ܣܶܦܪܳܐ ܕܡܰܦܩܳܢܳܐ 4
4
1ܘܡܰܕܥܰܪ ܠܶܗ ܡܽܘܫܶܐ ܘܐܡ݄ܪ ܠܶܗ: ”ܟܰܐܠ݄ܢ ܠ݄ܐ ܓܡܰܫܪܺܝ ܠܺܝ ܘܠ݄ܐ ܓܫܳܡܥܺܝ ܠܽܗ̄ܘ ܡܰܐܡܪܰܝܕ̥ܺܝ، ܥܰܠ ܕܟܳܐܡّܺܪ̱ܝ: ܡܳܪܝܳܐ ܠܳܐ ܚܙܶܐ ܐܶܠܳܟ̥.“ 2ܘܐܡ݄ܪ ܠܶܗ ܠܶܗ ܡܳܪܝܳܐ: ”ܡ݄ܢܝܳܐ ܗܰܬ̥ܶܐ ܕܒܺܐܝܕ̥ܳܟ̥؟“ ܐܡ݄ܪ ܠܶܗ: ”ܚܰܛܪܳܐ.“ 3ܘܐܡ݄ܪ ܠܶܗ: ”ܡܚܰܠܶܩܰܗ ܥܰܠ ܗ̄ܺܝ ܐܰܪܥܳܐ.“ ܘ݄ܡܚܰܠܩܳܐ ܠܶܗ ܥܰܠ ܗ̄ܺܝ ܐܰܪܥܳܐ ܘܗܰܘܝܳܐ ܚܰܘܝܳܐ. ܘܥܰܪ݄ܩ ܡܽܘܫܶܐ ܡܶܢ̱ ܩܽܘܕ̱ܡܶܗ. 4ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܦܫܰܛ ܐܺܝܕ̥ܳܟ̥ ܘ݄ܙܒܰܛ ܒܕܰܢܒ̥ܶܗ.“ ܘ݄ܦܫ݄ܛ ܠܶܗ ܐܺܝܕ̥ܶܗ ܘ݄ܙܒ݄ܛ ܠܶܗ، ܘܗܰܘܺܝ ܚܰܛܪܳܐ ܒܺܐܝܕ̥ܶܗ. 5”ܠܰܫܰܢ ܕ݄ܡܗܰܝܡܢܺܝ ܕ݄ܚܙܶܐ ܐܶܠܳܟ̥ ܡܳܪܝܳܐ ܐܰܠܳܗܳܐ ܕܰܒّܰܒܳܢ̈ܰܬّ̥ܶܗ، ܐܰܠܳܗܳܐ ܕܰܐܒܪܳܗܳܡ ܘܰܐܠܳܗܳܐ ܕܺܐܝܣܚܳܩ ܘܰܐܠܳܗܳܐ ܕܝܰܥܩܽܘܒ.“
6ܘܕܰܥ݄ܪ ܡܳܪܝܳܐ ܐܡ݄ܪ ܠܶܗ ܠܶܗ: ”ܡܰܥܒ݄ܪ ܐܺܝܕ̥ܳܟ̥ ܠܥܶܒܳܟ̥.“ ܘܡܰܥܒܰܪ ܠܶܗ ܐܺܝܕ̥ܶܗ ܒܥܶܒܶܗ ܘܡܰܘܦܩܳܐ ܠܶܗ، ܘܟܰܐܠܰܗ ܐܺܝܕ̥ܶܗ ܡܓܰܪܒ̥ܰܢܬܳܐ ܐܟ̥ ܕܽܗ̄ܘ ܬܰܠܓܳܐ. 7ܘܐܡ݄ܪ ܠܶܗ ܠܶܗ ܡܳܪܝܳܐ: ”ܡܰܕܥ݄ܪ ܐܺܝܕ̥ܳܟ̥ ܠܥܶܒܳܟ̥.“ ܘܡܰܕܥܰܪ ܠܶܗ ܐܺܝܕ̥ܶܗ ܠܥܶܒܶܗ ܘܡܰܘܦܩܳܐ ܠܶܗ ܡܶܢ̱ ܥܶܒܶܗ، ܘܗܰܘܝܳܐ ܐܟ̥ ܕܽܗ̄ܘ ܒܰܣܪܰܝܕ̥ܶܗ. 8”ܘܶܐܢ ܕܠܳܐ ܡܗܰܝܡܢܺܝ ܘ݄ܕܠܳܐ ܫܰܡܥܺܝ ܠܽܗ̄ܘ ܡܰܐܡܪܳܐ ܕܺܗ̄ܝ ܐܳܬ̥ܳܐ ܩܰܕ̱ܡܰܝܬܳܐ، ܓܕ݄ܡܗܰܝܡܢܺܝ ܠܽܗ̄ܘ ܡܰܐܡܪܳܐ ܕܺܗ̄ܝ ܐܳܬ̥ܳܐ ܕܰܬّܰܪܬܶܝ. 9ܘܶܐܢ ܕܠܳܐ ܡܗܰܝܡܢܺܝ ܠܰܬّܰܪܬܶܝ ܐܳܬ̥ܘ̈ܳܬ̥ܰܢܺܝ، ܘ݄ܕܠܳܐ ܫܰܡܥܺܝ ܠܽܗ̄ܘ ܡܰܐܡܪܰܝܕ̥ܳܟ̥، ܡܘ̇ܕ ܡܰܢ̱ ܡّܰܝ̈ܶܐ ܕܽܗ̄ܘ ܢܰܗܪܳܐ ܘܒܘ̇ܙ ܥܰܠ ܗ̄ܺܝ ܐܰܪܥܳܐ. ܘܰܡّܰܝ̈ܰܢ݄ܟ ܕܡܰܝܕܰܬّܶܗ ܡܽܗ̄ܘ ܢܰܗܪܳܐ ܓܕܳܗ̄ܘ݄ܢ ܐܰܕܡܳܐ ܒܺܗ̄ܝ ܐܰܪܥܳܐ.“
