Adnodau Beiblaidd Poblogaidd o 2 Bitut 2

Rhanna

Ka̱ ku li a̱nia, ku tak nang A̱gwaza ndyen si̱sak ji gu na nsan á̱niet khwi nggu ba di̱n jen mak mba ji a̱ni. A̱ si̱ bu lyen si̱sak gu na ntyia̱ á̱niet a̱ka̱tuk nyia̱ swuo a̱bung mi̱ swanta huni a̱ni. Ku bu tak nang gu ndyen si̱sak ji nang gu na nsak á̱ka̱tuk á̱niet á̱ nfwuong mam á̱ na nfaat mba shi̱ri̱ya ngaan ji a̱ni.

Ma a̱nia wa, ku na lan á̱niet tyiet a̱ka̱laa a̱bya ka̱nang ba̱ wa ka̱n dyen a̱tsotswat nvak wu neet di̱n tsa hu bah, nang ba̱ na ndyen nhu, a̱wot ba̱ sii ghwon khwi doka nang á̱ ku nwuak ba ba̱ swan a̱za̱za̱rak nswat a̱ni. Ba̱ bwuok á̱ nat a̱ka̱tuk nyia̱ nang ba̱ ntsa a̱ni, ku nat cha̱chaat nang á̱ ni̱ nyia̱, “A̱bwu ka̱ kwa̱i a̱ni, ka̱ bu bwuok ka̱ si̱ niai kwa̱i nka hu.” Á̱ bu ni̱ nyia̱ a̱ni, “A̱kusuru nang á̱ swuo a̱ni, a̱ bu bwuok a̱ nat a̱ si̱si̱ byii̱t mi̱ bwang.”

Ba̱ nyia̱ mba a̱li̱ka̱uli shya̱ a̱wat, nang ba̱ na nyia̱ kyang hu ba̱ chat a̱ni. A̱wot mba ma̱ á̱pyia̱ mba ba̱ yet á̱khwo a̱ka̱tuk nyia̱ ma̱ng shyuo. Mat konyan yet a̱khwo kyang nang gu shim ku nyia̱ tyok mi̱ fwuo nggu hu a̱ni.

A̱wot ka̱ a̱yin ka̱n shya̱ shot da̱ a̱na̱ndyung a̱ka̱kpa̱t swanta na di̱ lyen A̱tyoli nzi̱t wu Yesu Kristi A̱tyusan; a̱wot a̱ si̱ bu bwuak a̱ si̱ ta̱bat nyia̱ a̱ka̱tuk nyia̱, a̱wot a̱ka̱tuk nyia̱ wu si̱ swuo chet gu, swat ngaan nggu hu na swak si̱ gu ntsa a̱ni mi̱ yet a̱ka̱tuk.

A̱wot gbangbang, á̱ ku byia̱ á̱niet ba̱ ku kyiak pyipyia̱ mba nyia̱ ba̱ yet á̱tsak a̱yaata̱m a̱kwonu A̱gwaza ba ma̱ á̱niet Isi̱rela, ma̱nang á̱ na mbyia̱ á̱niet tyiet a̱ka̱laa ma̱ nyin a̱ni. Ba̱ na bai ma̱ng tyiet ghyang da̱ bang ku na tyia̱ á̱niet ba ba̱ teap a̱ni. A̱wot si̱ a̱hwa hwa ma̱nyin hu bah. Ba̱ na fwuo lyen Yesu A̱tyoli nzi̱t wu a̱ san mba a̱ni. Si̱ a̱hwa na tyia̱ ba̱ khwat á̱pyia̱ mba a̱khwu ma a̱nggang.