Adnodau Beiblaidd Poblogaidd o Mak 8

Rhanna

If enibodi jinggabat imselp blanga seibum im ron laif, wal wen im dai, im garra dai olagijawan. Bat if enibodi lujim im laif blanga mi en blanga det gudnyus, wal nomeda im dai, bat stil God garra meigim im jidan laibala olagijawan.

Im nogud blanga enibodi if im hipimapbat detmatj enijing blanga imselp iya langa dijan wel en lujim im laif, dumaji wen im lujim im laif, im kaan yusum detlot enijing blanga gedimbek im laif.

Afta na Jisas bin jingat langa najalot pipul blanga kaman langa im en im wekinmen olabat, en imbin tok langa olabat na, “If enibodi wandi kaman langa mi, wal im kaan jinggabat imselp. Im garra jidan redi blanga dai blanga mi, en im garra bulurrum mi.

Im nogud blanga enibodi if im hipimapbat detmatj enijing blanga imselp iya langa dijan wel en lujim im laif, dumaji wen im lujim im laif, im kaan yusum detlot enijing blanga gedimbek im laif. If enibodi sheim langa mi en nomo dalimbat det gudnyus langa ol detlot pipul hubin tenawei brom God, wal ai garra sheim langa olabat du wen ai garra kambek garram det brabli shainiwan lait main, garram ola einjul en garram detmatj pawa brom main Dedi.”

Wal Jisas bin askim olabat, “Wal wotabat yumob? Hu yumob reken mi?” Wal Pida bin tok, “Yu na Krais, det Boswan gulum Masaiya weya God bin jandim.”