Adnodau Beiblaidd Poblogaidd o I Kôrantô 15

Rhanna

Snăn, Ơ phung ayŏng adei kâo khăp, dôk kjăp bĕ, amâo mgei ôh, leh anăn mă bruă êbeh hĭn nanao kơ Khua Yang, kyuadah diih thâo leh bruă diih mă hlăm Khua Yang amâo jing hơăi mang ôh.

Ƀiădah bi mni kơ Aê Diê, Pô brei kơ drei klei dưi hlăm Khua Yang drei Yêsu Krist.

Đăm lĕ hlăm klei mplư: “Phung mah jiăng jhat bi rai knuih jăk.”

Ƀiădah hŏng klei Aê Diê pap kâo jing msĕ si kâo jing anei, leh anăn klei Ñu pap kơ kâo amâo jing hơăi mang ôh. Ƀiădah kâo mă bruă suăi hĭn kơ jih jang diñu, amâo djŏ kâo pô ôh, ƀiădah klei Aê Diê pap dôk mbĭt hŏng kâo.

Ơ klei djiê, ti klei ŏng dưi? Ơ klei djiê, ti ênuč ŏng?” Ênuč klei djiê jing klei soh, leh anăn klei myang kơ klei soh jing klei bhiăn.

Nĕ anei, kâo hưn klei hgăm kơ diih: drei amâo srăng djiê jih ôh, ƀiădah jih jang drei srăng mâo klei bi mlih, bhiâo riâo rit msĕ si kđhĭt ală, êjai hmư̆ asăp ki knhal tuč. Hlăk anăn phung djiê srăng kbiă lŏ hdĭp amâo lŏ thâo brŭ rai ôh, leh anăn drei srăng mâo klei bi mlih.

Kyuadah klei djiê truh leh mơ̆ng sa čô mnuih, msĕ snăn mơh klei kbiă lŏ hdĭp mơ̆ng phung djiê truh leh mơ̆ng sa čô mnuih. Kyuadah msĕ si hlăm Y-Ađam jih jang djiê, msĕ snăn mơh jih jang srăng kbiă lŏ hdĭp hlăm Krist.

Kyuadah asei mlei thâo brŭ rai anei srăng hơô asei mlei amâo thâo brŭ rai ôh; leh anăn asei mlei thâo djiê anei srăng hơô asei mlei amâo thâo djiê ôh.

Kyuadah Ñu srăng kiă kriê tơl Aê Diê dưm jih jang phung roh Ñu ti gŭ jơ̆ng Ñu. Pô roh knhal tuč Ñu srăng bi rai jing klei djiê.