ܣܶܦܪܳܐ ܕܡܰܦܩܳܢܳܐ 5
5
1ܘܒ݄ܬ̥݄ܪ ܡܰܗ̄ܢܺܝ، ܥܰܒܺܝܪܺܝ ܡܽܘܫܶܐ ܘܰܐܗܪܽܘܢ ܘܐܡ݄ܪّܶܗ ܠܦܶܪܥܽܘܢ: ”ܗܰܘܟ̥ܰܐ ܟܳܐܡ݄ܪ ܡܳܪܝܳܐ ܐܰܠܳܗܳܐ ܕܺܐܝܣܪܳܐܶܝܠ: ܡܫܰܕ݄ܪ ܗ̄ܽܘ ܥܰܡܰܝܕ̥ܺܝ ܕ݄ܡܥܰܝܕ̥ܺܝ ܠܺܝ ܒܽܗ̄ܘ ܡܰܕ̥݄ܒܪܳܐ.“ 2ܘܐܡ݄ܪ ܠܶܗ ܦܶܪܥܽܘܢ: ”ܡܰܢܝܳܐ ܡܳܪܝܳܐ ܕܫܳܡܰܥ ܐ̱ܢܳܐ ܠܩܳܠܶܗ ܘ݄ܡܫܰܕܰܪ ܐ̱ܢܳܐ ܠܺܐܝܣܪܳܐܶܝܠ؟ ܠ݄ܐ ܟܳܐܕ̥ܰܥ ܐ̱ܢܳܐ ܠܡܳܪܝܳܐ، ܘܠܺܐܝܣܪܳܐܶܝܠ ܠ݄ܐ ܓ݄ܡܫܰܕܰܪ ܐ̱ܢܳܐ.“ 3ܘܐܡ݄ܪّܶܗ: ”ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ ܓܠܶܐ ܐܰܥܠܰܢ ܕ݄ܐܙّܰܢ ܗܰܠܟ̥ܳܐ ܕ݄ܬܠܳܬ̥ܳܐ ܝܰܘܡ̈ܶܐ ܒܽܗ̄ܘ ܡܰܕ̥݄ܒܪܳܐ، ܘ݄ܡܕܰܒܚܺܝܢܰܐ ܕܶܒܚ̈ܶܐ ܠܡܳܪܝܳܐ ܐܰܠܳܗܰܝܕ̥ܰܢ ܕܠܳܐ ܢܳܦ݄ܩ ܩܰܕ̱ܡܽܘܬ̥ܰܢ ܒܽܗ̄ܘ ܣܰܝܦܳܐ ܐܰܘ ܒܽܗ̄ܘ ܡܰܘܬܳܐ.“ 4ܘܐܡ݄ܪ ܠܶܗ ܐܰܠّܶܗ ܗ̄ܽܘ ܡܰܠܟܳܐ ܕܡܶܨܪܶܝܢ: ”ܠܡ݄ܢ ܝܰܐ ܡܽܘܫܶܐ ܘܝܰܐ ܐܰܗܪܽܘܢ ܟܳܡܒܰܛܠܺܝܬܽܘ ܗ̄ܽܘ ܥܰܡܳܐ ܡܽܗ̄ܘ ܥܒ̥ܳܕܰܝܕ̥ܶܗ؟ ܙܳܟ̥ܽܘ ܠܽܗ̄ܘ ܫܽܘܥܒܳܕ̥ܰܬ̥ܟ̥ܽܘ.“ 5ܘܐܡ݄ܪ ܠܰܗ ܠّܶܗ ܦܶܪܥܽܘܢ: ”ܟܰܐܠܶܗ ܓ̥ܰܠܰܒܶܐ ܝܳܐ ܐܳܥܕܳܐ ܗ̄ܽܘ ܥܰܡܳܐ ܕܺܗ̄ܝ ܐܰܪܥܳܐ. ܘܗܰܬܽܘ ܟܳܡܒܰܛܠܺܝܬܽܘܢّܶܗ ܡܽܗ̄ܘ ܥܒ̥ܳܕܰܬّ̥ܶܗ.“
