchacha ngelo mseimanyagha anduangi.

Kwa huwu chereshenyi, angu ndemmanyire ni ituku jiao Bwana onyu uchaacha anduangi.

“Ela ituku na saa ija, mndungi ndeimanyagha; hata weke malaika wiko mlungunyi, hata Mwana, ela Aba moni.

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

Sa iji erekoghe matuku gha Nuhu, niko koni ichaakaia ituku ja kucha kwake Mwana wa Mdamu. Angu matuku agho imbiri ya gharika, werekoghe wikija na kunywa, wikilowua na kulowolwa; hata ituku jija Nuhu orengirieghe safinenyi, ndeweremanyireghe anduangi, hata gharika ikacha na kuwitotesha wose; niko koni kuchaakaia kucha kwake Mwana wa Mdamu.