Adnodau Beiblaidd Poblogaidd o Ma̱rkut 12

Rhanna

Yesu si̱ nwuak gu shim nyia̱, “Doka ji swak á̱kum ka ma̱ng shi a̱mgba̱m a̱ni, ji ja yet; ‘Nyin á̱niet Isi̱rela, nyi myiai a̱fufwuo nyi fa̱a̱k! A̱gwaza a̱ yet A̱tyoli nzi̱t wu a̱ni, a̱ yet A̱gwaza a̱nyiung wa ma̱nyin gu. Mat a̱nia, ku yet ta hwa a chat A̱gwaza a̱ yet A̱tyoli ang wu a̱ni ma̱ng a̱mgba̱m fwuo ang hu, ma̱ng a̱mgba̱m swuan ang ji, ma̱ng a̱mgba̱m lyen ang hu, ma̱ng a̱mgba̱m chet ang hu.’ Doka sweang ji, ji̱ swak ma̱ng shi a̱ni, jija yet; ‘A bu chat a̱kpa̱ndang nswat ang wu ma̱nang a nchat a̱pyia̱ ang a̱ni.’ Á̱ bu mbyia̱ doka ji ji̱ swak si̱ jini ma̱ng shi a̱ni bah.”

Huhwa Yesu si̱ yorong mman ta̱m nggu na, a̱ si̱ nyia̱ ma̱ng a̱mba, “Yok n tak nyin a̱tsak a̱lyiat, a̱byii̱k a̱ yet a̱kunak kani nang a̱tyok wu ka̱n khwu a̱ni; mmat kurum ku swak si̱ á̱kum á̱niet hu a̱ni, da̱ a̱vwuo khwot kurum ka. Mat a̱mgba̱m á̱niet nzwá ba, ba̱ nwuak za̱nang chunchwiit mami gba̱mgbam zwá nang ba̱ byia̱ a̱ni. A̱wot nggu a̱byii̱k wuni, bi̱ri̱ng ma̱ng kunak nggu hu, a̱ si̱ kyiak a̱mgba̱m a̱byi kurum nang gu byia̱ mi̱ swat gu hu a̱ni, a̱ si̱ nnwuak za̱nang.”

Nang Yesu nswan kpa̱mkpaan ma̱ng a̱vwuo khwot kurum mi̱ didyaat A̱li Nwuat Za̱nang A̱gwaza hu a̱ni; a̱ si̱ swan a̱ nwuan si̱sak ji nang á̱niet ba nkhwot kurum hu a̱ni. A̱wot á̱niet nzwá ma̱ a̱di̱di̱t si̱ nwuat a̱cha̱chet kurum. A̱wot a̱ si̱ bu li a̱byii̱k a̱ghyang a̱ yet a̱kunak nang a̱tyok nggu wu ka̱n khwu a̱ni; nang gu nwuat a̱nini a̱feang.

A̱wot n dyen ku yet ta hwa n bu nchat gu ma̱ng a̱mgba̱m fwuo nung hu, ma̱ng a̱mgba̱m lyen, ma̱ng a̱mgba̱m chet. A̱wot n bu chat a̱kpa̱ndang nswat nung wu, nang n chat a̱pyia̱ nung a̱ni. Si̱ huni hwa shi a̱ swak za̱nang nang á̱ fwui ma̱ng a̱mgba̱m si̱ ji nang doka ji nyia̱ á̱ nwuat a̱ni.”

Huhwa Yesu si̱ nyia̱ ma̱ng a̱mba, “Ka̱ a̱nia wa, kyang ku yet si̱ Kaisar a̱ni, nyi ni̱ nwuak Kaisar. Kyang ku yet si̱ A̱gwaza a̱ni, nyi nwuak A̱gwaza.” A̱wot ba̱ si̱ tyia̱ ma̱ tai di̱ si̱sak gu nnwuak ba shim hu a̱ni.