6ܘܒܽܗ̄ܘ ܝܰܘܡܰܘܳܐ، ܗܽܒ̥ ܠܶܗ ܦܶܪܥܽܘܢ ܦܽܘܩܕܳܢܳܐ ܠܰܫّܰܠܺܝ̈ܛܶܐ ܕܽܗ̄ܘ ܥܰܡܳܐ ܘܠܰܟّܰܬ̥ܳܒ̥̈ܶܐ، ܘܐܡ݄ܪ ܠܰܗ ܠّܶܗ: 7”ܠܳܐ ܕܳܥܪܺܝܬܽܘ ܗ̄ܳܒܺܝܬܽܘ ܬܰܒ̥ܢܳܐ ܠܽܗ̄ܘ ܥܰܡܳܐ ܕܣܰܝܡܺܝ ܠܶܒܢ̈ܶܐ ܐܟ̥ ܕܰܐܬ̥ܡ݄ܠ ܘܐܟ̥݄ ܕܒܽܝ̱ܘܡ ܚܪܶܢܳܐ. ܗ݄ܢّܶܝ ܛܪܳܐ ܐܙّ݄ܢ ܡܰܠܺܝܡ݄ܢّܶܗ ܬܰܒ̥ܢܳܐ. 8ܘܽܗ̄ܘ ܡܶܢܝܳܢܳܐ ܕܰܠّܶܒܢ̈ܶܐ ܕܣܰܝܡܺܝ ܗ̄ܘܰܘ̱ ܐܟ̥ ܕܰܐܬ̥ܡ݄ܠ ܘܐܟ̥݄ ܕܒܽܝ̱ܘܡ ܚܪܶܢܳܐ ܛܪܳܐ ܣܰܝܡܺܝ ܠܶܗ ܘܗܰܘܟ̥ܰܐ ܡܚܰܫܶܒ̥ܽܘܢّܶܗ. ܘܠܳܐ ܡܰܢ݄ܩܨܺܝܬܽܘ ܡ݄ܢّܶܗ. ܥܰܠ ܕܟ݄ܬܢܶܝ ܒܰܛܺܝ̈ܠܶܐ ܡܰܗ̄ܘܟ̥ܰܐ ܟ݄ܡܛܰܪܛܡܺܝ ܘܟ݄ܐܡّܺܪ̱ܝ: ܓܕ݄ܐܙّ݄ܢ ܡܕܰܒܚܺܝܢܰܐ ܠܰܐܠܳܗܰܝܕ̥ܰܢ. 9ܛܪܳܐ ܝܳܩ݄ܪ ܗ̄ܽܘ ܥܒ̥ܳܕܳܐ ܥܰܠ ܗ̄ܰܓّܰܒ̥ܪ̈ܶܐ ܘܡܰܚܬܺܝ ܒܳܠܰܝّܶܗ ܐܶܒܶܗ، ܘܠܳܐ ܡܰܚܬܺܝ ܒܳܠܰܝّܶܗ ܒܡܰܐܡܪ̈ܶܐ ܒܰܛܺܝ̈ܠܶܐ.“ 10ܘܢܰܦܺܝܩܺܝ ܗ̄ܰܫّܰܠܺܝ̈ܛܶܐ ܕܽܗ̄ܘ ܥܰܡܳܐ ܘܰܟّܰܬ̥ܳܒ̥̈ܰܝܕ̥ܶܗ ܘܐܡ݄ܪّܶܗ ܠܽܗ̄ܘ ܥܰܡܳܐ: ”ܗܰܘܟ̥ܰܐ ܟܳܐܡ݄ܪ ܦܶܪܥܽܘܢ: ܠ݄ܐ ܟܳܗ̄ܒܶܐ ܐ̱ܢܳܐ ܠܟ̥ܽܘ ܬܰܒ̥ܢܳܐ. 11ܗܰܬܽܘ ܙܳܟ̥ܽܘ ܡܰܠܶܡܽܘ ܠܟ̥ܽܘ ܬܰܒ̥ܢܳܐ ܡܰܐܝܟܳܐ ܕܚܳܙܺܝܬܽܘ، ܘܡܶܕܶܐ ܠ݄ܐ ܟܳܗ̄ܘܶܐ ܕܢܳܩ݄ܨ ܡܽܗ̄ܘ ܥܒ̥ܳܕܰܬ̥ܟ̥ܽܘ.“