10ܘܐܡ݄ܪ ܠܶܗ ܡܽܘܫܶܐ ܠܡܳܪܝܳܐ: ”ܟܳܐܒܰܥ ܐ̱ܢܳܐ ܡܶܢܳܟ̥، ܡܳܪܝ̱، ܡܽܗ̄ܘ ܝܰܘܡܳܐ ܕܝܰܘܡܶܗ ܠܰܝ̱ܬ ܐ̱ܢܳܐ ܗ̄ܽܘ ܓܰܒ̥ܪܳܐ ܕܟܳܡ݄ܫܓ̥݄ܠ ܛܳܒ̥ܳܐ، ܘܠܳܐ ܡܽܗ̄ܘ ܙܰܒܢܳܐ ܕ݄ܫܓ̥ܺܝܠܰܬ ܥܰܡ ܗ̄ܽܘ ܥܰܒܕܰܝܕ̥ܳܟ̥، ܥܰܠ ܕܟܺܝܬ ܐ̱ܢܳܐ ܠܰܥܓܳܐ ܘܠܶܫܳܢܺܝ ܝܰܩܽܘܪܳܐ.“ 11ܘܐܡ݄ܪ ܠܶܗ ܡܳܪܝܳܐ: ”ܡܰܢܝܳܐ ܕܣ݄ܡ ܠܶܗ ܦܶܡܳܐ ܠܽܗ̄ܘ ܢܳܫܳܐ؟ ܐܰܘ ܡܰܢܝܳܐ ܕܣ݄ܡ ܠܶܗ ܗ̄ܽܘ ܠܰܥܓܳܐ ܐܰܘ ܗ̄ܽܘ ܚܰܪܫܳܐ، ܐܰܘ ܗ̄ܽܘ ܦܬܺܝܚܳܐ ܐܰܘ ܗ̄ܽܘ ܣܰܡܝܳܐ؟ ܩܰܝ ܠܰܝ̱ܬ ܐ̱ܢܳܐ ܐܳܢܳܐ ܡܳܪܝܳܐ؟ 12ܘܳܐܥܕܳܐ ܙܳܠܳܟ̥، ܘܳܐܢܳܐ ܓܕܳܗ̄ܘܶܐ ܐ̱ܢܳܐ ܥܰܡ ܦܶܡܳܟ̥، ܘ݄ܓܡܰܘܠܰܦܢܳܟ̥ ܗ̄ܽܘ ܡܶܕܶܐ ܕܡ݄ܫܓ̥ܳܠܰܬ.“ 13ܘܐܡ݄ܪ ܠܶܗ ܡܽܘܫܶܐ: ”ܟܳܐܒܰܥ ܐ̱ܢܳܐ ܡܶܢܳܟ̥، ܡܳܪܝ̱، ܡܫܰܕ݄ܪ ܒܺܐܝܕ̥ܶܗ ܕܡܰܢ ܕ݄ܡܫܰܕܪܰܬ.“ 14ܘܚܰܝ݄ܡ ܗ̄ܽܘ ܪܽܘܓ̥ܙܳܐ ܕܡܳܪܝܳܐ ܥܰܠ ܡܽܘܫܶܐ، ܘܐܡ݄ܪ ܠܶܗ ܠܶܗ: ”ܟܰܐܠܶܗ ܐܰܗܪܽܘܢ ܐܰܚܽܘܢܳܟ̥ ܠܶܘܳܝܳܐ، ܟܳܐܕ̥ܰܥ ܐ̱ܢܳܐ ܕܟܳܡ݄ܫܓ̥݄ܠ ܛܳܒ̥ܳܐ. ܟܰܐܠܶܗ ܗܺܝّܶܗ ܣܬܶܝ ܓܢܳܦ݄ܩ ܩܰܕ̱ܡܽܘܬ̥ܳܟ̥، ܘ݄ܓܚܳܙܶܐ ܠܳܟ̥ ܘ݄ܓܡ݄ܦܨ݄ܚ ܠܶܒܶܗ. 15ܘ݄ܓܕ݄ܐܡّܰܪ̱ܬ ܠܶܗ، ܘ݄ܓܡܰܚܬܰܬ ܗ̄ܰܡّܰܐܡܪ̈ܶܐ ܒܦܶܡܶܗ. ܘܳܐܢܳܐ ܓܕܳܗ̄ܘܶܐ ܐ̱ܢܳܐ ܥܰܡ ܦܶܡܳܟ̥ ܘܥܰܡ ܦܶܡܶܗ ܘ݄ܓܡܰܘܠܰܦܢܰܢܟ̥ܽܘ ܗ̄ܽܘ ܡܶܕܶܐ ܕ݄ܓܣܰܝܡܺܝܬܽܘ. 16ܗܺܝّܶܗ ܓܡ݄ܫܓ̥݄ܠ ܡܶܢ̱ ܚܠܳܦܳܟ̥ ܥܰܡ ܗ̄ܽܘ ܥܰܡܳܐ، ܘܗܺܝّܶܗ ܓܕܳܗ̄ܘܶܐ ܠܳܟ̥ ܡܬܰܪܓܡܳܢܳܐ. ܘܗܰܬ ܓܕܳܗ̄ܘܰܬ ܠܶܗ (ܡܶܢ̱ ܚܠܳܦ) ܐܰܠܳܗܳܐ. 17ܘܺܗ̄ܝ ܚܰܛܪܰܬ̥ܶܐ ܡܽܘܕܰܗ ܒܺܐܝܕ̥ܳܟ̥ ܠܰܫܰܢ ܣܰܝܡܰܬ ܐܶܒܶܗ ܗ̄ܰܢ ܐܳܬ̥ܘ̈ܳܬ̥ܳܐ.