Adnodau Beiblaidd Poblogaidd o Ibriniyawa 9

Rhanna

Ma a̱nia wa, Kristi ku neap a̱pyia̱ nggu nang za̱nang a̱ni, a̱ si̱ khwu a̱ka̱nyiung, da̱nian gu ka chi a̱ka̱tuk nyia̱ á̱niet ma̱ a̱di̱di̱t. A̱wot a̱ bu na bwuok a̱ bai a̱ka̱feang ka, da̱nian a̱ ka chi a̱ka̱tuk nyia̱ nzi̱t wu wa bah. Da̱ a̱kwonu a̱kya, a̱ na bai wa a̱ san a̱mgba̱m á̱niet ba, ba̱ swan á̱ fwuong chobai nggu hu a̱ni.

Ka̱ a̱nia wa, nyi dam nyi lii, si̱sak nang a̱sok Kristi na nswak si̱ nzón ma̱ng nyák ma̱ za̱nzan a̱ni. Na̱ na jaat a̱di̱dam mi̱ nfwuo nzi̱t na, zi̱ ka ghwon a̱ka̱tuk nyia̱ nzi̱t wu, da̱nian zi̱ ka kwok ntong a̱zaghyi A̱gwaza a̱ byia̱ swuan a̱ni. Mat chet A̱za̱za̱rak Ntswa sang sangba̱p hwa, Kristi si̱ nwuak a̱pyia̱ nggu da̱ a̱vwuo A̱gwaza, a̱ si̱ yet a̱tsatsak za̱nang, da̱nian a̱ ka chi a̱ka̱tuk nyia̱ nzi̱t wu a̱mgba̱m.

A̱wot ma̱nang ku ngyet a̱daat wa a̱tyubishyi a̱ khwu a̱ka̱nyiung a̱ni, kang ma̱ng a̱nia, A̱gwaza a̱ sii nyia̱ nggu shi̱ri̱ya.

A̱tsatsak a̱lyiat, ma̱nang doka Musa ji nhyia̱ a̱ni, kuzang kyang myim á̱ jaat hu ma̱ng a̱sok nia. Ka̱nang á̱ koot a̱sok bah, á̱ si̱ mi̱n chi a̱ka̱tuk nyia̱ bah.

Huhwa mbyia̱, Kristi wa yet a̱tyu a̱ yong a̱ka̱wa̱tyia̱ A̱gwaza ma̱ng á̱niet ba mi̱ la̱p a̱li̱ka̱uli a̱fai wu. Da̱nian a̱mgba̱m á̱niet ba nang á̱ yei a̱ni, ba̱ ka san gado nwai tyak, nang A̱gwaza nyia̱ mba a̱li̱ka̱uli wu a̱ni. Mat Kristi khwu, da̱nian a̱ ka ti̱n mba mi̱ swuo a̱bung ku yet shi̱ri̱ya a̱khwu mat a̱ka̱tuk nyia̱, nang ba̱ nyia̱ di̱ khwi la̱p a̱li̱ka̱uli ku yet a̱khwukhwop wu a̱ni.