12ܘ݄ܡܒܰܪܒ݄ܙ ܗ̄ܽܘ ܥܰܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ ܕܡܰܠܬ݄ܡ ܩܫܰܫܬܳܐ ܕܬܰܒ̥ܢܳܐ. 13ܘܰܫّܰܠܺܝ̈ܛܶܐ ܡܰܥܺܝܩܺܝ ܗ̄ܘܰܘ̱ ܐܰܥܠܰܝّܶܗ ܘ݄ܐܡّܺܪ̱ܝ ܗ̄ܘܰܘ̱: ”ܡܰܬܶܡܽܘ ܗ̄ܽܘ ܥܒ̥ܳܕܰܬ̥ܟ̥ܽܘ ܐܟ̥ ܕܟܘ̇ܠ ܙܰܒܢܳܐ، ܐܟ̥ ܕܺܗ̄ܝ ܢܰܩܠܐ ܕܡܺܝܬܰܗܒ̥ܶܐ ܗ̄ܘܰܐ ܠܟ̥ܽܘ ܬܰܒ̥ܢܳܐ.“ 14ܘ݄ܡܚ݄ܢ ܗ̄ܰܟّܰܬ̥ܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܗܰܢܺܝ ܕܡܰܩ݄ܡّܶܗ ܐܰܥܠܰܝّܶܗ ܗ̄ܰܫّܰܠܺܝ̈ܛܶܐ ܕܦܶܪܥܽܘܢ، ܘܐܡ݄ܪّܶܗ: ”ܠܡ݄ܢ ܠܳܐ ܡܰܬ݄ܡܟ̥ܽܘ ܗ̄ܽܘ ܚܫܳܒ̥ܰܬ̥ܟ̥ܽܘ ܕܰܠّܶܒܢ̈ܶܐ ܐܟ̥ ܕܰܐܬ̥ܡ݄ܠ ܘܐܟ̥݄ ܕܒܽܝ̱ܘܡ ܚܪܶܢܳܐ، ܘܰܐܬ̥ܡ݄ܠ ܘܰܐܕܝܰܘܡܰܐ؟“ 15ܘܰܐܬ̥݄ܢ ܗ̄ܰܟّܰܬ̥ܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܘܡܰܫܟܰܠّܶܗ ܩ݄ܕ̱ܡ ܦܶܪܥܽܘܢ ܘܐܡ݄ܪّܶܗ: ”ܠܡ݄ܢ ܗܰܘܟ̥ܰܐ ܟܡܺܝܣ݄ܡ ܠܰܓܪ̈ܶܝܥܰܝܕ̥ܳܟ̥؟ 16ܬܰܒ̥ܢܳܐ ܠ݄ܐ ܓܡܺܝܬܰܗܒ̥ܶܐ ܠܰܓܪ̈ܶܝܥܰܝܕ̥ܳܟ̥، ܘܟ݄ܐܡّܺܪ̱ܝ ܠܰܢ ܣܽܘܡܽܘ ܠܶܒܢ̈ܶܐ. ܘܟܰܐܠ݄ܢ ܗ̄ܰܓܪ̈ܶܝܥܰܝܕ̥ܳܟ̥ ܟܳܡ݄ܡܚ݄ܢ، ܘܗܰܬ ܟܚܳܛܰܬ ܥܰܠ ܗ̄ܽܘ ܥܰܡܰܝܕ̥ܳܟ̥.“ 17ܘܐܡ݄ܪ ܠܰܗ ܠّܶܗ ܦܶܪܥܽܘܢ: ”ܒܰܛܺܝ̈ܠܶܐ ܗܰܬܽܘ، ܡܰܗ̄ܘܟ̥ܰܐ ܟܳܐܡّܺܪ̱ܝܬܽܘ ܓܕ݄ܐܙّܰܢ ܡܕܰܒܚܺܝܢܰܐ ܠܡܳܪܝܳܐ. 18ܐܳܥܕܳܐ ܙܳܟ̥ܽܘ ܥܒ̥ܰܕܽܘ، ܘܬܰܒ̥ܢܳܐ ܠ݄ܐ ܓܡܺܝܬܰܗܒ̥ܰܠܟ̥ܽܘ، ܘܽܗ̄ܘ ܚܫܳܒ̥ܳܐ ܕܰܠّܶܒܢ̈ܶܐ ܓܕܳܗ̄ܒܺܝܬܽܘ.“