“ 18ܘܕܰܥ݄ܪ ܡܽܘܫܶܐ ܘܰܐܙّܶܗ ܓܰܒ ܝܰܬ̥ܪܽܘܢ ܗ̄ܽܘ ܚܶܡܝܳܢܳܐ، ܘܐܡ݄ܪ ܠܶܗ ܠܶܗ: ”ܓܕܳܥܰܪ ܐ̱ܢܳܐ ܐܙّܺܝ ܐ̱ܢܳܐ ܓܰܒ ܐܰܚ̈ܽܘܢܳܢܺܝ ܕ݄ܒܡܶܨܪܶܝܢ ܘܚܳܙܶܐ ܐ̱ܢܳܐ ܐܶܢ ܗܶܫ ܒܰܚّܰܝ̈ܶܐ ܢܶܝ.“ ܘܐܡ݄ܪ ܠܶܗ ܝܰܬ̥ܪܽܘܢ ܠܡܽܘܫܶܐ: ”ܙܳܟ̥ ܒ݄ܫܠܳܡܳܐ.“
ܗ̄ܽܘ ܕܥܳܪܳܐ ܕܡܽܘܫܶܐ ܠܺܗ̄ܝ ܐܰܪܥܳܐ ܕܡܶܨܪܶܝܢ
19ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ ܒܡܶܕܝܰܢ: ”ܕܥܰܪ ܙܳܟ̥ ܠܡܶܨܪܶܝܢ، ܥܰܠ ܕܡܰܝܺܝܬ̥ܺܝ ܟܽܘܠّܶܗ ܗ̄ܰܓّܰܒ̥ܪ̈ܶܐ ܕܳܐܒܥܺܝ ܗ̄ܘܰܘ̱ ܗ̄ܺܝ ܢܰܦܫܰܝܕ̥ܳܟ̥.“ 20ܘܡ݄ܕ ܠܶܗ ܡܽܘܫܶܐ ܠܺܗ̄ܝ ܐܰܢ̱ܬ̥ܬܰܝܕ̥ܶܗ ܘܠܰܗ̄ܢ ܐܰܒܢ̈ܰܝܕ̥ܶܗ، ܘܡܰܪ݄ܒ̥ܟ̥ܺܝ ܠܶܗ ܥܰܠ ܗ̄ܽܘ ܚܡܳܪܳܐ، ܘܕܰܥ݄ܪ ܐܰܙّܶܗ ܠܡܶܨܪܶܝܢ. ܘܡ݄ܕ ܠܶܗ ܡܽܘܫܶܐ ܗ̄ܺܝ ܚܰܛܪܳܐ ܕܰܐܠܳܗܳܐ ܒܺܐܝܕ̥ܶܗ. 21ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܡ݄ܐ ܕܕܰܥܺܝܪܰܬ ܕ݄ܐܙّܳܟ̥ ܠܡܶܨܪܶܝܢ، ܚܙܰܝ ܟܘܠّܶܗ ܗ̄ܰܬّܶܕ݄ܡܪ̈ܳܬ̥ܳܐ ܕܣܺܝܡܺܝ ܠܺܝ ܒܺܐܝܕ̥̈ܳܬ̥ܳܟ̥ ܣܽܘܡ݄ܢ ܩܽܘܕ̱ܡܶܗ ܕܦܶܪܥܽܘܢ. ܘܳܐܢܳܐ ܓܡܰܩܫܶܐ ܐ̱ܢܳܐ ܠܶܒܶܗ، ܘܠ݄ܐ ܓ݄ܡܫܰܕ݄ܪ ܠܽܗ̄ܘ ܥܰܡܳܐ. 22ܘܐܡܰܪ ܠܦܶܪܥܽܘܢ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܗ̄ܽܘ ܐܰܒܪܰܝܕ̥ܺܝ، ܗ̄ܽܘ ܒܽܘܟ̥ܪܰܝܕ̥ܺܝ ܝܳܐ ܐܺܝܣܪܳܐܶܝܠ. 23ܐܡ݄ܪ ܠܺܝ ܠܳܟ̥ ܕ݄ܡܫܰܕܪܰܬ ܗ̄ܽܘ ܐܰܒܪܰܝܕ̥ܺܝ ܘ݄ܓܥܳܒܰܕ ܠܺܝ. ܘܶܐܢ ܕܠ݄ܐ ܐܒܥܰܬ ܕ݄ܡܫܰܕܪܰܬ ܗ̄ܽܘ ܐܰܒܪܰܝܕ̥ܺܝ، ܟܰܐܠܶܗ ܟܩܳܛܰܠ ܐ̱ܢܳܐ ܗ̄ܽܘ ܐܰܒܪܰܝܕ̥ܳܟ̥ ܗ̄ܽܘ ܒܽܘܟ̥ܪܰܝܕ̥ܳܟ̥.“
