Mai Brat: Watum ro Tuhan Bosi ro Tna (New Testament+)

© 2005 Wycliffe Bible Translators, Inc. in cooperation with Yayasan Sumber Sejahtera, 2005
℗ 2021 Hosanna

Watum ro Tuhan Bosi ro Tna

<div class="version vid2398 iso6393ayz" data-vid="2398" data-iso6393="ayz">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s">Raa ro furere bo manaf mam armato</div><div class="p"> 1Yesus ykyas bo mam maru ro Galilea u. Raa msis-sas mama mros mur mtan k&#700;ait. Ymat feto, tibyo yaut hre mam wiak mato. Tna raa msis-sas weto mros mam maru maam mari bo ro Yesus ykyas. 2Tna Ait ykyas bo mawat k&#700;ana mkah bofret yawe, 3&#8220;Nri! Raa sait yno armato rait sau. Tna ait yamo furere bobat manaf (benih). 4Ait furere bo to, bo manaf taro mbtek mam iso. Tibyo bo manaf weto to, ruu mama mame mkak. 5Tna taro to, mbtek aby&#245; mam tabam ro fraa mhau wa mte. Tna mtis mame tabam kaket fee. Tibyo bobat weto moo fooh sai. 6Menohe ay&#245; mo maut mafit to, mrok hroyoh. Mtis moo mame tabam kaket fee, tibyo mrok samer. 7Tna taro naut btek ye mam wore wo hyoh muuf. Tna hyoh muuf weto mo betru kait. Tibyo make fee. 8Tna taro mbtek mam tabam ro mamos. Tna mo maut. Tibyo make sarer toni: Bo manaf sau-sau rau to, make trion 30 bo feto. Taro to, make rau trion 60 bo feto. Tna taro to, make rau trion 100 bo feto.&#8221; 9Tna Yesus yawe, &#8220;Anu ro nri bokyas reto oh to, nnaut kaket!&#8221;</div><div class="s">Yesus beto bofret maja rau</div><div class="p"> 10Yesus yasen yamo. Tna raa ro ja kro Ait msya kuber wAit mabo 12 to, ana mama mo k&#700;Ait. Tna mawe, &#8220;Bawya oh mi ny&#245; nkyas bofret reto to? Sik betoo maja rau.&#8221; 11Tna Ait yawe k&#700;ana yawe, &#8220;Anu to ja J&#245; tkyas bo aby&#245; k&#700;anu. Raa mana ro Allah yamo Raja ybo to, maja rau baro to, raa wase fares. Maja rau weto, Allah ksoh re anu nhar kaket. Menohe raa ro mne ja hawe mari J&#245;. J&#245; tkyas bofret k&#700;ana tna ana mfot bo ro tawe fee. 12J&#245; tkyas bo k&#700;raa makin mkah bofret sai afo re bo ro tiwya Allah yawe mai k&#700;ana kbe mabo. Nabi Yesaya tiwya ykyas raa wefo ykom yawe:</div><div class="q1">&#8216;Raa kbe mmat bo yoyo menohe ana wase bo ro ana mmat reto. Ana mari bo yoyo menohe ana mfot bo ro ana mari reto fee. Tibyo ana mashana fee, tna re Allah yyon iro wana fee ye.&#8217;&#8221;</div><div class="qr">Yesaya 6:9-10</div><div class="p"> 13Yesus yawe k&#700;ana yawe, &#8220;Anu nfot bofret reto fefares a? Fyi re kbe anu nsrau bofret roto to? Nri oh; J&#245; betoo bofret maja rau k&#700;anu: 14Bofret bi ro furere bo manaf (benih) to, mkyas Bokyas ro Allah. 15Bo manaf ro mbtek mam iso to, mkyas mawe raa ro mama mari Bokyas ro Allah. Mari menohe kabes yabi (Iblis) yama tna safto bokyas mbam k&#700;ana mhaf wana. 16Tna tkyas bo manaf ro mbtek aby&#245; mam tabam ro fraa mhau wa mte: Bo manaf weto to, mkyas mawe raa ro mari Watum ro Allah si fo, simaut mase. 17Menohe Bokyas reto ana moo mse mhau mam mhaf mato wana waor sai. Ana mbo matak fee. Raa roto mmat bosmot wana tibyo sikowah ana. Feto tibyo ana mbtek mawe, tna smot Tuhan u fee. Ana weto taro to, bo ro samyoh mama mai k&#700;ana to, tibyo ana mbtek mawe, tna smot Tuhan u fee ye. 18Bo manaf ro mbtek mam hyoh muuf to, mkyas raa ro mari Bokyas ro Allah ye. 19Menohe ana mhau to, mnaut yyi. Tna ana mnaut bosatoh ro moof mam tabam refo sai. Tna ana nksoh mhau moof bana mam tabam refo sai. Bo weto moo ana mhaf re ana mnaut Bokyas ro Allah fee. Tibyo bosmot wana mrok matak fee. Ana tufrok make aro fee ye. 20Tna tkyas bo manaf ro mbtek mam tabam ro mamos: Ana weto to, raa ro mari Bokyas ro Allah reto tna mse k&#700;ana mhaf. Tna tis rau to, kbe make mawat. Tna taro to, make rau trion 30. Tna taro to, make rau trion 60. Tna taro to, make rau trion 100.