19ܘ݄ܚܙܰܠّܶܗ ܗ̄ܰܟّܰܬ̥ܳܒ̥̈ܶܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܰܥܺܝܩ̈ܶܐ، ܘܐܡ݄ܪّܰܢّܶܗ: ”ܠܳܐ ܡܰܢ݄ܩܨܺܝܬܽܘ ܡܰܢ̱ ܠّܶܒܢ̈ܶܐ ܕ݄ܟܣܰܝܡܺܝܬܽܘ، ܐܶܠܳܐ ܐܟ̥ ܕ݄ܒܟܘ̇ܠ ܝܰܘܡܳܐ.“ 20ܘ݄ܬܦܺܝܩܺܝ ܒܡܽܘܫܶܐ ܘܒܰܐܗܪܽܘܢ ܘܗ݄ܢّܶܝ ܩܺܝܡ̈ܶܐ ܡܩܰܒ݄ܠ ܕ݄ܬّ̥ܶܗ ܗ̄ܺܝ ܢܰܩܠܐ ܕܢܰܦܺܝܩܺܝ ܡܶܢ̱ ܩܽܘܕ̱ܡܶܗ ܕܦܶܪܥܽܘܢ. 21ܘܐܡ݄ܪّܰܢّܶܗ: ”ܐܰܠܳܗܳܐ ܚܳܙܶܐ ܘܕܳܝܰܢܟ̥ܽܘ ܥܰܠ ܕܣ݄ܡܟ̥ܽܘ ܠܰܢ ܒܺܝܫ̈ܶܐ ܒܥܰܝܢ̈ܶܐ ܕܦܶܪܥܽܘܢ ܘ݄ܒܥܰܝܢ̈ܶܐ ܕܰܓܪ̈ܶܝܥܰܝܕ̥ܶܗ، ܕܗܽܒ̥ܟ̥ܽܘ ܠܰܢ ܠܽܗ̄ܘ ܣܰܝܦܳܐ ܒܺܐܝܕ̥̈ܳܬ̥ܰܝّܶܗ ܕܩܳܛܠܺܝ ܠܰܢ.“
22ܘܕܰܥ݄ܪ ܡܽܘܫܶܐ ܠܡܳܪܝܳܐ ܘܐܡ݄ܪ ܠܶܗ: ”ܡܳܪܝ̱، ܠܡ݄ܢ ܡܰܝܬܶܐ ܠܳܟ̥ ܒܺܝܫܬܳܐ ܥܰܠ ܗ̄ܽܘ ܥܰܡܰܢܳܐ؟ ܘ݄ܠܡ݄ܢ ܡܫܰܕܰܪ ܠܳܟ̥ ܠܺܝ؟ 23ܕܡܺܗ̄ܝ ܫܳܥܬܳܐ ܕܰܐܬ̥ܺܝ ܐ̱ܢܳܐ ܠܓܰܒ ܦܶܪܥܽܘܢ ܕܡ݄ܫܓ̥ܰܠ ܐ̱ܢܳܐ ܒ݄ܐܫܡܳܟ̥، ܒܺܝܫܬܳܐ ܐܰܬ̥ܺܝ ܥܰܠ ܗ̄ܽܘ ܥܰܡܰܢܳܐ، ܘܦܽܘܪܩܳܢܳܐ ܠܳܐ ܦܪ݄ܩ ܠܳܟ̥ ܗ̄ܽܘ ܥܰܡܰܝܕ̥ܳܟ̥.“
Právě zvoleno:
ܣܶܦܪܳܐ ܕܡܰܦܩܳܢܳܐ 5: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 5