24ܘܗܰܘܺܝ ܡܽܘܫܶܐ ܒܽܗ̄ܘ ܕܰܪܒܳܐ، ܒܒܶܝܬ̥ ܒܰܘܬܳܐ. ܘ݄ܬܦܺܝܩ ܐܶܒܶܗ ܡܳܪܝܳܐ، ܘܰܐܒ݄ܥ ܕܩܳܛ݄ܠ ܠܡܽܘܫܶܐ. 25ܘܡ݄ܕ ܠܰܗ ܨܶܦܽܘܪܰܐ (ܗ̄ܺܝ ܐܰܢ̱ܬ̥ܬܳܐ ܕܡܽܘܫܶܐ) ܣܰܠܳܛܳܐ ܘ݄ܓܙ݄ܪ ܠܰܗ ܗ̄ܽܘ ܐܰܒܪܰܝܕ̥ܰܗ. ܘ݄ܙܒ̥݄ܛ ܠܰܗ ܒܪ̈ܰܓ̥ܠܳܬ̥ܶܗ، ܘܐܡ݄ܪ ܠܰܗ: ”ܚܰܬ̥ܢܳܐ ܕܽܗ̄ܘ ܐܰܕܡܳܐ ܗܰܬ ܐܶܠܺܝ.“ 26ܘܡܰܪܦܶܐ ܠܶܗ. ܗܶܕܺܝ ܐܡ݄ܪ ܠܰܗ: ”ܗ̄ܽܘ ܚܰܬ̥ܢܳܐ ܕܽܗ̄ܘ ܐܰܕܡܳܐ ܝܳܐ ܠܺܗ̄ܝ ܓܙܽܘܪܬܳܐ.“
27ܘܐܡ݄ܪ ܠܶܗ ܡܳܪܝܳܐ ܠܰܐܗܪܽܘܢ: ”ܙܳܟ̥ ܩܰܕ̱ܡܽܘܬ̥ܶܗ ܕܡܽܘܫܶܐ ܐܰܚܽܘܢܳܟ̥ ܠܽܗ̄ܘ ܡܰܕ̥݄ܒܪܳܐ.“ ܘܰܐܙّܶܗ ܘ݄ܬܦܺܝܩ ܐܶܒܶܗ ܒܽܗ̄ܘ ܛܽܘܪܳܐ ܕܰܐܠܳܗܳܐ، ܒܚܽܘܪܺܝܒ، ܘ݄ܢܫ݄ܩ ܠܶܗ. 28ܘܡܰܘܕ̥ܰܥ ܠܶܗ ܡܽܘܫܶܐ ܠܰܐܗܪܽܘܢ ܟܽܘܠّܶܗ ܗ̄ܰܡّܰܐܡܪ̈ܶܐ ܕܡܳܪܝܳܐ ܕ݄ܡܫܰܕܰܪ ܠܶܗ، ܘܥܰܠ ܟܽܘܠّܶܗ ܗ̄ܰܢ ܐܳܬ̥ܘ̈ܳܬ̥ܳܐ ܕܗܽܒ̥ ܠܶܗ ܦܽܘܩܕܳܢܳܐ ܕܣܳܝ݄ܡ. 29ܘܰܐܙّ݄ܢ ܡܽܘܫܶܐ ܘܰܐܗܪܽܘܢ ܘܡܰܠ݄ܡّܶܗ ܠܟܽܘܠّܶܗ ܗ̄ܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. 30ܘܐܡ݄ܪ ܠܰܗ ܠّܶܗ ܐܰܗܪܽܘܢ ܟܽܘܠّܶܗ ܗ̄ܰܡّܰܐܡܪ̈ܶܐ ܕܐܡ݄ܪ ܠܶܗ ܡܳܪܝܳܐ ܠܡܽܘܫܶܐ. ܘܣ݄ܡ ܠܶܗ ܗ̄ܰܢ ܐܳܬ̥ܘ̈ܳܬ̥ܳܐ ܩ݄ܕ̱ܡ ܗ̄ܽܘ ܥܰܡܳܐ. 31ܘܽܗ̄ܘ ܥܰܡܳܐ ܡܗܰܝܡܰܢ ܠܶܗ. ܘܫܰܡܺܝܥܺܝ ܕ݄ܕ̥ܟ݄ܪ ܠܶܗ ܡܳܪܝܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܘ݄ܚܙܶܐ ܠܶܗ ܗ̄ܽܘ ܫܽܘܥܒܳܕ̥ܰܬّ̥ܶܗ. ܘ݄ܒܪ݄ܟ ܠܶܗ ܗ̄ܽܘ ܥܰܡܳܐ ܘ݄ܣܓ̥݄ܕ ܠܶܗ ܩ݄ܕ̱ܡ ܡܳܪܝܳܐ.
