Adnodau Beiblaidd Poblogaidd o Salmos 119

Rhanna

Ti itan kuèntá mé ijnko xrohi tꞌinkaséñaxín to̱téni, la ko tíha mé ijnko xrohi tꞌinkaséñaxín nti̱eni.

Kaín a̱séni xraxinkaoni ti itan kuèntá kixin tjinkakonhñani chrókjuasini ijie̱ kixin jeheni tinkáchónkini ti jaha.

¿Xá nkexrín jína chrókjuákꞌe ijnko ndasoá kixin chróchóntahya ijie̱? Méxra̱ chrókjuinchexiteyá éxi nixja ti itan kuèntá, jaha Díos.

Díos ncheñao ti nkexro xritjeyá ti jehe chꞌan la ko tjinkaon kaín a̱sén chrókjuinchexiteyá ti nkehe tsíkꞌe̱to̱an chꞌan

Jaha mé tjinki̱tsani la ko tꞌayakonhéni. Jehó ti itan kuèntá mé tjechóheni kixin tꞌayakonhéni.

Jaha chrókjuánjua kjuachaxin chrókienxíni kixin jína chrókjuínchexiteyáni ti nkehe tsíkéto̱an. Tjinkaoni chrókjuínchexiteyáni kaín a̱séni.

Tjinki̱tsani kixin a̱ntsí tsotjinkaon a̱séni ti nkehe tsíkéto̱an kixin kanhñó chrókóxríhi̱ni ti nchónhña nkehe chrókjuachani.

Méxra̱ kjá jína kixin jaha kjui̱nchekjasóte ti jeheni kixin ndá xi̱kaha kꞌuitjani ti nkehe tsíkéto̱an.

Tíha mé nchechéhe̱ ti jeheni ti ó tꞌáváni; ti nkehe tsíndáchrua mé tjechónxini.

Sátjikoáni ti nti̱a kuèntá éxi ti nkehe tsíkéto̱an la imá chrókóchéhe̱ni.

Itꞌéni Díos, tjàkua ti nti̱a kuèntá éxi ti tsíkéto̱an. Tjinkaoni chrókjuínchexiteyáni hasta tsjixixín.

A̱ndá ijie imá tsjánkani la tjoté a̱séni. Tjínki̱tsa kixin ndoá chrókjuákꞌeni éxi tsíndáchroa.

Méxra̱ jeheni imá tjue̱heni ti nkehe tsíkéto̱an. Kaín ña̱o tjenka̱yáxini tíha.