5
1ܘܒ݄ܬ̥݄ܪ ܡܰܗ̄ܢܺܝ، ܥܰܒܺܝܪܺܝ ܡܽܘܫܶܐ ܘܰܐܗܪܽܘܢ ܘܐܡ݄ܪّܶܗ ܠܦܶܪܥܽܘܢ: ”ܗܰܘܟ̥ܰܐ ܟܳܐܡ݄ܪ ܡܳܪܝܳܐ ܐܰܠܳܗܳܐ ܕܺܐܝܣܪܳܐܶܝܠ: ܡܫܰܕ݄ܪ ܗ̄ܽܘ ܥܰܡܰܝܕ̥ܺܝ ܕ݄ܡܥܰܝܕ̥ܺܝ ܠܺܝ ܒܽܗ̄ܘ ܡܰܕ̥݄ܒܪܳܐ.“ 2ܘܐܡ݄ܪ ܠܶܗ ܦܶܪܥܽܘܢ: ”ܡܰܢܝܳܐ ܡܳܪܝܳܐ ܕܫܳܡܰܥ ܐ̱ܢܳܐ ܠܩܳܠܶܗ ܘ݄ܡܫܰܕܰܪ ܐ̱ܢܳܐ ܠܺܐܝܣܪܳܐܶܝܠ؟ ܠ݄ܐ ܟܳܐܕ̥ܰܥ ܐ̱ܢܳܐ ܠܡܳܪܝܳܐ، ܘܠܺܐܝܣܪܳܐܶܝܠ ܠ݄ܐ ܓ݄ܡܫܰܕܰܪ ܐ̱ܢܳܐ.“ 3ܘܐܡ݄ܪّܶܗ: ”ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ ܓܠܶܐ ܐܰܥܠܰܢ ܕ݄ܐܙّܰܢ ܗܰܠܟ̥ܳܐ ܕ݄ܬܠܳܬ̥ܳܐ ܝܰܘܡ̈ܶܐ ܒܽܗ̄ܘ ܡܰܕ̥݄ܒܪܳܐ، ܘ݄ܡܕܰܒܚܺܝܢܰܐ ܕܶܒܚ̈ܶܐ ܠܡܳܪܝܳܐ ܐܰܠܳܗܰܝܕ̥ܰܢ ܕܠܳܐ ܢܳܦ݄ܩ ܩܰܕ̱ܡܽܘܬ̥ܰܢ ܒܽܗ̄ܘ ܣܰܝܦܳܐ ܐܰܘ ܒܽܗ̄ܘ ܡܰܘܬܳܐ.“ 4ܘܐܡ݄ܪ ܠܶܗ ܐܰܠّܶܗ ܗ̄ܽܘ ܡܰܠܟܳܐ ܕܡܶܨܪܶܝܢ: ”ܠܡ݄ܢ ܝܰܐ ܡܽܘܫܶܐ ܘܝܰܐ ܐܰܗܪܽܘܢ ܟܳܡܒܰܛܠܺܝܬܽܘ ܗ̄ܽܘ ܥܰܡܳܐ ܡܽܗ̄ܘ ܥܒ̥ܳܕܰܝܕ̥ܶܗ؟ ܙܳܟ̥ܽܘ ܠܽܗ̄ܘ ܫܽܘܥܒܳܕ̥ܰܬ̥ܟ̥ܽܘ.“ 5ܘܐܡ݄ܪ ܠܰܗ ܠّܶܗ ܦܶܪܥܽܘܢ: ”ܟܰܐܠܶܗ ܓ̥ܰܠܰܒܶܐ ܝܳܐ ܐܳܥܕܳܐ ܗ̄ܽܘ ܥܰܡܳܐ ܕܺܗ̄ܝ ܐܰܪܥܳܐ. ܘܗܰܬܽܘ ܟܳܡܒܰܛܠܺܝܬܽܘܢّܶܗ ܡܽܗ̄ܘ ܥܒ̥ܳܕܰܬّ̥ܶܗ.“