Právě zvoleno:
ܣܶܦܪܳܐ ܕܡܰܦܩܳܢܳܐ 4: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 4
4
1ܘܡܰܕܥܰܪ ܠܶܗ ܡܽܘܫܶܐ ܘܐܡ݄ܪ ܠܶܗ: ”ܟܰܐܠ݄ܢ ܠ݄ܐ ܓܡܰܫܪܺܝ ܠܺܝ ܘܠ݄ܐ ܓܫܳܡܥܺܝ ܠܽܗ̄ܘ ܡܰܐܡܪܰܝܕ̥ܺܝ، ܥܰܠ ܕܟܳܐܡّܺܪ̱ܝ: ܡܳܪܝܳܐ ܠܳܐ ܚܙܶܐ ܐܶܠܳܟ̥.“ 2ܘܐܡ݄ܪ ܠܶܗ ܠܶܗ ܡܳܪܝܳܐ: ”ܡ݄ܢܝܳܐ ܗܰܬ̥ܶܐ ܕܒܺܐܝܕ̥ܳܟ̥؟“ ܐܡ݄ܪ ܠܶܗ: ”ܚܰܛܪܳܐ.“ 3ܘܐܡ݄ܪ ܠܶܗ: ”ܡܚܰܠܶܩܰܗ ܥܰܠ ܗ̄ܺܝ ܐܰܪܥܳܐ.“ ܘ݄ܡܚܰܠܩܳܐ ܠܶܗ ܥܰܠ ܗ̄ܺܝ ܐܰܪܥܳܐ ܘܗܰܘܝܳܐ ܚܰܘܝܳܐ. ܘܥܰܪ݄ܩ ܡܽܘܫܶܐ ܡܶܢ̱ ܩܽܘܕ̱ܡܶܗ. 4ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܦܫܰܛ ܐܺܝܕ̥ܳܟ̥ ܘ݄ܙܒܰܛ ܒܕܰܢܒ̥ܶܗ.“ ܘ݄ܦܫ݄ܛ ܠܶܗ ܐܺܝܕ̥ܶܗ ܘ݄ܙܒ݄ܛ ܠܶܗ، ܘܗܰܘܺܝ ܚܰܛܪܳܐ ܒܺܐܝܕ̥ܶܗ. 5”ܠܰܫܰܢ ܕ݄ܡܗܰܝܡܢܺܝ ܕ݄ܚܙܶܐ ܐܶܠܳܟ̥ ܡܳܪܝܳܐ ܐܰܠܳܗܳܐ ܕܰܒّܰܒܳܢ̈ܰܬّ̥ܶܗ، ܐܰܠܳܗܳܐ ܕܰܐܒܪܳܗܳܡ ܘܰܐܠܳܗܳܐ ܕܺܐܝܣܚܳܩ ܘܰܐܠܳܗܳܐ ܕܝܰܥܩܽܘܒ.“
6ܘܕܰܥ݄ܪ ܡܳܪܝܳܐ ܐܡ݄ܪ ܠܶܗ ܠܶܗ: ”ܡܰܥܒ݄ܪ ܐܺܝܕ̥ܳܟ̥ ܠܥܶܒܳܟ̥.“ ܘܡܰܥܒܰܪ ܠܶܗ ܐܺܝܕ̥ܶܗ ܒܥܶܒܶܗ ܘܡܰܘܦܩܳܐ ܠܶܗ، ܘܟܰܐܠܰܗ ܐܺܝܕ̥ܶܗ ܡܓܰܪܒ̥ܰܢܬܳܐ ܐܟ̥ ܕܽܗ̄ܘ ܬܰܠܓܳܐ. 7ܘܐܡ݄ܪ ܠܶܗ ܠܶܗ ܡܳܪܝܳܐ: ”ܡܰܕܥ݄ܪ ܐܺܝܕ̥ܳܟ̥ ܠܥܶܒܳܟ̥.“ ܘܡܰܕܥܰܪ ܠܶܗ ܐܺܝܕ̥ܶܗ ܠܥܶܒܶܗ ܘܡܰܘܦܩܳܐ ܠܶܗ ܡܶܢ̱ ܥܶܒܶܗ، ܘܗܰܘܝܳܐ ܐܟ̥ ܕܽܗ̄ܘ ܒܰܣܪܰܝܕ̥ܶܗ. 8”ܘܶܐܢ ܕܠܳܐ ܡܗܰܝܡܢܺܝ ܘ݄ܕܠܳܐ ܫܰܡܥܺܝ ܠܽܗ̄ܘ ܡܰܐܡܪܳܐ ܕܺܗ̄ܝ ܐܳܬ̥ܳܐ ܩܰܕ̱ܡܰܝܬܳܐ، ܓܕ݄ܡܗܰܝܡܢܺܝ ܠܽܗ̄ܘ ܡܰܐܡܪܳܐ ܕܺܗ̄ܝ ܐܳܬ̥ܳܐ ܕܰܬّܰܪܬܶܝ. 9ܘܶܐܢ ܕܠܳܐ ܡܗܰܝܡܢܺܝ ܠܰܬّܰܪܬܶܝ ܐܳܬ̥ܘ̈ܳܬ̥ܰܢܺܝ، ܘ݄ܕܠܳܐ ܫܰܡܥܺܝ ܠܽܗ̄ܘ ܡܰܐܡܪܰܝܕ̥ܳܟ̥، ܡܘ̇ܕ ܡܰܢ̱ ܡّܰܝ̈ܶܐ ܕܽܗ̄ܘ ܢܰܗܪܳܐ ܘܒܘ̇ܙ ܥܰܠ ܗ̄ܺܝ ܐܰܪܥܳܐ. ܘܰܡّܰܝ̈ܰܢ݄ܟ ܕܡܰܝܕܰܬّܶܗ ܡܽܗ̄ܘ ܢܰܗܪܳܐ ܓܕܳܗ̄ܘ݄ܢ ܐܰܕܡܳܐ ܒܺܗ̄ܝ ܐܰܪܥܳܐ.“