&#8221;</div><div class="s">Yesus yawe, &#8220;Nmy&#245;t Watum ro Allah ma.&#8221;</div><div class="p"> 21Tna Yesus yawe k&#700;ana yawe, &#8220;Ja raa mbet tafoh (pelita) afo re ntara raa mam amah mato. Raa moo mse mte tna moo ember burut wa fee. Tna raa mmy&#245;t wai mam ambar ro mjin mte to fee ye. Menohe tafoh reto to, ja raa hero aby&#245; afo re kbe kek ntara raa mam amah mato reto. 22Bo bawya ro raa mmy&#245;t to, meen raa masbrah. Tna soh raa mber bo ro mkair aro to, meen raa masbrer ye. 23Awya ro yari bo ro J&#245; tkyas refo, rau ro moof to, kbe srau ynaut ye. 24Nri oh! Soh anu nri bo wefo kaket to, kbe Allah yno anu srau nnaut bo kaket ye. Tna soh anu nri J&#245; kaket fee, kbe Allah yno anu srau nnaut bo wefo kaket fee ye. 25Awya ro yari tna ybo yno to, kbe Allah yno re ait retait yasu maah. Menohe awya ro yari tna hawe yse mam yhaf mato kaket to, kbe Allah yno re bohar rait to mabuf sai.&#8221;</div><div class="s">Meen Allah yama ybo raa wAit ati ro Ait ksoh sai</div><div class="p"> 26Yesus yawe u yawe, &#8220;Allah yamo Raja ybo raa mana rAit to, yfi raa ro furere bo manaf (benih) mam armato rait. 27Ait furere, tna mti to ait yjin, tna reen to ait yrok yasen. Ait kmot bo manaf weto yoyo fee. Kbe bo weto mesait mo ai sai tibyo mrok mase ye. Menohe raa retait wase maja ro bo manaf mo mesait tna mrok mase weto ye. 28Tabam mesait oh mi mno re bo make to. Tinyi rau to kmoh mo maut tna mse mata msya kre tna mse make. 29Ati ro bo make weto manes to raa retait yryoh sai. Feto mnan fi Allah yama ybo raa wAit ati ro Ait ksoh sai.&#8221;</div><div class="s">Raa ro Allah ybo to ana masen rembes</div><div class="p"> 30Tna Yesus yawe u yawe, &#8220;Raa mana ro Allah yamo Raja ybo to, kbe mnan fi bo bawya? Tkyas bofret bawya naut re kbe anu nhar bo maja rau? 31Raa mana ro Allah rAit to, mfi bo manaf (benih) ro maku sau. Tna bo manaf roto taro to, makan rau to mase baro ye. Tna raa sait yoo bo manaf ro maku reto tna furere mam armato rait. 32Menohe ati ro bo manaf reto mo to, mrok mase miwrek bosafom roto taro ye. Tibyo ruu ro mfru mam ayoh to, mama mbo mam ara reto kre ye.&#8221;</div><div class="p"> 33Yesus ykyas Watum ro Allah k&#700;ana mkah bofret mawat. Ait yhar ana mtai mfot watum rAit beta fee. Feto to Ait ykyas bo k&#700;ana mamo snok mam wore ana mari tna srau mnaut sai, tna fo Ait bitsre mam weto. 34Ait ja ykyas k&#700;ana mkah bofret sai. Tna Ait betoo bofret maja weto kuber wAit mesait kar mam yuk roto hayah.</div><div class="s">Yesus bhah foos mnem</div><div class="p"> 35Mam ay&#245; ro hreha reto to, Yesus yawe kuber wAit yawe, &#8220;Nma anu buut wiak frit bmo&#700;t maru refo ati tino.&#8221; 36Tibyo ana msya Yesus maut wiak sau sikba raa makin weto mamo. Tna raa roto taro maut wiak roto baro to, kro mamo ye. 37Ana mamo, mamo tna foos ro msai frok tubor mama mai wiak rana. Tna figy&#245;m mase mai maut mam wiak mato ye, tna mabo kait ana beta. 38Yesus Ait yjin tu mam wiak tis. Tna kuber wAit mti Ait mawe, &#8220;Guru; fyi kbe Ny&#245; say&#245; anu bsu a?&#8221; 39Yesus yrok yasen tna yifah foos msya figy&#245;m weto yawe, &#8220;Nnem oh!&#8221; Tibyo foos reto mrok mnem. Tna maru reto mrok snef u. 40Yesus ytu kuber wAit yawe, &#8220;Fyi re anu waa to? Anu smot J&#245; fe mfefares a?&#8221; 41Ana mrok waa toni tna mtu k&#700;anya mawe, &#8220;Bi Ait refi yatak yifah foos msya figy&#245;m wefo mari. Bi Ait refi fi awya mefi ee?&#8221;</div>
 </div>
 </div>
</div>