6ܘܒܽܗ̄ܘ ܝܰܘܡܰܘܳܐ، ܗܽܒ̥ ܠܶܗ ܦܶܪܥܽܘܢ ܦܽܘܩܕܳܢܳܐ ܠܰܫّܰܠܺܝ̈ܛܶܐ ܕܽܗ̄ܘ ܥܰܡܳܐ ܘܠܰܟّܰܬ̥ܳܒ̥̈ܶܐ، ܘܐܡ݄ܪ ܠܰܗ ܠّܶܗ: 7”ܠܳܐ ܕܳܥܪܺܝܬܽܘ ܗ̄ܳܒܺܝܬܽܘ ܬܰܒ̥ܢܳܐ ܠܽܗ̄ܘ ܥܰܡܳܐ ܕܣܰܝܡܺܝ ܠܶܒܢ̈ܶܐ ܐܟ̥ ܕܰܐܬ̥ܡ݄ܠ ܘܐܟ̥݄ ܕܒܽܝ̱ܘܡ ܚܪܶܢܳܐ. ܗ݄ܢّܶܝ ܛܪܳܐ ܐܙّ݄ܢ ܡܰܠܺܝܡ݄ܢّܶܗ ܬܰܒ̥ܢܳܐ. 8ܘܽܗ̄ܘ ܡܶܢܝܳܢܳܐ ܕܰܠّܶܒܢ̈ܶܐ ܕܣܰܝܡܺܝ ܗ̄ܘܰܘ̱ ܐܟ̥ ܕܰܐܬ̥ܡ݄ܠ ܘܐܟ̥݄ ܕܒܽܝ̱ܘܡ ܚܪܶܢܳܐ ܛܪܳܐ ܣܰܝܡܺܝ ܠܶܗ ܘܗܰܘܟ̥ܰܐ ܡܚܰܫܶܒ̥ܽܘܢّܶܗ. ܘܠܳܐ ܡܰܢ݄ܩܨܺܝܬܽܘ ܡ݄ܢّܶܗ. ܥܰܠ ܕܟ݄ܬܢܶܝ ܒܰܛܺܝ̈ܠܶܐ ܡܰܗ̄ܘܟ̥ܰܐ ܟ݄ܡܛܰܪܛܡܺܝ ܘܟ݄ܐܡّܺܪ̱ܝ: ܓܕ݄ܐܙّ݄ܢ ܡܕܰܒܚܺܝܢܰܐ ܠܰܐܠܳܗܰܝܕ̥ܰܢ. 9ܛܪܳܐ ܝܳܩ݄ܪ ܗ̄ܽܘ ܥܒ̥ܳܕܳܐ ܥܰܠ ܗ̄ܰܓّܰܒ̥ܪ̈ܶܐ ܘܡܰܚܬܺܝ ܒܳܠܰܝّܶܗ ܐܶܒܶܗ، ܘܠܳܐ ܡܰܚܬܺܝ ܒܳܠܰܝّܶܗ ܒܡܰܐܡܪ̈ܶܐ ܒܰܛܺܝ̈ܠܶܐ.“ 10ܘܢܰܦܺܝܩܺܝ ܗ̄ܰܫّܰܠܺܝ̈ܛܶܐ ܕܽܗ̄ܘ ܥܰܡܳܐ ܘܰܟّܰܬ̥ܳܒ̥̈ܰܝܕ̥ܶܗ ܘܐܡ݄ܪّܶܗ ܠܽܗ̄ܘ ܥܰܡܳܐ: ”ܗܰܘܟ̥ܰܐ ܟܳܐܡ݄ܪ ܦܶܪܥܽܘܢ: ܠ݄ܐ ܟܳܗ̄ܒܶܐ ܐ̱ܢܳܐ ܠܟ̥ܽܘ ܬܰܒ̥ܢܳܐ. 11ܗܰܬܽܘ ܙܳܟ̥ܽܘ ܡܰܠܶܡܽܘ ܠܟ̥ܽܘ ܬܰܒ̥ܢܳܐ ܡܰܐܝܟܳܐ ܕܚܳܙܺܝܬܽܘ، ܘܡܶܕܶܐ ܠ݄ܐ ܟܳܗ̄ܘܶܐ ܕܢܳܩ݄ܨ ܡܽܗ̄ܘ ܥܒ̥ܳܕܰܬ̥ܟ̥ܽܘ.“