10ܘܐܡ݄ܪ ܠܶܗ ܡܽܘܫܶܐ ܠܡܳܪܝܳܐ: ”ܟܳܐܒܰܥ ܐ̱ܢܳܐ ܡܶܢܳܟ̥، ܡܳܪܝ̱، ܡܽܗ̄ܘ ܝܰܘܡܳܐ ܕܝܰܘܡܶܗ ܠܰܝ̱ܬ ܐ̱ܢܳܐ ܗ̄ܽܘ ܓܰܒ̥ܪܳܐ ܕܟܳܡ݄ܫܓ̥݄ܠ ܛܳܒ̥ܳܐ، ܘܠܳܐ ܡܽܗ̄ܘ ܙܰܒܢܳܐ ܕ݄ܫܓ̥ܺܝܠܰܬ ܥܰܡ ܗ̄ܽܘ ܥܰܒܕܰܝܕ̥ܳܟ̥، ܥܰܠ ܕܟܺܝܬ ܐ̱ܢܳܐ ܠܰܥܓܳܐ ܘܠܶܫܳܢܺܝ ܝܰܩܽܘܪܳܐ.“ 11ܘܐܡ݄ܪ ܠܶܗ ܡܳܪܝܳܐ: ”ܡܰܢܝܳܐ ܕܣ݄ܡ ܠܶܗ ܦܶܡܳܐ ܠܽܗ̄ܘ ܢܳܫܳܐ؟ ܐܰܘ ܡܰܢܝܳܐ ܕܣ݄ܡ ܠܶܗ ܗ̄ܽܘ ܠܰܥܓܳܐ ܐܰܘ ܗ̄ܽܘ ܚܰܪܫܳܐ، ܐܰܘ ܗ̄ܽܘ ܦܬܺܝܚܳܐ ܐܰܘ ܗ̄ܽܘ ܣܰܡܝܳܐ؟ ܩܰܝ ܠܰܝ̱ܬ ܐ̱ܢܳܐ ܐܳܢܳܐ ܡܳܪܝܳܐ؟ 12ܘܳܐܥܕܳܐ ܙܳܠܳܟ̥، ܘܳܐܢܳܐ ܓܕܳܗ̄ܘܶܐ ܐ̱ܢܳܐ ܥܰܡ ܦܶܡܳܟ̥، ܘ݄ܓܡܰܘܠܰܦܢܳܟ̥ ܗ̄ܽܘ ܡܶܕܶܐ ܕܡ݄ܫܓ̥ܳܠܰܬ.“ 13ܘܐܡ݄ܪ ܠܶܗ ܡܽܘܫܶܐ: ”ܟܳܐܒܰܥ ܐ̱ܢܳܐ ܡܶܢܳܟ̥، ܡܳܪܝ̱، ܡܫܰܕ݄ܪ ܒܺܐܝܕ̥ܶܗ ܕܡܰܢ ܕ݄ܡܫܰܕܪܰܬ.“ 14ܘܚܰܝ݄ܡ ܗ̄ܽܘ ܪܽܘܓ̥ܙܳܐ ܕܡܳܪܝܳܐ ܥܰܠ ܡܽܘܫܶܐ، ܘܐܡ݄ܪ ܠܶܗ ܠܶܗ: ”ܟܰܐܠܶܗ ܐܰܗܪܽܘܢ ܐܰܚܽܘܢܳܟ̥ ܠܶܘܳܝܳܐ، ܟܳܐܕ̥ܰܥ ܐ̱ܢܳܐ ܕܟܳܡ݄ܫܓ̥݄ܠ ܛܳܒ̥ܳܐ. ܟܰܐܠܶܗ ܗܺܝّܶܗ ܣܬܶܝ ܓܢܳܦ݄ܩ ܩܰܕ̱ܡܽܘܬ̥ܳܟ̥، ܘ݄ܓܚܳܙܶܐ ܠܳܟ̥ ܘ݄ܓܡ݄ܦܨ݄ܚ ܠܶܒܶܗ. 15ܘ݄ܓܕ݄ܐܡّܰܪ̱ܬ ܠܶܗ، ܘ݄ܓܡܰܚܬܰܬ ܗ̄ܰܡّܰܐܡܪ̈ܶܐ ܒܦܶܡܶܗ. ܘܳܐܢܳܐ ܓܕܳܗ̄ܘܶܐ ܐ̱ܢܳܐ ܥܰܡ ܦܶܡܳܟ̥ ܘܥܰܡ ܦܶܡܶܗ ܘ݄ܓܡܰܘܠܰܦܢܰܢܟ̥ܽܘ ܗ̄ܽܘ ܡܶܕܶܐ ܕ݄ܓܣܰܝܡܺܝܬܽܘ. 16ܗܺܝّܶܗ ܓܡ݄ܫܓ̥݄ܠ ܡܶܢ̱ ܚܠܳܦܳܟ̥ ܥܰܡ ܗ̄ܽܘ ܥܰܡܳܐ، ܘܗܺܝّܶܗ ܓܕܳܗ̄ܘܶܐ ܠܳܟ̥ ܡܬܰܪܓܡܳܢܳܐ. ܘܗܰܬ ܓܕܳܗ̄ܘܰܬ ܠܶܗ (ܡܶܢ̱ ܚܠܳܦ) ܐܰܠܳܗܳܐ. 17ܘܺܗ̄ܝ ܚܰܛܪܰܬ̥ܶܐ ܡܽܘܕܰܗ ܒܺܐܝܕ̥ܳܟ̥ ܠܰܫܰܢ ܣܰܝܡܰܬ ܐܶܒܶܗ ܗ̄ܰܢ ܐܳܬ̥ܘ̈ܳܬ̥ܳܐ.