Yesus ykyas bo mam maru ro Galilea u. Raa msis-sas mama mros mur mtan kʼait. Ymat feto, tibyo yaut hre mam wiak mato. Tna raa msis-sas weto mros mam maru maam mari bo ro Yesus ykyas. Tna Ait ykyas bo mawat kʼana mkah bofret yawe, “Nri! Raa sait yno armato rait sau. Tna ait yamo furere bobat manaf (benih) . Ait furere bo to, bo manaf taro mbtek mam iso. Tibyo bo manaf weto to, ruu mama mame mkak. Tna taro to, mbtek abyõ mam tabam ro fraa mhau wa mte. Tna mtis mame tabam kaket fee. Tibyo bobat weto moo fooh sai. Menohe ayõ mo maut mafit to, mrok hroyoh. Mtis moo mame tabam kaket fee, tibyo mrok samer. Tna taro naut btek ye mam wore wo hyoh muuf. Tna hyoh muuf weto mo betru kait. Tibyo make fee. Tna taro mbtek mam tabam ro mamos. Tna mo maut. Tibyo make sarer toni: Bo manaf sau-sau rau to, make trion 30 bo feto. Taro to, make rau trion 60 bo feto. Tna taro to, make rau trion 100 bo feto.” Tna Yesus yawe, “Anu ro nri bokyas reto oh to, nnaut kaket!”

Yesus yasen yamo. Tna raa ro ja kro Ait msya kuber wAit mabo 12 to, ana mama mo kʼAit. Tna mawe, “Bawya oh mi nyõ nkyas bofret reto to? Sik betoo maja rau.” Tna Ait yawe kʼana yawe, “Anu to ja Jõ tkyas bo abyõ kʼanu. Raa mana ro Allah yamo Raja ybo to, maja rau baro to, raa wase fares. Maja rau weto, Allah ksoh re anu nhar kaket. Menohe raa ro mne ja hawe mari Jõ. Jõ tkyas bofret kʼana tna ana mfot bo ro tawe fee. Jõ tkyas bo kʼraa makin mkah bofret sai afo re bo ro tiwya Allah yawe mai kʼana kbe mabo. Nabi Yesaya tiwya ykyas raa wefo ykom yawe:
‘Raa kbe mmat bo yoyo menohe ana wase bo ro ana mmat reto. Ana mari bo yoyo menohe ana mfot bo ro ana mari reto fee. Tibyo ana mashana fee, tna re Allah yyon iro wana fee ye.’”
Yesaya 6:9-10
Yesus yawe kʼana yawe, “Anu nfot bofret reto fefares a? Fyi re kbe anu nsrau bofret roto to? Nri oh; Jõ betoo bofret maja rau kʼanu: Bofret bi ro furere bo manaf (benih) to, mkyas Bokyas ro Allah. Bo manaf ro mbtek mam iso to, mkyas mawe raa ro mama mari Bokyas ro Allah. Mari menohe kabes yabi (Iblis) yama tna safto bokyas mbam kʼana mhaf wana. Tna tkyas bo manaf ro mbtek abyõ mam tabam ro fraa mhau wa mte: Bo manaf weto to, mkyas mawe raa ro mari Watum ro Allah si fo, simaut mase. Menohe Bokyas reto ana moo mse mhau mam mhaf mato wana waor sai. Ana mbo matak fee. Raa roto mmat bosmot wana tibyo sikowah ana. Feto tibyo ana mbtek mawe, tna smot Tuhan u fee. Ana weto taro to, bo ro samyoh mama mai kʼana to, tibyo ana mbtek mawe, tna smot Tuhan u fee ye. Bo manaf ro mbtek mam hyoh muuf to, mkyas raa ro mari Bokyas ro Allah ye. Menohe ana mhau to, mnaut yyi. Tna ana mnaut bosatoh ro moof mam tabam refo sai. Tna ana nksoh mhau moof bana mam tabam refo sai. Bo weto moo ana mhaf re ana mnaut Bokyas ro Allah fee. Tibyo bosmot wana mrok matak fee. Ana tufrok make aro fee ye. Tna tkyas bo manaf ro mbtek mam tabam ro mamos: Ana weto to, raa ro mari Bokyas ro Allah reto tna mse kʼana mhaf. Tna tis rau to, kbe make mawat. Tna taro to, make rau trion 30. Tna taro to, make rau trion 60. Tna taro to, make rau trion 100.”

Tna Yesus yawe kʼana yawe, “Ja raa mbet tafoh (pelita) afo re ntara raa mam amah mato. Raa moo mse mte tna moo ember burut wa fee. Tna raa mmyõt wai mam ambar ro mjin mte to fee ye. Menohe tafoh reto to, ja raa hero abyõ afo re kbe kek ntara raa mam amah mato reto. Bo bawya ro raa mmyõt to, meen raa masbrah. Tna soh raa mber bo ro mkair aro to, meen raa masbrer ye. Awya ro yari bo ro Jõ tkyas refo, rau ro moof to, kbe srau ynaut ye. Nri oh! Soh anu nri bo wefo kaket to, kbe Allah yno anu srau nnaut bo kaket ye. Tna soh anu nri Jõ kaket fee, kbe Allah yno anu srau nnaut bo wefo kaket fee ye. Awya ro yari tna ybo yno to, kbe Allah yno re ait retait yasu maah. Menohe awya ro yari tna hawe yse mam yhaf mato kaket to, kbe Allah yno re bohar rait to mabuf sai.”

Yesus yawe u yawe, “Allah yamo Raja ybo raa mana rAit to, yfi raa ro furere bo manaf (benih) mam armato rait. Ait furere, tna mti to ait yjin, tna reen to ait yrok yasen. Ait kmot bo manaf weto yoyo fee. Kbe bo weto mesait mo ai sai tibyo mrok mase ye. Menohe raa retait wase maja ro bo manaf mo mesait tna mrok mase weto ye. Tabam mesait oh mi mno re bo make to. Tinyi rau to kmoh mo maut tna mse mata msya kre tna mse make. Ati ro bo make weto manes to raa retait yryoh sai. Feto mnan fi Allah yama ybo raa wAit ati ro Ait ksoh sai.”

Tna Yesus yawe u yawe, “Raa mana ro Allah yamo Raja ybo to, kbe mnan fi bo bawya? Tkyas bofret bawya naut re kbe anu nhar bo maja rau? Raa mana ro Allah rAit to, mfi bo manaf (benih) ro maku sau. Tna bo manaf roto taro to, makan rau to mase baro ye. Tna raa sait yoo bo manaf ro maku reto tna furere mam armato rait. Menohe ati ro bo manaf reto mo to, mrok mase miwrek bosafom roto taro ye. Tibyo ruu ro mfru mam ayoh to, mama mbo mam ara reto kre ye.”
Yesus ykyas Watum ro Allah kʼana mkah bofret mawat. Ait yhar ana mtai mfot watum rAit beta fee. Feto to Ait ykyas bo kʼana mamo snok mam wore ana mari tna srau mnaut sai, tna fo Ait bitsre mam weto. Ait ja ykyas kʼana mkah bofret sai. Tna Ait betoo bofret maja weto kuber wAit mesait kar mam yuk roto hayah.

Mam ayõ ro hreha reto to, Yesus yawe kuber wAit yawe, “Nma anu buut wiak frit bmoʼt maru refo ati tino.” Tibyo ana msya Yesus maut wiak sau sikba raa makin weto mamo. Tna raa roto taro maut wiak roto baro to, kro mamo ye. Ana mamo, mamo tna foos ro msai frok tubor mama mai wiak rana. Tna figyõm mase mai maut mam wiak mato ye, tna mabo kait ana beta. Yesus Ait yjin tu mam wiak tis. Tna kuber wAit mti Ait mawe, “Guru; fyi kbe Nyõ sayõ anu bsu a?” Yesus yrok yasen tna yifah foos msya figyõm weto yawe, “Nnem oh!” Tibyo foos reto mrok mnem. Tna maru reto mrok snef u. Yesus ytu kuber wAit yawe, “Fyi re anu waa to? Anu smot Jõ fe mfefares a?” Ana mrok waa toni tna mtu kʼanya mawe, “Bi Ait refi yatak yifah foos msya figyõm wefo mari. Bi Ait refi fi awya mefi ee?”

Gwranda ar Markus 4