12ܘ݄ܡܒܰܪܒ݄ܙ ܗ̄ܽܘ ܥܰܡܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ ܕܡܰܠܬ݄ܡ ܩܫܰܫܬܳܐ ܕܬܰܒ̥ܢܳܐ. 13ܘܰܫّܰܠܺܝ̈ܛܶܐ ܡܰܥܺܝܩܺܝ ܗ̄ܘܰܘ̱ ܐܰܥܠܰܝّܶܗ ܘ݄ܐܡّܺܪ̱ܝ ܗ̄ܘܰܘ̱: ”ܡܰܬܶܡܽܘ ܗ̄ܽܘ ܥܒ̥ܳܕܰܬ̥ܟ̥ܽܘ ܐܟ̥ ܕܟܘ̇ܠ ܙܰܒܢܳܐ، ܐܟ̥ ܕܺܗ̄ܝ ܢܰܩܠܐ ܕܡܺܝܬܰܗܒ̥ܶܐ ܗ̄ܘܰܐ ܠܟ̥ܽܘ ܬܰܒ̥ܢܳܐ.“ 14ܘ݄ܡܚ݄ܢ ܗ̄ܰܟّܰܬ̥ܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܗܰܢܺܝ ܕܡܰܩ݄ܡّܶܗ ܐܰܥܠܰܝّܶܗ ܗ̄ܰܫّܰܠܺܝ̈ܛܶܐ ܕܦܶܪܥܽܘܢ، ܘܐܡ݄ܪّܶܗ: ”ܠܡ݄ܢ ܠܳܐ ܡܰܬ݄ܡܟ̥ܽܘ ܗ̄ܽܘ ܚܫܳܒ̥ܰܬ̥ܟ̥ܽܘ ܕܰܠّܶܒܢ̈ܶܐ ܐܟ̥ ܕܰܐܬ̥ܡ݄ܠ ܘܐܟ̥݄ ܕܒܽܝ̱ܘܡ ܚܪܶܢܳܐ، ܘܰܐܬ̥ܡ݄ܠ ܘܰܐܕܝܰܘܡܰܐ؟“ 15ܘܰܐܬ̥݄ܢ ܗ̄ܰܟّܰܬ̥ܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܘܡܰܫܟܰܠّܶܗ ܩ݄ܕ̱ܡ ܦܶܪܥܽܘܢ ܘܐܡ݄ܪّܶܗ: ”ܠܡ݄ܢ ܗܰܘܟ̥ܰܐ ܟܡܺܝܣ݄ܡ ܠܰܓܪ̈ܶܝܥܰܝܕ̥ܳܟ̥؟ 16ܬܰܒ̥ܢܳܐ ܠ݄ܐ ܓܡܺܝܬܰܗܒ̥ܶܐ ܠܰܓܪ̈ܶܝܥܰܝܕ̥ܳܟ̥، ܘܟ݄ܐܡّܺܪ̱ܝ ܠܰܢ ܣܽܘܡܽܘ ܠܶܒܢ̈ܶܐ. ܘܟܰܐܠ݄ܢ ܗ̄ܰܓܪ̈ܶܝܥܰܝܕ̥ܳܟ̥ ܟܳܡ݄ܡܚ݄ܢ، ܘܗܰܬ ܟܚܳܛܰܬ ܥܰܠ ܗ̄ܽܘ ܥܰܡܰܝܕ̥ܳܟ̥.“ 17ܘܐܡ݄ܪ ܠܰܗ ܠّܶܗ ܦܶܪܥܽܘܢ: ”ܒܰܛܺܝ̈ܠܶܐ ܗܰܬܽܘ، ܡܰܗ̄ܘܟ̥ܰܐ ܟܳܐܡّܺܪ̱ܝܬܽܘ ܓܕ݄ܐܙّܰܢ ܡܕܰܒܚܺܝܢܰܐ ܠܡܳܪܝܳܐ. 18ܐܳܥܕܳܐ ܙܳܟ̥ܽܘ ܥܒ̥ܰܕܽܘ، ܘܬܰܒ̥ܢܳܐ ܠ݄ܐ ܓܡܺܝܬܰܗܒ̥ܰܠܟ̥ܽܘ، ܘܽܗ̄ܘ ܚܫܳܒ̥ܳܐ ܕܰܠّܶܒܢ̈ܶܐ ܓܕܳܗ̄ܒܺܝܬܽܘ.“