“ 18ܘܕܰܥ݄ܪ ܡܽܘܫܶܐ ܘܰܐܙّܶܗ ܓܰܒ ܝܰܬ̥ܪܽܘܢ ܗ̄ܽܘ ܚܶܡܝܳܢܳܐ، ܘܐܡ݄ܪ ܠܶܗ ܠܶܗ: ”ܓܕܳܥܰܪ ܐ̱ܢܳܐ ܐܙّܺܝ ܐ̱ܢܳܐ ܓܰܒ ܐܰܚ̈ܽܘܢܳܢܺܝ ܕ݄ܒܡܶܨܪܶܝܢ ܘܚܳܙܶܐ ܐ̱ܢܳܐ ܐܶܢ ܗܶܫ ܒܰܚّܰܝ̈ܶܐ ܢܶܝ.“ ܘܐܡ݄ܪ ܠܶܗ ܝܰܬ̥ܪܽܘܢ ܠܡܽܘܫܶܐ: ”ܙܳܟ̥ ܒ݄ܫܠܳܡܳܐ.“
ܗ̄ܽܘ ܕܥܳܪܳܐ ܕܡܽܘܫܶܐ ܠܺܗ̄ܝ ܐܰܪܥܳܐ ܕܡܶܨܪܶܝܢ
19ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ ܒܡܶܕܝܰܢ: ”ܕܥܰܪ ܙܳܟ̥ ܠܡܶܨܪܶܝܢ، ܥܰܠ ܕܡܰܝܺܝܬ̥ܺܝ ܟܽܘܠّܶܗ ܗ̄ܰܓّܰܒ̥ܪ̈ܶܐ ܕܳܐܒܥܺܝ ܗ̄ܘܰܘ̱ ܗ̄ܺܝ ܢܰܦܫܰܝܕ̥ܳܟ̥.“ 20ܘܡ݄ܕ ܠܶܗ ܡܽܘܫܶܐ ܠܺܗ̄ܝ ܐܰܢ̱ܬ̥ܬܰܝܕ̥ܶܗ ܘܠܰܗ̄ܢ ܐܰܒܢ̈ܰܝܕ̥ܶܗ، ܘܡܰܪ݄ܒ̥ܟ̥ܺܝ ܠܶܗ ܥܰܠ ܗ̄ܽܘ ܚܡܳܪܳܐ، ܘܕܰܥ݄ܪ ܐܰܙّܶܗ ܠܡܶܨܪܶܝܢ. ܘܡ݄ܕ ܠܶܗ ܡܽܘܫܶܐ ܗ̄ܺܝ ܚܰܛܪܳܐ ܕܰܐܠܳܗܳܐ ܒܺܐܝܕ̥ܶܗ. 21ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܡ݄ܐ ܕܕܰܥܺܝܪܰܬ ܕ݄ܐܙّܳܟ̥ ܠܡܶܨܪܶܝܢ، ܚܙܰܝ ܟܘܠّܶܗ ܗ̄ܰܬّܶܕ݄ܡܪ̈ܳܬ̥ܳܐ ܕܣܺܝܡܺܝ ܠܺܝ ܒܺܐܝܕ̥̈ܳܬ̥ܳܟ̥ ܣܽܘܡ݄ܢ ܩܽܘܕ̱ܡܶܗ ܕܦܶܪܥܽܘܢ. ܘܳܐܢܳܐ ܓܡܰܩܫܶܐ ܐ̱ܢܳܐ ܠܶܒܶܗ، ܘܠ݄ܐ ܓ݄ܡܫܰܕ݄ܪ ܠܽܗ̄ܘ ܥܰܡܳܐ. 22ܘܐܡܰܪ ܠܦܶܪܥܽܘܢ: ܗܰܘܟ̥ܰܐ ܟܳܐܡ݄ܪ ܡܳܪܝܳܐ: ܗ̄ܽܘ ܐܰܒܪܰܝܕ̥ܺܝ، ܗ̄ܽܘ ܒܽܘܟ̥ܪܰܝܕ̥ܺܝ ܝܳܐ ܐܺܝܣܪܳܐܶܝܠ. 23ܐܡ݄ܪ ܠܺܝ ܠܳܟ̥ ܕ݄ܡܫܰܕܪܰܬ ܗ̄ܽܘ ܐܰܒܪܰܝܕ̥ܺܝ ܘ݄ܓܥܳܒܰܕ ܠܺܝ. ܘܶܐܢ ܕܠ݄ܐ ܐܒܥܰܬ ܕ݄ܡܫܰܕܪܰܬ ܗ̄ܽܘ ܐܰܒܪܰܝܕ̥ܺܝ، ܟܰܐܠܶܗ ܟܩܳܛܰܠ ܐ̱ܢܳܐ ܗ̄ܽܘ ܐܰܒܪܰܝܕ̥ܳܟ̥ ܗ̄ܽܘ ܒܽܘܟ̥ܪܰܝܕ̥ܳܟ̥.“
24ܘܗܰܘܺܝ ܡܽܘܫܶܐ ܒܽܗ̄ܘ ܕܰܪܒܳܐ، ܒܒܶܝܬ̥ ܒܰܘܬܳܐ. ܘ݄ܬܦܺܝܩ ܐܶܒܶܗ ܡܳܪܝܳܐ، ܘܰܐܒ݄ܥ ܕܩܳܛ݄ܠ ܠܡܽܘܫܶܐ. 25ܘܡ݄ܕ ܠܰܗ ܨܶܦܽܘܪܰܐ (ܗ̄ܺܝ ܐܰܢ̱ܬ̥ܬܳܐ ܕܡܽܘܫܶܐ) ܣܰܠܳܛܳܐ ܘ݄ܓܙ݄ܪ ܠܰܗ ܗ̄ܽܘ ܐܰܒܪܰܝܕ̥ܰܗ. ܘ݄ܙܒ̥݄ܛ ܠܰܗ ܒܪ̈ܰܓ̥ܠܳܬ̥ܶܗ، ܘܐܡ݄ܪ ܠܰܗ: ”ܚܰܬ̥ܢܳܐ ܕܽܗ̄ܘ ܐܰܕܡܳܐ ܗܰܬ ܐܶܠܺܝ.“ 26ܘܡܰܪܦܶܐ ܠܶܗ. ܗܶܕܺܝ ܐܡ݄ܪ ܠܰܗ: ”ܗ̄ܽܘ ܚܰܬ̥ܢܳܐ ܕܽܗ̄ܘ ܐܰܕܡܳܐ ܝܳܐ ܠܺܗ̄ܝ ܓܙܽܘܪܬܳܐ.“
27ܘܐܡ݄ܪ ܠܶܗ ܡܳܪܝܳܐ ܠܰܐܗܪܽܘܢ: ”ܙܳܟ̥ ܩܰܕ̱ܡܽܘܬ̥ܶܗ ܕܡܽܘܫܶܐ ܐܰܚܽܘܢܳܟ̥ ܠܽܗ̄ܘ ܡܰܕ̥݄ܒܪܳܐ.“ ܘܰܐܙّܶܗ ܘ݄ܬܦܺܝܩ ܐܶܒܶܗ ܒܽܗ̄ܘ ܛܽܘܪܳܐ ܕܰܐܠܳܗܳܐ، ܒܚܽܘܪܺܝܒ، ܘ݄ܢܫ݄ܩ ܠܶܗ. 28ܘܡܰܘܕ̥ܰܥ ܠܶܗ ܡܽܘܫܶܐ ܠܰܐܗܪܽܘܢ ܟܽܘܠّܶܗ ܗ̄ܰܡّܰܐܡܪ̈ܶܐ ܕܡܳܪܝܳܐ ܕ݄ܡܫܰܕܰܪ ܠܶܗ، ܘܥܰܠ ܟܽܘܠّܶܗ ܗ̄ܰܢ ܐܳܬ̥ܘ̈ܳܬ̥ܳܐ ܕܗܽܒ̥ ܠܶܗ ܦܽܘܩܕܳܢܳܐ ܕܣܳܝ݄ܡ. 29ܘܰܐܙّ݄ܢ ܡܽܘܫܶܐ ܘܰܐܗܪܽܘܢ ܘܡܰܠ݄ܡّܶܗ ܠܟܽܘܠّܶܗ ܗ̄ܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ. 30ܘܐܡ݄ܪ ܠܰܗ ܠّܶܗ ܐܰܗܪܽܘܢ ܟܽܘܠّܶܗ ܗ̄ܰܡّܰܐܡܪ̈ܶܐ ܕܐܡ݄ܪ ܠܶܗ ܡܳܪܝܳܐ ܠܡܽܘܫܶܐ. ܘܣ݄ܡ ܠܶܗ ܗ̄ܰܢ ܐܳܬ̥ܘ̈ܳܬ̥ܳܐ ܩ݄ܕ̱ܡ ܗ̄ܽܘ ܥܰܡܳܐ. 31ܘܽܗ̄ܘ ܥܰܡܳܐ ܡܗܰܝܡܰܢ ܠܶܗ. ܘܫܰܡܺܝܥܺܝ ܕ݄ܕ̥ܟ݄ܪ ܠܶܗ ܡܳܪܝܳܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܘ݄ܚܙܶܐ ܠܶܗ ܗ̄ܽܘ ܫܽܘܥܒܳܕ̥ܰܬّ̥ܶܗ. ܘ݄ܒܪ݄ܟ ܠܶܗ ܗ̄ܽܘ ܥܰܡܳܐ ܘ݄ܣܓ̥݄ܕ ܠܶܗ ܩ݄ܕ̱ܡ ܡܳܪܝܳܐ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation