Adnodau Beiblaidd Poblogaidd o Ibriniyawa 13

Rhanna

Nyi yok la̱u shyuo kurum bah. Nyi swan ma̱ng a̱swa, nyi gwai ma̱ng zwá nang nyi byia̱ a̱ni. Mat A̱gwaza nyia̱, “Nung, n si̱ mi̱n nwai beang ang bah. Da̱ nung, n na kai ang ghwon bah.”

Yesu Kristi shai bah. Nggu wa ku nshya̱ gbangbang. Nggu wa nshya̱ ma̱nini. Nggu wa na nshya̱ ba̱ng si̱ nat sang sangba̱p.

Mat a̱nia, ka̱ doot zi̱ gbang a̱lyia̱ zi̱ hyia̱, nyia̱, “A̱gwaza wa yet a̱tyu beang nung wu. Mat a̱nia, n na fa̱k a̱wun bah. Yihwa hwa nang a̱tyubishyi na nyia̱ nung dyo?”

A̱wot nyi yok bwung nyia̱ á̱ghyang nyin shok, ma̱ng beang á̱kunak ma̱ng zwá nang nyi byia̱ a̱ni bah. Tangka̱i a̱tan nta̱m huni hwa yet kidee za̱náng nang A̱gwaza fwuong nyinyang a̱ni.

Mat a̱nia, yok zi̱ neap A̱gwaza za̱nang zi̱ dyep gu nchi̱ri̱ng mami a̱lyoot Yesu. A̱wot zi̱ shei kpa̱sai nang nggu wa ngyet A̱gwaza nang zi̱ khwi a̱ni.

A̱mgba̱m á̱tyok ma̱ng á̱nyiuk, nyi yok jhyuai swat nyeang bah. Ku myim nyi swan a̱tsotswat nswat ma̱ng á̱ghyang nyin. A̱wot nyi yok katnaan ma̱ng á̱tyok á̱ghyang ku á̱nyiuk á̱ghyang ma̱ zan bah. A̱tsak a̱lyiat, A̱gwaza na nyia̱ á̱niet katnaan ma̱ng á̱niet a̱shi̱shi̱k nyia̱ shi̱ri̱ya.

Nyi bu ya a̱son ma̱ng saai á̱nietchen mbwak nfeang ma̱ a̱ka̱sa nyin na. Mat á̱ghyang á̱niet ba̱ ku nyia̱ a̱nia a̱ni, ba̱ ku saai a̱yaata̱m tswá A̱gwaza di̱ mi̱ lyen.

Yok A̱gwaza, a̱ nwuat swat nyinyang a̱ni, nggu wa ku ta̱ngam Yesu, a̱ yet A̱tyoli nzi̱t wu a̱ni, ma̱ng swuan ma̱ á̱niet ba̱ ka̱n kwi a̱ni. Yesu a̱ bu yet a̱gba̱ndang a̱tyu chok zón seap wu a̱ni, a̱wot a̱ si̱ tsa nyia̱ ta̱m la̱p a̱li̱ka̱uli sang sangba̱p ma̱ng a̱sok nggu na. Yok A̱gwaza a̱ ka̱u nyin kuzang a̱tan kyang nang nyi chat a̱ni, da̱nian nyi ka nyia̱ nggu nta̱m nang gu chat a̱ni. Yok gu nyia̱ ta̱m ma̱ng a̱nzi̱t, mami chet a̱lyoot Yesu Kristi, zi̱ ka nyia̱ kuzang a̱tan nta̱m ku na tyia̱ gu fa̱k nyinyang a̱ni. Yok a̱mgba̱m a̱kyenkyai shi a̱ yet a̱si̱ nggu, si̱ nat sang sangba̱p! Samba̱rka!