Adnodau Beiblaidd Poblogaidd o Y Salmau 146

Rhanna

Y pryd hwn gwyn ei fyd efo a rotho ei holl obaith Ar Dduw Jaco yn gymorth da, pan el oddi yma ymaith.

Na wnech hyder ar dwysogion, nac ar blant dynion bydol: Am nad oes ynddynt hwy i gyd, na help nac iechyd nerthol.

Yr hwn i’r gwael a rydd farn dda, a bara i’r newynllyd, Fe ollwng Duw y rheidus gwâr, o’i garchar ac o’i gaethfyd. Yr Arglwydd egyr llygaid dall, ef a dyr wall gwael ddynion: Ymgleddu’r gwan mae’n Harglwydd ni, a hoffi y rhai cyfion.

Hwn Dduw a wnaeth nef, dayar, mor, a’r holl ystor sydd ynthynt: Hwn a saif yn ei wir ei hun, pryd na bo un ohonynt.

Dieithraid, a’r ymddifad gwan, a’r weddw druan unig, Duw a’i pyrth: ond dyrysu wnai holl ffyrdd pob rhai cythreulig