19ܘ݄ܚܙܰܠّܶܗ ܗ̄ܰܟّܰܬ̥ܳܒ̥̈ܶܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܰܥܺܝܩ̈ܶܐ، ܘܐܡ݄ܪّܰܢّܶܗ: ”ܠܳܐ ܡܰܢ݄ܩܨܺܝܬܽܘ ܡܰܢ̱ ܠّܶܒܢ̈ܶܐ ܕ݄ܟܣܰܝܡܺܝܬܽܘ، ܐܶܠܳܐ ܐܟ̥ ܕ݄ܒܟܘ̇ܠ ܝܰܘܡܳܐ.“ 20ܘ݄ܬܦܺܝܩܺܝ ܒܡܽܘܫܶܐ ܘܒܰܐܗܪܽܘܢ ܘܗ݄ܢّܶܝ ܩܺܝܡ̈ܶܐ ܡܩܰܒ݄ܠ ܕ݄ܬّ̥ܶܗ ܗ̄ܺܝ ܢܰܩܠܐ ܕܢܰܦܺܝܩܺܝ ܡܶܢ̱ ܩܽܘܕ̱ܡܶܗ ܕܦܶܪܥܽܘܢ. 21ܘܐܡ݄ܪّܰܢّܶܗ: ”ܐܰܠܳܗܳܐ ܚܳܙܶܐ ܘܕܳܝܰܢܟ̥ܽܘ ܥܰܠ ܕܣ݄ܡܟ̥ܽܘ ܠܰܢ ܒܺܝܫ̈ܶܐ ܒܥܰܝܢ̈ܶܐ ܕܦܶܪܥܽܘܢ ܘ݄ܒܥܰܝܢ̈ܶܐ ܕܰܓܪ̈ܶܝܥܰܝܕ̥ܶܗ، ܕܗܽܒ̥ܟ̥ܽܘ ܠܰܢ ܠܽܗ̄ܘ ܣܰܝܦܳܐ ܒܺܐܝܕ̥̈ܳܬ̥ܰܝّܶܗ ܕܩܳܛܠܺܝ ܠܰܢ.“
22ܘܕܰܥ݄ܪ ܡܽܘܫܶܐ ܠܡܳܪܝܳܐ ܘܐܡ݄ܪ ܠܶܗ: ”ܡܳܪܝ̱، ܠܡ݄ܢ ܡܰܝܬܶܐ ܠܳܟ̥ ܒܺܝܫܬܳܐ ܥܰܠ ܗ̄ܽܘ ܥܰܡܰܢܳܐ؟ ܘ݄ܠܡ݄ܢ ܡܫܰܕܰܪ ܠܳܟ̥ ܠܺܝ؟ 23ܕܡܺܗ̄ܝ ܫܳܥܬܳܐ ܕܰܐܬ̥ܺܝ ܐ̱ܢܳܐ ܠܓܰܒ ܦܶܪܥܽܘܢ ܕܡ݄ܫܓ̥ܰܠ ܐ̱ܢܳܐ ܒ݄ܐܫܡܳܟ̥، ܒܺܝܫܬܳܐ ܐܰܬ̥ܺܝ ܥܰܠ ܗ̄ܽܘ ܥܰܡܰܢܳܐ، ܘܦܽܘܪܩܳܢܳܐ ܠܳܐ ܦܪ݄ܩ ܠܳܟ̥ ܗ̄ܽܘ ܥܰܡܰܝܕ̥ܳܟ̥.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation